150
21
14
| 餐廳: | 彩福皇宴 (置富都會) |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
| 餐廳: | 彩福皇宴 (置富都會) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
08:00 - 16:00
18:00 - 23:00
星期一至日
08:00 - 16:00
18:00 - 23:00
以上資料只供參考, 請與餐廳確認詳情
一班舊同事晌疫情幾年都無約齊過出嚟聚一聚，就趁農曆年咁就梗喺乘機出嚟食番餐啦！因為就番大家關係，所以，定喺星期五晚，然而，好多酒樓都會有時限，結果，偏少少搵到嚟「都會廣場」嘅「彩福」，無時限之餘，又就得到部分住喺新界東嘅老友。雖然成日聽到話啲人北上搵食，不過，今晚嚟到「彩福」都算喺幾爆場。因為我哋有排傾，坐咗成晚，眼見有啲細枱翻咗一、兩轉。至於呢度嘅環境，同傳統酒樓差唔多，燈火通明，唔好見張相以為地方得咁細，其實有一邊間咗俾人搞宴會。同枱嘅舊同事對食都無乜要求，所以，我哋都喺叫返啲慣常小炒，本應佢有一張大嘅點菜紙，不過，忘記影低。大家眼見呢幾張餐牌都喺當其時「求其」影，實際當然唔止咁少款式。片皮鴨 $288呢道菜要預訂，唔訂未必無，訂咗就穩陣啲。由於我哋坐咗晌個角落位，所以，阿姐晌出面遠少少位置度片隻鴨，用咗隻「鴨仔」碟，配上大蔥、青瓜、甜麵醬，成份片皮鴨幾有睇頭。隻鴨燒得幾唔錯，皮脆肉嫩，油香豐腴，加埋啲配料以餅皮捲起嚟食，好有風味。不過，負責片皮嘅阿姐絕對好業餘，因為片到厚薄不一，有啲直情得層皮，有啲就連住嚿厚肉，多多少少都影響咗個口感。七彩炒鴨絲 $88叫得片皮鴨，無理由唔加少少錢揀二食，不過，話就話「七彩」，應該改為「銀翠」，因為喺以銀芽同韮菜去炒鴨絲。實際嚟講，炒得夠鑊氣，都幾好食，而且，大大碟夠份量。上湯焗西澳龍蝦 $388話晒當喺賀年，梗喺食豪少少，所以，揀咗一客龍蝦，並加埋伊麵底（+$30）。講明喺澳洲貨，又標明會有幾重，感覺都有信心啲，出嚟嘅成品亦都好唔錯，睇落絕對足秤，龍蝦肉非常之爽彈，而且好鮮甜，用咗上湯焗，無芝士咁「漏」，不過，略嫌啲伊麵有少少碎濕濕。鹹菜胡椒豬肚鯛魚片煲 $118除咗個龍蝦，揀多個海鮮類菜式，就喺呢個魚片煲，最搞嘢喺襯埋個鹹菜胡椒豬肚湯，感覺好似一個價錢食兩度菜咁，更好嘅喺呢個煲熱住食，啱晒呢排天寒地凍嘅日子。本身個鹹菜胡椒豬肚湯已經幾好食，加上啲鯛魚片好嫩滑，份量亦唔少，呢道菜可以講喺性價比高。石鍋珍菌百福豆腐 $98老友們食嘢都喺相對比較健康，所以多菜少肉，蔬菜類菜式都會揀多啲。先喺呢個石鍋豆腐。因為用上滾熱燙嘅石鍋盛上，所以由頭食到尾都夠晒熱焫焫，而裡面有好多菇菌，啲豆腐又夠滑，個醬汁調味道啱啱好，確喺唔錯。金銀蛋浸菜心 $96另一度蔬菜菜式就要清淡啲嘅，就揀金銀蛋浸時蔬，時蔬就揀咗菜心，因為阿姐話今日啲菜心靚，又即管試下，食落又確喺幾甜，而金銀蛋大家都知喺乜唔多講。原個椰皇燉燕窩 $52甜品方面呢度有好多選擇，不過，原個椰皇需要預訂，同樣地，無訂嘅話唔一定無，視乎當晚供應情況。我哋就預訂咗兩個，再加埋其他甜品一齊共享。講返個椰皇，打開蓋都睇得到非常足料，啲燕窩唔會碎濕濕，而下面嘅椰皇燉奶熱呼呼，好嫩滑，非常清甜，陣陣椰香，食完真喺好潤。紅豆桂花糕 $24一般嘅桂花糕賣相都比較晶瑩，但呢份桂花糕外觀就比較沉實啲，因為加咗紅豆，又喺可以講一個價錢食到紅豆糕同桂花糕。啲紅豆煮得幾綿，而且夠香甜，加咗桂花所以滲出陣陣桂花香，味道都幾夾。金箔芝麻卷 $30一碟有成6件，都只喺買$30，晌酒樓中都算抵食，再者加咗少少金箔，睇上去自然貴氣好多。而入口個人嚟講，都真喺算唔錯，口感夠挺身，咬落又帶點爽口，最重要就喺芝麻味夠濃郁。若非有啲老友住得遠，否則我哋仲有排傾，始終太耐無見，同埋今晚又喺最齊人，喺難得嘅機會。不過，依家已經復常番晒，相信第時出嚟再聚嘅日子都會多啲。
