影片
營業時間
今日營業
11:30 - 20:30
星期一至日
11:30 - 20:30
公眾假期
11:30 - 20:30
公眾假期前夕
11:30 - 20:30
以上資料只供參考, 請與餐廳確認詳情
餐廳9時關門，我們2位8時10分入去，餐廳姐姐已經要我地快D點餐，我們點了肉骨茶，蝦麵和2杯薏米水，食物來了不久，就要埋單，然後餐廳姐姐放下一碟小小的炸豆卜，我以為是跟餐，就開始食了，跟著姐姐發現是送錯枱，我們話以為是跟餐，我們聽到姐姐連續講了2次 ＂沒有叫，就吾好食＂。態度惡劣。這樣劣質服務，吾怪得大家要北上消費。隔離的Kin Kao 2 服務一流，10時關門，有客人9時半後到，侍應都係從容不迫，食物又好味，大力推薦。
繼續閱讀
今日去試過，其實唔係唔好食，不過冇其他網路紅人講到咁誇張，蝦湯係ok可以再濃d，蝦餅我覺得好juicy好入味！最後一提係店員態度，答你問題語氣好似同你有仇咁。。。我試過一次就夠，唔怪得咁多人會北上消費食野
繼續閱讀
係度掙扎緊食咩好嘅時候，路經此店，再望吓隻錶距離完結下午茶時段仲有十分鐘🤣問職員仲可唔可以落order,點知好好咁同我哋講，佢幫我哋落比較快👍🏻 選擇都多，而且價錢相宜☺️☺️ 係網上評台望過吓，佢嘅蝦湯底出名同多人介紹😋🌱辣味蝦湯底蝦肉肉片摻摻: 未食已經聞到陣陣蝦味，湯底濃，蝦味重，肉片數量正常，肉質偏瘦。有幾塊蝦肉，但口感較腍。麵質爽口，邊食邊拌湯，幾乎飲晒成碗湯🤣🤣🤣🌱辣味蝦湯底蝦肉四寶摻摻: 有魚蛋，貢丸，墨魚丸，腐角。呢個配料沒有太特別，正常丸一粒對於小女子嚟講，$50幾蚊一碗麵兼飲品係咁上下。話晒份量同味道都ok，個湯底唔係hea 你果隻，所以大家都可以一試無妨。👉🏻溫馨提示: 蝦湯底係辣嘅，如果好似小女子唔係好食得辣嘅話，可以要求微辣少辣😌
繼續閱讀
社交平台上面都幾多人推薦既小店，主力係做馬來西亞菜，牆身有一隻好大隻既蝦做壁畫，都幾有趣。餐廳係QR code落單，上菜速度都算快。《$73 馬來咖哩慢煮雞胸飯》 ⭐️⭐️⭐️⭐️一上枱就聞到好香咖哩味，雞胸肉上面抹上左厚厚既醬料，食落類似花生/咖哩醬，都幾入味，可惜雞肉太乾，就算點左咖哩食都冇太大改善。馬來咖哩汁係另外分開上，比客人自由控制份量，咖哩汁入面仲有幾舊薯仔附送，薯仔炆得好淋，一咬就爛。飯就質素正常，除此之外，飯仲有跟少量菜同半隻糖心蛋，今次糖心蛋個蛋黃就差少少，唔夠靚仔。，整體黎講仍然係好食。《+$12 馬來咖哩雞肉串(2串)》⭐️⭐️⭐️⭐️$12係跟餐價，雞肉唔會燒到好乾好柴，醬汁花生味都幾重，唔會太咸，仲有少少花生粒係上面增加左口感，性價比都幾高。《$74 蝦肉肉骨麵》⭐️⭐️⭐️⭐️今次呢個係豬骨雞湯底，配油麵。望落雖然平平無奇，但個湯好重胡椒味，就好似飲緊一個胡椒豬肚湯咁。餐廳提供左幾款麵比客人選擇，油麵就正常發揮，份量唔多，男仔可能會唔夠飽，女仔食就剛剛好。麵入面仲配左兩舊好大舊既一字排骨，同切成薄片既蝦仁。排骨煮得好淋，又唔會太肥，唔洗用力咬已經成舊肉甩出黎，蝦仁就普普通通，切到咁薄都談不上有咩口感。人均消費：$80環境：7/10食物：8/10服務：8/10性價比：7.5/10整體：8/10 馬來蝦麵#香港 #美食 #香港美食 #foodie #食評 #蝦麵店 #灣仔美食 #灣仔 #香港 #馬來菜 #肉骨茶 #咖哩飯 #雞胸 #沙嗲 #咖哩雞肉串 #蝦肉肉骨麵
繼續閱讀
左朋友去食，掙扎緊辣味蝦湯底定係豬骨雞湯底，最後因為想食清啲，所以叫左豬骨雞湯底。我叫果個係檳城路邊攤一人套餐冬菇手撕雞麵加魷魚翼小食簡左沙嗲雞脾肉串兩串個湯的確比蝦湯清好多，湯頭相對淡，唔係特別甜，料嘅份量算多。最抵讚係個魷魚翼，絕對要叫，唔韌，有口感，好好味，一定要追加魷魚翼。同埋好欣賞碗粉入邊都算多菜，同埋加點菜都唔貴，健康人士可加通菜。沙嗲雞髀肉每粒都算大嚿，同埋都好夠香。overall都唔錯，但係店舖附近其實仲有好多選擇，我下次未必encore
繼續閱讀