影片
電話號碼
35982968
營業時間
今日營業
全日休息
星期一至六
18:00 - 22:00
星期日
全日休息
公眾假期
全日休息
以上資料只供參考, 請與餐廳確認詳情
這店在未搬前吃過，搬舖後，地方光猛咗，大咗，感覺更舒服，訂枱慶祝母親節，在前夕食店已很熱鬧，新任媽媽請客，與一衆媽媽們慶祝，未食先興奮。芥末麻香花膠~筆者一向不嗜辣，這道菜麻而不辣，巨型花膠滲出陣陣麻香味，葱絲切得幼細，配上當日帶來的Sake，襯出那份麻香，夾檔。冰鎮南非鮑魚~每道菜式，一端上枱已很駕勢，打咭一流，難怪訂位需時。桂花蜜汁方塊~蓮子預先浸過，甜蜜鬆軟，嗜甜者喜。哈密瓜爵士湯~吃過鍋巴已甜在心頭，之後再來清燉爵士湯，熱騰騰的，小心要慢慢地渇，甜得有點過份，筆者已分不清是湯類還是甜品類，但看到幾位媽媽喝得笑逐顏開。賽螃蟹粉法包~新派賽螃蟹，止乃手功菜，用五種不同的蟹拆肉，分別奄仔、花蟹、膏蟹、肉蟹及梭子蟹。細心的是，先用酒杯蓋住一酒杯份量的蟹粉，先吃那碟上的蟹粉及底部的蛋白，之後再調配自己喜好的醋，可以選紅醋或陳醋，更有㕑子自己調配的醋，所以單單是玩味層次，已經有排試，最後再將那杯子放出，熱度又再番晒嚟，㕑子那份心思一讚。另外再配上法包，法包都有三種選擇，淨法包，單面蒜蓉包及雙面蒜蓉包老實說，筆者已經飽，只能夠各試一塊包，筆者較為喜歡配淨法包，更突顯蟹粉的香味。鹹梅菜蒸鮮馬友~當晚筆者最喜歡的一道菜，由於已預先起了中間那條骨，相當合適懶人或怕骨的食客，魚本身有陣陣魚油香味，配上甜豉油，再點上那放在魚身上的酸梅醬，滋味十足，一讚。味菜蟶子煎米粉~豉椒蟶子煎米粉就經常出現，但㕑子用味菜配上更加惹味，但略嫌蟶子嘅份量太少。上湯有機菜遠~每道菜式老闆娘都會親自介紹，這道菜要先喝一口，之後再吃那有機菜芯。老陳皮紅豆沙~老闆娘告知，這是40年陳皮，還有芝麻湯圓，大家都吃得飽飽，相當圓滿。整體來說由於是私房菜，所有以現金支付，最少要訂八位，筆者今次這枱是訂$1290/位，另再加一服務費。另外，這裡是免開瓶，無論是紅白餐酒，甚至Sake都會有酒杯供應，相當適合酒友到來飯聚。唯獨是當晚是坐門口的一張桌子，隔離枱，人多勢眾，開酒氣氛高漲，十分興奮，個人覺得如果有獨立房間或屏風間隔間格，感覺較有私隱度及良好。
繼續閱讀
又成功挑戰咗一間預約困難店，多謝朋友 carry 🥰 呢間係誇張到2023年已經book 到2025年全 full 😮 有機會試到真係 lucky 有食神~ 不同Menu 上面有唔同想試嘅菜式，大家心大心細好耐先發板。嚟到安心等食就得，店家好細心地會分別同各枱詳細講解介紹每一道菜。芥末麻香花膠。成隻手板咁大嘅花膠真係不得了！🤯先用上高湯餚煮入味再雪凍。口感十分爽滑彈，而家好香嘅芥未同麻油香味，配合葱嘅加持更提鮮，呢個冷盤夠先聲奪人冰鎮南非鮑魚 。外觀好睇得之外（杯鮑魚cocktail 幾 QQ🍸）仲係一個可以叉住成隻食嘅鮑魚，肉厚夠腍，食落仲帶點花椒味，鮮美而不膩鮮青檸口水雞🍋雖名口水雞但唔會好辣，微微麻微微辣之外反而帶點甘甜嘅味道，個調味十分新鮮。食嘅時候加入即搾青檸汁令整個口味更有層次，清新嘅香味有大大加分！（唯一係啲青檸唔夠用，要另加十蚊先有一粒感覺有啲怪怪。）呢幾個餸都好出色，令大家對接下嚟嘅食物都更加期待哈蜜瓜爵士湯 。 一碗包含咗哈蜜瓜、螺頭、金華火腿同埋雞腳等食材經過十五小時燉製🍲，湯色清澈，口味柔和唔霸道，啖啖香甜鮮美！必須要一滴不漏咁清曬以表達我嘅欣賞賽螃蟹粉法飽 。呢味係個個都嘩嘩聲，完全係要餵飽個相機先😂😂😂 甪咗5款唔同嘅蟹包括黃油奄仔、花蟹、膏蟹、肉蟹和藍蟹🦀🦀🦀🦀🦀拆嘅蟹粉盛筵，一望無際嘅蟹粉底舖咗一層蒸蛋白，更添滑嫩口感~店家準備咗浙醋同佢哋自家制陳醋兩款任君選擇。