影片
港鐵銅鑼灣站 C 出口, 步行約4分鐘
繼續閱讀
電話號碼
25725207
開飯介紹
提供多款港式美食，如豆卜芽菜豉油王炒麵、煎蝦米腸粉及腐竹薏米糖水等。特別推介臘味糯米飯，材料豐富，飯粒分明。
繼續閱讀
獎項殊榮
米芝蓮街頭小食 (2016-20)
營業時間
今日營業
12:00 - 22:00
星期一
全日休息
星期二至日
12:00 - 22:00
以上資料只供參考, 請與餐廳確認詳情
食家推介
招牌菜
相關文章
由細到大都好鍾意食糯米，無論係糯米包，糯米卷抑或糯米飯，有得叫我都一定會叫。以前食糯米飯會去坑口村，不過真係好耐冇去喇。早排喺灣仔做嘢，當然第一時間去強記試下佢哋嘅名物糯米飯。我不嬲都唔食潤腸，不過今次就叫咗米芝蓮推介嘅鴛鴦腸雜錦臘味糯米飯。呢度我必須要講，以前唔鍾意食潤腸，只係因為食咗啲唔靚嘅潤腸，今次呢條就非常好食，油脂充足，唔會乾爭爭好粉咁，勁正。相比之下，臘腸就正常水準。至於糯米飯，同之前食開嘅唔係好同，可能因為唔係生炒嘅關係，冇咁惹味，不過真係好耐冇食過糯米飯喇，所以一樣咁滿足😋。
繼續閱讀
想試好耐，次次經過都要排隊，今日晏咗食 lunch，去到終於唔洗排隊，一個人坐低，睇 menu，叫咗碗砂鍋鮮牛肉粥，個侍應好識 upsell，每一個點粥嘅客人，個侍應都會問客人加唔加皮蛋，我加咗，另外想食埋魚蛋蘿蔔，我問個侍應可唔可以雙拼，佢話冇，要分開點，佢話份量唔多，可以叫幾款，我驚一個人食唔晒，只點咗蘿蔔，上枱時見到個份量，真係極細兜，得五小件蘿蔔，細碟都算啦，物價高漲，但一啲都唔好食，太淋 pat pat，輕輕一夾都爛晒，個牛肉粥更加係超級難食，又係好細碗，隻皮蛋幾靚，但係啲牛肉真係勁唔掂，「拿」到一啲味都冇，質地好似擦膠，完全冇牛肉味的，好似食橡根咁，冇下次。
繼續閱讀
🌻一個人的羊腩飯🐱每年天氣特別凍嗰幾日都會特別想食羊腩！但係有時一個人又食唔晒一個羊腩煲，而且又好貴，返工意外發現呢一間原來好出名餐廳，佢哋有一人羊腩飯！！！正合我意！一個人食份量啱啱好！但係唔好睇小佢，佢真係有齊晒一個羊腩煲入面應該有嘅嘢，羊腩、冬菇、枝竹、筍都齊晒，而且仲炆得好好味，雖然冇得一路滾下滾吓，但係能夠咁樣送一碗白飯已經好開心滿足！📍 強記美食 (灣仔)灣仔駱克道406號地舖⚡️為食貓：😻😻😻😻😻⚡️氣氛貓：😹😹😹😹⚡️翻食貓：😸😸😸😸
繼續閱讀
凍冰冰，想食小食又唔想喺街邊捱凍吉魚蛋🥶於是嚟到後街｛強記美食｝，舒舒服服坐底食🤟🏻✴️花生旺菜豬骨粥✴️粥底軟綿厚身，令人食得好舒服☺️配料方面有少少豬骨粒，肉唔多，鍾意啜豬骨嘅朋友應該會失望😢✴️蝦米煎腸粉✴️蝦米唔多，不過煎得尚算香口👏🏻自己加辣醬同甜醬，可以過口想食腸粉嘅癮～✴️原味蘿蔔魚蛋魷魚✴️原味滷汁甜甜地，唔會好鹹～魚蛋彈牙，魷魚份量較少～不過蘿蔔就滷得好入味，無根又清甜，好食😋✴️生菜魚肉湯✴️魚肉質感唔係我鍾意嗰種，依隻係比較實，無彈牙嘅口感～而且份量偏少，唔係好抵食😅✴️熱綠豆沙✴️食完鹹食食碗糖水好舒服🥰陳皮味道唔係太出，不過食落都幾清香，多啲海帶就好了😆
繼續閱讀
夜晚收工突然好想食腸粉 經過見到強記米芝連食店 就一於試一試想食好耐既香煎蝦米腸粉（$26）加左雞蛋（加$6）腸粉煎得幾香都唔錯 👍🏻份量我一個人食就啱啱好值得一試 ～
繼續閱讀