影片
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
食家推介
相關文章
自從上次食某間曾經好好食嘅章魚燒失望咗之後就一直都搵唔到間好食嘅🥲聽到好多朋友都介紹呢間八章軍反正去咗紅磡 就順便去一轉🤣呢間舖locate喺啟岸地下嘅一條巷仔木系裝修有啲日式feel~喺度打卡效果應該唔錯😂👍🏿明太子章軍 $40/8粒熱辣辣即叫即整😛望落個樣都feel到個皮會脆 即刻有啲興奮🤭咬落去真系如史努比所料章魚燒嘅外皮非常酥脆 配搭惹味嘅明太子醬鹹香十足😆粉漿稍為偏厚 但可以接受嘅入面嘅章魚粒都好爽彈😚只系稍為細粒咗啲😗有趣嘅系佢仲落咗粟米🤣帶少少甜味都幾得意不過成粒章魚燒冇乜配料 如果可以多啲章魚粒就好啦😂同埋記得趁熱食 個皮凍咗嘅話會變硬🫣Overall味道系唔錯嘅 但話好正又未算🤔不過史努比都覺得可以一戰嘅~味道: 7/10性價比: 7/10*不設加一服務費*平時掃街就唔評環境嘅但呢間舖唔錯 有張細細地嘅枱可以喺店內食仲有凳坐 掃街掃到攰去坐下都好🤣而且佢啟岸嗰條巷仔真系比到啲日本feel值得加分😂所以就評埋啦😛整體評分：味道: 7.5/10環境: 8.1/10服務: 7/10衛生: 7.5/10抵食: 7/10回頭率: 6/10
繼續閱讀
突然想食章魚燒，土瓜灣有賣章魚燒嘅執完一間又一間，check過呢間有之外亦有好多口味選擇，唔使再諗就過去買，最後揀左蜜糖芥茉。打開好多醬汁，醬汁平均，味道唔錯，外皮比以往食過嘅章魚燒都硬厚脆身，食第二粒先忘記自己暫時唔食得蜜糖，清理所有醬汁再食，今次清楚食到本身味道，皮有煎炸油味，突然驚覺呢隻章魚燒似乎唔係傳統機燒，應該叫炸章魚丸多啲，唔怪得佢價錢比較經濟，少左用人手翻燒動作，亦無咁健康，如果食埋醬汁係比較難分，如果鍾意煎炸一試亦可，但在乎傳統日式輕薄外皮嘅朋友們會失望，至於內涵有明顯嘅章魚魚粒同粟米，章魚粒同粟米配合度高，有少少甜少少脆嘅效果。本來呢間章魚燒各方面都唔錯，可惜被炸感嘅外皮扣分。
繼續閱讀
本來係想食燒賣，但係附近冇。打算食間小食，又冇開。聽講啟岸巷子嘅八章軍都多人叫外賣，見咁耐冇食過章魚燒，就去試下。間店好細間，去嗰陣冇其他客人，堂食都有幾個位，不過都係打包返屋企舒服啲。店裡裝修都係日式，如果可以播下音樂會好啲，可能帶旺下！太靜喇，等餐時都有啲悶等咗10分鐘左右啦，冇其他客人都要等，似係即叫即整。個盒幾靚喎，仲印有「龍年大吉」，幾有新年節日氣氛。8粒，大大粒，都好飽肚。醬汁多，味道恰到好處，甜甜辣辣又唔會太重口味，外脆，餡料豐富。價錢相宜，抵食小食，有機會試埋其他口味。
繼續閱讀
行過啟巷，肚仔餓咗，於是就駛入呢間章魚燒店，一入去就聞到陣陣烤焦香，令人垂涎🤤。首先試咗蜜糖芥末章群，一啖落去，外皮脆得嚟，真係笠笠响口，淋上面嗰層蜜糖芥末醬咁，夾雜住微微嘅甜同辣，簡直係絕妙！章魚燒入邊嘅餡料都係正嘅，每粒都夾硬碌碌嘅章魚粒，仲有粟米加埋令口感更豐富，正到不得了😋。跟住又揀咗個蟹子章群，等我講你知，呢個真係滿分！蟹籽硬係如珠寶般閃閃發光，一口咬落去，鮮味即刻喺口腔裏面爆發，好似海嘅味道！而家呢度嘅章魚燒都唔止解饞，要講真嘅，仲可以數佢做美食！整體嚟講，呢間店嘅章魚燒，無論係賣相定係味道，都係得嘅綠色燈🟢。你下次行過啟巷，記得留個胃，嚟呢度對自己好啲，食個正宗美味嘅章魚燒！👏🏻💯🎉
繼續閱讀
🍡櫻花蝦+明太子章軍 雙拼 $36大大粒，外脆內軟，入面仲非常足料，用料有誠意，入面真係有大隻章魚🐙，櫻花蝦🍤蝦味重有粒粒櫻花蝦乾，明太子帶鹹香味，醬汁夠多唔乾，面頭仲有好多柴魚絲同埋蔥，章魚小丸子唔會好粉👍🏻，✨外賣小店，即叫即整熱辣辣，冬天食更正！款式多仲可以雙併😝.📍八章軍 紅磡馬頭圍道63號啟岸地下22號舖荃灣路德圍42號安富大廈地下7號舖
繼續閱讀