繼續閱讀
彩福皇宴一向以街坊價價錢，就可以享受到高質美味的中菜，今日放工就去咗屋企附近紅磡火車站分店，環境又大又寬躺坐得舒服，多款美食由幾十蚊起已經有交易，貴價菜式如龍蝦、松葉蟹、貴價魚類都相當抵食👍🏻▪️ 粟米魚肚羹 $ 48魚肚又叫「平民花膠」，含有豐富膠原蛋白質，滋潤養顏對皮膚好，粟米湯加了魚肚，口感豐富，啖啖魚肚，滑爽稠黏▪️ 金牌脆皮燒雞 $ 38🌟即是我最愛炸子雞，酒樓仲有推廣活動以超特價 $ 38就可以享用半隻，唔食真係對唔住自己，每枱必點，雞皮色澤光鮮，一啖咬落去好香脆，肉質剛剛熟非常鮮嫩，味道鹹香鹹香夠入味，就咁食已經好味道，亦可沾上甜辣汁增添風味▪️ 鮮菠蘿拔絲咕嚕肉 $ 120最喜歡菠蘿是用新鮮，鮮甜又多汁，咕嚕肉外脆內軟，肉質半肥瘦啖啖肉，爽口又彈牙，山楂酸甜汁調味恰到好處，酸甜味道非常開胃，伴上新鮮青紅椒和洋蔥，必食之選▪️ XO醬野菌筍炒帶子 $ 118帶子大大粒鮮味十足，露荀炒得爽口細嫩，配上野菌菇類，用XO醬爆炒後香香辣辣，惹味之選 ▪️ 滋養桃膠燉紅蓮 $ 52好足料，大量桃膠配上紅棗蓮子一起清燉，味道鮮香，而且唔太甜，食完感覺好滋潤▪️ 原個椰皇燉燕窩 $ 28 原個椰皇燉蛋白，沒有添加任何糖分，味道只有椰子水的清甜和蛋白的細滑，配上燕窩，非常美味，養顏之選
繼續閱讀
晚上跟同事在紅磡開會後，經過置富都會商場內彩福皇宴，被門面的裝修吸引，決定一試 ，它是間婚宴為主題的酒家，裝潢設計以綠藍色作主題，感覺新派簡潔又型格，完全沒有傳統茶樓的沉悶氣色，場地寬敞，座位坐得舒適，有水晶吊燈俱氣派與優雅的場地！餐牌選擇很多，主打精品中菜小炒，亦有一系列海鮮菜式，甜品酒水等，十分多選擇。茗茶點了鐵觀音和普洱茶，茶味清澈，香濃回甘！清蒸沙巴龍躉 － 賣相吸引，龍躉斑有鮮濃魚味，熟度恰到好處，魚皮有咬口，魚肉入口嫩滑，十分鮮嫰，加上酒家獨家的蒸魚豉油，馬上叫了兩個白飯伴魚汁吃！海鮮什菜粉絲煲 － 海鮮份量多，貝類厚肉爽口彈牙，不會有沙，蝦肉大隻鮮甜，元貝十分飽滿大粒！青翠脆綠的各式菜清脆可口細棵鮮嫩，如西蘭花，菜心等，湯汁味道帶淡淡的鮮味，菜軟硬度剛好，不會過淋或過硬。清而不膩，健康之選！麻香牛蒡金錢絲 － 上菜已聞到麻香味，金錢肚絲彈牙，有爽脆又煙韌，牛蒡健康又爽脆，整道菜不會過油，麻香十分惹味，口感層次豐富！原個椰皇燉燕窩 － 賣相打卡一流，原個蒸椰皇，有紙封口防止倒汁水，一打開燕窩份量多，椰肉味道清甜香滑，材料十足，滋補又鮮甜，為晚餐做結尾最合適不過，誠意推介！整體來說，食物賣相精緻吸引，打卡一流，食材質素及環境很好，是一間很有誠意的中菜，每道菜式都認真製作，值得一讚是職員很有禮貌，招待及服務十分好，令我們吃得十分滿足！
繼續閱讀
一早美好的心情到茶樓飲茶都話晒叫做集團式茶樓令你有意想不到嘅差經驗自行找到位置後有服務員幫手開茶，但態度十分惡劣👎👎👎叫佢加多個位極度不合作食物味道普通一般都是普通款式多名服務員的態度都要差埋單時，問下有咩方式繳費多次使用惡劣嘅態度趕回座位付款只可以用現金或實體的信用卡否則又被服務員給予面色香港的飲食業比這些服務搞禍了🤜🤛飲個早茶都要睇面色🔥好似前世欠咗依班阿姐咁總括嚟講服務質素十分之差
繼續閱讀