影片
營業時間
今日營業
11:00 - 02:00
星期一至日
11:00 - 02:00
以上資料只供參考, 請與餐廳確認詳情
食家推介
同幾個朋友去試下呢間嘞！睇下個菜牌，價錢係比一般大路嘅稍貴十令廿蚊咁，咁就係咁咦叫幾個試下。無殼脆皮瀨尿蝦！瀨尿蝦細細兜，平時打冷一大碟最細嗰啲，淋粉醬炸同食九肚魚唔差好遠，八大舊盛惠三舊。豉油王炒吊片！啲尤魚仔切到細細碎碎，我平時攞嚟炒飯嗰啲都可能大粒嗰佢，最離譜係個咕嚕肉，切到肉粒咁，一啲口感都無，百四蚊賺到真係瞓著到笑醒其豉餘都費事寫，總結呢檔嘢收費貴但又唔捨得俾客食，容器大但食材小，無下次了。
繼續閱讀
每次一班朋友去食飯必去高高 坐低就有前菜小碟食住等，今日係醃青瓜 。必食推介🔴咸雞 鹹香軟滑 附送雞雜 新鮮雞先有架！豉油王炒麵 炒得夠乾身 有鑊氣 爽脆口感 有蔥韭菜芽菜 剁椒蒸魚雲 剁椒香口唔太辣 魚雲用大魚頭蒸得剛好 好鮮味椒鹽賴尿蝦肉 呢度嘅椒鹽賴尿蝦係剝咗殼架！ 香脆彈牙！小炒皇 夠鑊氣已經贏晒 不過入面無魷魚鬚今日仲食咗🟠油鹽水花甲粉絲 是日花甲比較瘦弱薑蔥蠔煲走蔥 由於朋友唔識蔥泡椒鳳爪 不過不失 比較推介砂礓雞腳梅子排骨 本人唔係好鍾意食梅子，不過啲味餸出色👍三五知己飲支大啤一樂也🫠
繼續閱讀
🍴🍴🍴 食評 🍴🍴🍴環境好熱鬧，好多人，地踎打冷。🍜 菜式1: 冰鎮咕嚕肉 (9/10)第一道菜係冰鎮咕嚕肉，個肉好滑嫩，加埋啲酸甜嘅醬汁，真係好好食！連埋啲冰好得意😋🐟 菜式2: 冰鎮麻辣魚皮 (8/10)接著上嚟嘅係冰鎮麻辣魚皮，魚皮好脆，辣度啱啱好，好開胃！👍🍤 菜式3: 避風塘賴尿蝦 (9/10)避風塘賴尿蝦係我最鍾意嘅一道菜，賴尿蝦已經剝咗殼，啖啖肉，蝦肉咁鮮甜咁爽口，配埋啲蒜蓉同辣椒，好開胃又好好味！🤤🍚 菜式4: 生炒臘味飯 (4/10)不過，最後上嚟嘅生炒臘味飯就唔太得我心啦，飯有啲硬，臘味嘅味道唔夠，有啲失望。😔總括而言，高高餐廳嘅菜式味道唔錯，價錢亦都相對合理，但希望佢哋可以改進啲飯嘅口感，令整體食物更加完美！👌
繼續閱讀
朋友推介高高，昨晚去試吓，7點7左右叫曬5個餸準備等食，8點仲食緊同拍黃瓜同花生，去催伙計及櫃枱，8點2左右先開始陸續上菜，附近幾枱都漏單及取消⋯⋯等，上下2層都不是坐滿。．．其中叫了椒鹽雙併（狗肚/鮮尤），又話無狗肚，嚟碟鮮尤得半併份量，未食都上火🔥⋯⋯啫啫通菜煲，煲大，料極少，招牌菜冰鎮咕嚕肉，一碟得12至15粉方糖size嘅肉粒，重點每粒都包脆䊢⋯⋯大家估下肉粒幾大。。失望埋單⋯⋯頹爆離場
繼續閱讀
深水埗有各式各樣的大排檔，但唔係間間好食😂今次朋友帶我試另一間大排檔，之前都未聽過呢間🤔不過意外地好食價錢又合理，環境正常乾淨，推介必試避風塘瀨尿蝦同冰川無骨咕嚕肉！勁好食😍以後去深水埗食飯又多個選擇🤟🏻必食避風塘瀨尿蝦肉 $258見到幾乎每枱都會叫😂去殼的瀨尿蝦肉質彈牙結實，咬落啖啖肉好正🥹粉皮薄身脆口，避風塘的炸蒜粒香脆有鑊氣，好食到攞嚟送飯🤣份量都幾多又抵食～必試喔！😍冰川無骨咕嚕肉 $138上枱時碟咕嚕肉係被堆冰埋沒咗😂外皮微凍好脆口，裏面暖暖地，真係有種冰火交融的感覺😂不過份量多啲就好～脆皮炸豬手 $158好大一份😂豬手皮炸得好香口，勁脆🤤不過味道偏鹹～高高小炒王 $128好有鑊氣炒到好香，加上榨菜腰果脆卜卜，送飯一流～薑蔥桶蠔煲 $208桶蠔都幾大隻好鮮甜，不過份量偏少得5,6隻🥲薑蔥就多到成煲都係😂招牌鹹香雞 (半隻) $188肉質嫩滑，調味不錯～正常發揮可以試其他特別啲既菜🤣避風塘魚卜第一次試炸魚卜😹口感幾得意，炸魚卜好爽口，不過吃落去炸皮同魚卜就分離，有點難咬😂涼拌魚皮魚皮爽口彈牙，調得好入味，不過我好怕食呢啲魚皮🤣成日覺得好似食緊生魚皮咁🫢
繼續閱讀