配合3種法包伴食，我只想講一句，好很飽。個人覺得本身蟹粉已經係會滯胃再配咁多唔同嘅包係少癲，大家都食到投晒降，而且蒜茸法包同蟹粉都係濃味，互搶之下難免有啲撞車嘅感覺。（呢個 moment 已經好飽好飽🐽)黃金瑤柱炒飯 。夠乾身啲飯粒粒分明，個人覺得呢個反而用嚟配啲蟹膏合理啲喎，唔搶 fo 亦都無咁膩金蒜蒸指天翅。指天翅係花尾龍躉，一件有齊魚肉同魚鰭部分，魚脂豐盈有豐富膠質，腍滑食落帶黏口 （係滿滿嘅骨膠原呀~！！），簡單咁用蒜蓉、豉油調味，魚鮮味美。
繼續閱讀
所有食物都好精緻 好高質嘅中菜廳每上一道菜都會有專人入黎講解菜式嘅整法 採用食材嘅來源南非鮑魚爽口彈牙 花膠勁大隻 我諗攤開大過我隻手金華火腿配米通 多重口感 非常回味食蟹唔洗郁手係最正 花螺都好好味 不過有d辣 唔食得辣嘅朋友睇下就好🤣🤣最尾仲有甜點真係非常滿足的一餐～
繼續閱讀
在疫症期間預約要超過一年才吃到的東煮友喜，現在聽說早一兩星期就可以訂到了，對於我這種未嚐過的老饕當然是天大喜訊，但也是否代表着，香港本地的消費力在通關之後漸漸下降或流失？今次好友S小姐宴請了我們一班兄弟到這裏用餐，是晚菜單有：芥末麻香花膠筒一人一件大大隻的花膠筒，花膠筒也挺厚身，配上他們的芥末蔥油，口感和味道都不錯。冰鎮南非鮮鮑魚鮑魚清洗得十分乾淨（這個是十分難得的），每一隻都很雪白，肉質爽口彈牙，不錯。桂花火方配鍋巴蜜糖太甜，把火腿的鹹鮮味也蓋過了，稍為失色。哈密瓜燉爵士湯是晚我最喜歡的一道菜，哈密瓜和螺頭都十分鮮甜，相互配合相得益彰，十分出色！賽螃蟹粉配法包打卡一流，吃起來還可以，但也不需要期望太高，就是一道正正常常的蟹粉菜。鹹梅醬蒸鮮馬友鹹梅醬把馬友的鹹鮮味都帶出來，蒸的時間恰到好處，馬友肉質非常嫩滑，十分出色。豉椒蟶子煎米在下面的煎米粉把上面蟶子豉椒汁吸收了，香濃又香脆，蟶子反而變了配菜，味道不錯。陳皮紅豆沙紅豆沙煮得夠綿，每一口還有淡淡的陳皮香味，不錯。整體而言，食物質素中上，冰鎭的兩道涼菜我都很很喜歡，爵士湯更是讚不絕口，蒸馬友也非常出色，服務一流，環境不錯，有獨立包廂，雖然在紅磡來說，單價稍貴，但絕對值得一試。感謝S小姐的招待。🙏🏻#東煮友喜 #東煮友喜私房菜 #happychefshappyfriends
繼續閱讀
我很少寫食評，只是看到一些不公平的評價，所以自發想為餐廳澄清一下，絕對跟這餐廳無關係。首先，訂位問題。我第一次去這家餐廳，聽說要等二年以上，碰巧有朋友沒空，給我塞了個位，所以我才有機會嘗試。我看到一些不公平的評價說只等了幾星期就有位，立刻指責餐廳要等幾年只是營銷手段，扮「上菜」。說實話，我相信你都是靠朋友才可以去到，你知道你朋友等了很久和花人情才有位子嗎？請不要做井底之蛙。其次，味道好不好非常主觀，只能以大眾喜愛的口味為主線。我是很多私人會所的會員，也常去一些知名的餐廳比如大班樓、五陵會等等，人脈較廣，可以較自由地留座和用餐。這裏的食物很真材實料，花膠非常厚實；雖然不算有創意，但其他地方也能吃到。只是它每道菜都是中上水平的。以這個價格來說，我覺得它是偏便宜的。我很少寫食評，原諒我只有照片。已經是幾個月前的事了，忘記了每道菜的細節味道，但食材確實是真材實料的，大家吃完都大讚好味，想再訂有房的枱。第三，餐廳會提前給我們菜單、價格和只收現金的說明，不滿意這些事情可以選擇不去，但吃完之後卻指責為什麼只收現金？或者為什麼這麼貴，亂收費。一家餐廳要在香港佔一席位已經不容易，希望每位食評家給予公正、有品的評價，讓這個平台的可信度一直提高。
繼續閱讀