影片
港鐵太子站 D 出口, 步行約6分鐘
繼續閱讀
營業時間
今日營業
10:00 - 18:00
星期一至日
10:00 - 18:00
以上資料只供參考, 請與餐廳確認詳情
相關文章
我最愛嘅卷蛋 JenJen bakery 開咗 Jencafe 😌身為忠實fans嘅我點可以唔去😆諗住過咗soft opening後熱潮會輕輕減退，睇嚟我真係太天真😂遠遠已經見到一大條人龍🫣大家去到記得先入舖拎飛，唔好好似我哋咁傻豬豬走去龍尾排隊🤣🍳叉燒滑蛋配蔥花甜鼓油 ($118) 好少見cafe會以叉燒做菜式😆叉燒以瘦叉為主，唔算好重油脂香，但都軟腍😋不過如果單食會偏鹹，要配蛋同包食🍳滑蛋炒得半生熟，好滑😋叉蛋配多士實好食，仲好有港式風味😙😙🍔豬柳bell ($98) 估唔到一餐可以食到兩種口感嘅蛋料理😛玉子厚實，同芝士同豬柳好夾😙豬柳細細塊但好高質，香得嚟一啲都唔咸👍🏻仲有少少炙燒香🤤🍰清香豆乳巴斯克蛋糕 ($65) 估唔到3點未到限量嘅Tiramisu已經賣哂😂咁就食平時難啲會買嘅巴斯克蛋糕😛之前試過訂佢全個巴斯克返屋企🫣兩個人幾經艱辛先完成到😅今次呢個豆乳味勁香，清新嘅豆乳平衡咗嗰膩感，好食😋😋☕️台灣炭焙烏龍桂花拿鐵 ($60) 好精緻嘅飲品😍上面嘅桂花糕唔同平時，有啲似蒟蒻，好鐘意呢個口感😋烏龍拿鐵味濃，但略厭烏龍比例較重，蓋過桂花香😅🍫可可樂園 ($55) 今次我睇得出嗰拉花啦😆係隻好可愛嘅狗仔🐶用咗72%可可，所以可可味濃得嚟唔會太甜，高質👍🏻
繼續閱讀
終於唔洗較定鬧鐘鬥手速搶佢地嘅卷蛋！新店位於深水埗 (太子地鐵站岀較近)，走簡約柔和木色調，店面頗大頗闊落舒適，近門口嘅兩張枱都好岩打卡！除左JenJen signature蛋糕，仲有叉燒滑蛋酸種麵包、豬柳貝果、焙茶奶奶配栗子蓉、開心果奶奶等特色鹹食及飲品。可以一次過滿足茶控、酒控、開心果控！抹茶控必訪！足足六款抹茶粉供選擇，今日竟然有Jenjen親自解釋其分別。今次就揀左【京都一保堂 幾世之昔$72】具回甘淡雅茶澀，順口無粉末感，奶香低調不搶風頭。偏好澀味嘅都有【丸久小山園 若竹 $52】可選，大家不妨問返店員 揀返款岩自己口味嘅抹茶卷蛋絕對係必點！【京都焙茶芝士奶蓋卷蛋 $65】蛋糕體軟熟濕潤，滿滿香濃甜度低嘅焙茶忌廉，配上厚滑鹹香芝士奶蓋，茶香更為突岀，亦可一添甜味。【季節限定香印提子冧酒卷蛋 $68】忌廉相當輕盈，酒香意外地突岀同香甜多汁嘅香印提子幾夾~ 開心果控一見到【開心果奶奶 $62】雙眼發光！厚厚一層香濃軟滑開心果醬，仲有開心果碎增添口感。唯獨底下嘅奶味道較淡，勝在與開心果醬伴匀後，開心果香氣依然突岀。⚠️每人最低消費一杯飲品 (食物不計算在內喔！)
繼續閱讀
-「一期一會」珍惜每次相遇「如果有一天您忘了我，請別忘記我曾為您做過的味道。」呢間Cafe 屬於人氣蛋糕店，主打戚風蛋糕，深水埗店只係開咗冇耐，呢到走日本木系風格，簡約得來枱凳都好特別，所以今日放假過嚟試一下。𝗠𝗮𝘁𝗰𝗵𝗮 𝗹𝗮𝘁𝘁𝗲 🍵超級多款令到我有選擇困難症，問吓店員有咩分別？丸久小山園 若竹 比較平衡，如果怕抹茶味太苦澀可以選擇山政小山園 松風，另外高級啲選擇- 丸久小山園 青嵐。第一次飲會推介若竹🍵 Latte 💜貼堂的鸚鵡🦜想不到拉花咁靚，綠色嘅鸚鵡真係比較少見，首先奶泡打得靚先至會拉得靚，另外影相咁耐都冇化開，所以比較讚👍🏻咖啡師。至於味道，一入口擁有牛奶嘅香甜，抹茶嘅香氣，反而一啲都唔苦澀，所以整體入口都綿滑，對我來講如果抹茶味更加香濃就更好，可能要揀另一隻抹茶底。🅲🅾🅼🅱🅾 1⃣+1⃣SOE 巴西初初聽到係巴西有啲卻步，但點知沖出嚟唔會過苦澀，反而入口偏酸，之後有少少堅果味，單飲絕對不是我喜愛的風味，但如果配合蛋糕，的確偏nutty咖啡豆比較match，可能店主都考慮咗呢個因素。