影片
港鐵灣仔站 B1 出口, 步行約3分鐘
繼續閱讀
電話號碼
61191720
營業時間
今日營業
11:30 - 21:00
星期一至六
11:30 - 21:00
星期日
全日休息
公眾假期
全日休息
公眾假期前夕
11:30 - 21:00
以上資料只供參考, 請與餐廳確認詳情
本身睇到食評見人讚燒鵝好食，點知今日冇晒就決定轉食燒腩仔拼油雞加鹹蛋點知一試就真係超驚喜😋燒腩仔同油雞都係熱，而且腩仔皮仲勁脆！ 眉頭雞腳湯都勁足料好飲呢間小店值得更加人幫襯👍🏻
繼續閱讀
今日明明落到黑雨咁都話要轉紅雨🙄🙄無無謂謂要返半日工。咁就對自己好啲🤣專登係灣仔落車嚟買飯食。食物架上面其實放咗好多款嘅，但因為太多人所以我就唔諗咁多，又叫咗瘦叉油雞飯😂😂今次叫嘅係雞胸，肉質嫩滑完全唔鞋口，鍾意食雞胸嘅人，一定唔好錯過。師傅重全部起晒骨，可以大啖咁食唔使𠼱骨😏瘦叉又係瘦但唔鞋😳究竟師傅係點做到🤨今日無例湯，有啲可惜。由於拎返公司食點都係有啲遠，但就算再叮返熱都ok喎。叉燒油雞飯，水準穩定，值得推薦。
繼續閱讀
自從前幾日係呢間燒味舖買過燒鵝嚟食之後，呢幾日都對佢念念不忘🤤於是襯今日中秋節公司放半日嘅時候，亦都係獨自去偷歡（食）嘅好時機🤣🤣睇住個menu好多野都好想食，忽然覺得自己有選擇困難症😅終於決定叫燒鵝叉燒飯再加鹹蛋飯。等嘅時候又見到有好多小食揀喎，心思思想叫。跟住店員見到我睇緊小食，佢就介紹咗樣menu無嘅俾我～～就係滷水豆腐喇。啲嘢好快就嚟到同熱辣辣，燒鵝喺現場食重再好食啲，一樣咁嫩滑入味，師傅俾我嗰個部位又厚肉，正呀。叉燒半肥瘦適中好淋滑，啖啖肉我最鍾意❤️鹹蛋就正常發揮好送飯。飯上面嘅汁重好正喎，唔係死鹹或唔夠味嘅唔知咩汁嚟👍🏻👍🏻至於個滷水豆腐，店員無介紹錯，外層似炸過嘅豆腐卜，索晒滷水汁嘅精華，但又唔係死鹹嗰隻😋食晒所有野都唔覺得好頸渴👍🏻最怕啲味精垃圾😒佢地重有例湯㗎，不過要鬥快😂 呢餐食得好滿足同超飽。價錢都只係$73，抵到飛起。而家香港嘅飲食業好難捱，希望多啲人幫襯好食嘅小店，如果唔係，得番啲難食嘅大集團，消費者只會任佢魚肉。對我嚟講，就算再遠，我以後都會幫襯好食嘅小店☝🏻☝🏻報告完畢
繼續閱讀
嗰日我親戚間髮型屋開張大吉，去咗幫手！佢哋訂咗隻燒豬同埋其他燒味拜神，D雞肉好嫩滑，連雞胸都好滑又啖啖肉；至於隻燒豬就一試難忘，好鬼脆皮，咬落去啲皮脆到散開，啲燒肉又暖笠笠，香噴噴；問佢哋去邊度買，佢哋話去咗呢間灣仔嘅冠一燒味舖幫襯的，不過要8小時之前訂的，咁就可以有脆樂樂嘅燒豬皮食啦！😋😋
繼續閱讀