影片
港鐵會展站B3出口, 步行約6分鐘
繼續閱讀
電話號碼
28773999
開飯介紹
JAJA以最繽紛時尚的精緻美食締造不一樣的素食體驗及生活態度！JAJA旨在散播快樂能量和宣揚健康生活，以一系列原創素食，誘發味蕾衝擊。新穎時尚、健康而美味素食，帶來視覺及味覺上的無限滿足，為您的每個聚會締造難忘回憶，無肉菜式同樣趣味滿分！
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
有關獎賞計劃
食家推介
招牌菜
相關文章
昨晚好幸運，坐到好難book又有背景嘅花花枱，可惜唔記得同花花枱影相。經理哥哥仔幫我哋影咗一張合照後，就發現不得了, 非常專業的拍攝技巧，還好用心不停影仲要不停教學，所有合照都好滿意，太厲害，他說：每天幫客人影100張相，都變成專家了。食物擺盤靚，好適合打卡；素食款式多來說，已經好足夠，純素也有10款，大滿足，值得一試再試。還有幾個位置未影到，需要預留時間打卡。帶非素食者去試，絕對不會失望，但價錢偏高一點；
繼續閱讀
這家餐廳從進店的一刻開始✨就會被極致的粉系裝潢和少女風陳設團團包圍打從心底地會笑出來😆工作鬱悶了，沒關係，去趟JAJA好像就會好起來🙂↔️這天午餐沒有叫浮誇的粉色餐點而是樸實的Pizza、意粉和法包😚份量可不小哦❗️且全部都是素食🌱感覺吃很多也不會有罪惡感🥰
繼續閱讀
在灣仔藝術中心竟然有間少女心爆棚的餐廳，一進入就被一大片粉紅色海洋所包圍着，玫瑰花羽毛和霓虹字母配搭有品味，無論怎樣拍也是很好看，粉粉嫩嫩的配色有誰不愛呢？環境太美了（全部都是原圖直出 沒有加filter）（煙霧的效果是因為有乾冰）在這裏真的感受到春天的浪漫主打是素食餐廳，今次為了慶祝友人生日特別預訂了下午茶套餐，套餐包含九款特色咸甜小點心，食物的類別比起傳統的酒店下午茶更有特色，人均二百多性價比不錯-上菜時有滿滿的儀式感個人偏愛這裏的熱食一口一件的小薄餅和意大利飯球有創意味道也是不錯！桑子朱古力牛角包超美酸酸甜甜完全不會膩-𝙒𝙚 𝙤𝙧𝙙𝙚𝙧𝙚𝙙: taste of art //迷你意大利鮮茄薄餅//炸一口意大利飯球//Maki 提生糙米壽司//桑子朱古力牛角包//蘋果乾蔓越莓忌廉芝士//紅桑子酥//蘑菇蛋白餅//英式鬆餅-飲品方面，提供咖啡或茶咖啡店Iced latte 味道不錯 甜度適中配上甜品最合適朋友選了伯爵茶茶味很香—————————————————JAJA (灣仔)灣仔港灣道2號香港藝術中心6樓—————————————————#hkfood #hkfoods #hkfoodstagram #hkfoodshare #hkfoodlover #hkfoodie #hkfoodieblogger #hkfoodies #hongkong #hongkongfood #香港 #jaja #灣仔美食 ___🥇Follow @eathkgirls #eathkgirls #食港女
繼續閱讀
有電梯冇樓梯等到燥底。星期六日晏晝，真係唔好嚟就算幾平都唔好嚟。因為成層16樓得一兩部電梯，層層停真係搞唔掂。就算真係要食都係有折扣嘅時候，到時以為女朋友好開心，最後躁底就唔好啦⋯⋯⋯
繼續閱讀
上個月收到張JAJA二人下午茶coupon，終於約到家姐嚟食。網上見到啲Review都唔錯，特別係佢哋嘅浪漫粉紅色裝修，更加令餐廳變成打卡熱點。一出𨋢就見到個Reception stand,個男職員好有禮貌要加分。我喺網上見到話海景下午茶，於是訂枱嗰陣話要window seats，個職員帶我哋去到張枱嗰陣，我就有啲失望，原來6樓唔係好夠高睇海景，特別係當你坐低咗根本就睇唔到個海。仲有原來window seats 係向西嘅，食食吓發覺個背脊好熱。當食物攞到上嚟，我嘅觀感唔同晒，因為啲食物整得好精緻。我覺得啲嘢除咗好食之外，仲要presentation得，我認為呢度啲嘢食個様都幾靚。😊第一件食係迷你scone,我就咁食冇點啲醬，咬落去有啲鬆脆嘅感覺，都算唔錯。個迷你牛角包，係我最後食嗰件，唔知係咪放得太耐，個包有啲腍😥，同埋我唔係好鍾意出邊粉紅色嗰個桑子朱古力（雖然佢好襯個環境😂），我覺得佢好甜，但係賣相就真係唔錯嘅。上邊呢一碟就係我最鍾意嘅，特別係中間嗰件炸一口意大利飯球，鹹鹹地超好味😋😋。另外個迷你意大利鮮茄薄餅，啲蕃茄好juicy，都係唔錯😋，不過我覺得應該叫做「超迷你」，因為佢比加拿餅大啲啲🤣🤣。當餐廳職員上呢一盤食物打開蓋嘅時候，就係影video或者live Photo最好嘅時候，啲煙喺條罅度飄出嚟，係幾特別嘅。成碟嘢最好食係正面見到嗰兩嚿蘋果乾望越莓忌廉芝士😋😋，cheese味道有啲濃，不過我鍾意濃味cheese，所以我覺得好好味。👍🏼👍🏼😋😋右上角嗰兩舊黃色玫瑰花，其實係玫瑰慕絲，質感唔錯都滑嘅，不過唔知係咪放得耐咗個溫度有啲暖，可能一放落枱嗰陣即刻食會好味啲。紅桑子酥同個牛角包一樣都係腍咗😥。最後剩返家姐話整得好靚嘅蘑菇蛋白餅，不過咬一啖就即刻發現中伏，質感好似一陣風咁，重點係個餅甜到打冷震，我而家寫緊Review都仲有嗰種打冷震嘅感覺。😂絕對係一個不折不扣嘅伏。😭整體嚟講環境真係好唔錯，加上係復活節，餐廳入邊加咗啲復活節嘅裝飾元素，所以今日我除咗影到平時嘅浪漫粉紅嘅環境，仲影到啲復活節色彩。食物同飲品方面：家姐話杯Cappuccino好飲，我嗰壺伯爵紅茶，味道夠濃，家姐飲完佢杯咖啡，仲飲咗我啲茶都話好好飲。不過嘢食方面就真係一般，今日我淨係覺得炸意大利一口飯同埋忌廉芝士呢兩樣係我最鍾意。我估如果冇特別餐飲優惠，我未必會再嚟，不過佢哋話而家呢段時間OpenRice午餐有八折晚餐有七五折。
繼續閱讀