豬柳Bell $98包包係用bagel整偏硬身，加咗香草芥末醬，中間有豬柳漢堡搭少少芝士，甜甜的玉子好厚切，本身呢個包有少少乾，所以另外配咗蕃茄汁，蕃茄汁配豬柳漢堡冇咁乾身，整體配搭特別，但係味道一般般，我會建議可能配蛋黃醬或者甜甜地嘅沙律醬比較配合呢個包嘅風格，嗰個芥末醬真係麻麻哋。🤍主角🤎京都焙茶芝士奶蓋卷蛋卷蛋軟熟，最欣賞入面嘅焙茶cream，焙茶味好濃郁同少甜，因為我本身怕食太甜嘅甜品，所以好欣賞佢呢個甜度，表層有少少芝士奶蓋，不過呢個奶蓋偏酸，對於整體味道冇特別提升，但整體嚟講都好好食，難怪可以成為主打甜品。推薦指數：⭐️⭐️⭐️⭐️甜品唔錯，價錢上的確唔平，但用料擺盤方面都有心思，所以值得比呢個價錢。(〃∀〃)呢度特色係不同款式嘅抹茶，有好多不同嘅茶葉可以選擇，但係如果飲咖啡建議去另一間。-
繼續閱讀
Jen Jen本身係網店，主打超多口味嘅戚風蛋糕，幫鍾意龍茶系列最深得民心🤪！12月頭係深水埗開設cafe，可以試到港西fusion菜 (⁎⁍̴̛ᴗ⁍̴̛⁎)，有豬柳強同埋黯然銷魂飯嘅化身😝❗️抹茶控一定要試佢哋唔同嘅薄茶同埋濃茶：-1️⃣「豬柳bell（玉子、豬柳、雙重芝士）貝果🥚🍝($98)」用左日煙韌bagel 🇯🇵，蛋黃超級深色😝❗️意粉超濃芝士同煙肉香味，撈埋蛋香濃郁嘅蛋黃令個汁更加香濃！超creamy、超好食！~ Carbonara: it’s scrumptious and very cheesy, and the premium Japanese egg is amazingly good👍🏻-2️⃣「鹹蛋黃大蝦意粉（蒜片）($128)」炒蛋大份，幾滑但略為多油✨！煙三文魚超大塊，重點係酸種多士外脆內軟，超香黑麥味，不錯🤣~Smoked salmon & scrambled egg on sourdough toast: a large portion of eggs, the sourdough is crispy outside and soft and chewy inside! Love the salmon too. 👍🏻-3️⃣「京都焙茶芝士奶蓋卷蛋 ($65)」昭和布甸嘅口感係有棉花咁soft嘅口感💁🏻♀️，呢個布甸食落都滑同香，唔太甜，不過焦糖可以再煮耐多少少🤏，整體好食但驚喜唔大🤣~Japanese pudding: up to standard-4️⃣「丸久小山園 青嵐🍵 ($45)」呢杯係小編飲過數一數二高質嘅matcha latte! 抹茶味甘並且香濃，夠滑冇粉粒，飲到底都好濃，正呀(茶控滿足了🤪)~Matcha latte: incredible! It’s smooth with rich matcha taste. 👍🏻-🐰💬小結：呢間cafe裝修好有品味，有好多cute cute狗仔賞心悅目，而且主食有創意、飲品高質，值得encore 👯♀️~Recommendable!
繼續閱讀
Jen Jen 有幾人氣？你睇吓佢哋社交平台嘅出貨量大概應該估到今次店家變身實體店選址Cafe 戰場 - 深水埗除咗勇氣、相信背後一定有一大班支持者俾佢哋信心未訂過嘅、又或者有選擇困難嘅不仿可以去Cafe 試啱先訂喔～🔖 大甲芋泥卷蛋（周末限定）試Jen Jen 點可以唔試卷蛋上檯時真係嚇一嚇😳比想像中大件又厚切、味道亦討好🔖 開心果蝶豆花草莓卷蛋💙開心果忌廉落好重料呢～濃味之外仲食到唔少開心果粒粒💚另一邊配上相對輕盈嘅草莓忌廉平衡返🍓賣相同味道都出色👍🏻🔖 叉燒滑蛋配蔥花甜豉油🍳Cafe 出現呢款菜式實在驚喜萬分🤩以Sour Dough 代替白飯做Base🍞上面4大片叉燒掃上蜜汁賣相非常燒魂～🍯🔖 柚香金萱茶🫖🔖 開心果奶奶🔖 Flat White ☕️❣️好想帶門口個pastry 時鐘返屋企⏰😚
繼續閱讀