影片
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
今日同好朋友一齊想食🐮🐮去左油麻地一間有20幾年歷史既粉麵鋪最正既係用新鮮騸牯牛朋友叫左套餐F招牌清湯米線配豬紅拼蘿白＆生菜腩汁 $98肥腩真為好肥但超香牛味濃，好正。豬紅微辣惹味，蘿白無渣。生菜大碟～腩汁有埋牛腩粒好抵食～米線滑有咬口。我要左招牌清湯腩米粉 $63 加$8轉牛坑腩崩沙腩賣晒～所以揀坑腩係牛味最濃而且腍中帶爽好鍾意呢間既米粉，滑身唔係鞋果隻，另外辣椒油好香加兩匙一流。飲品：兩個都揀原味樽裝奶茶$22/支超有誠意好大支，茶香奶滑~兩個都飲唔晒要拎走。小食：鯪魚肉釀尖椒$38最鍾意呢款，好似開盲盒咁，食左一條超辣，兩條辣，兩條唔辣，朋友唔食得辣但揀中左條愈食愈辣😂既然咁辣叫埋甜品啦$16/3件混合糕朋友想要椰汁馬豆糕+杞子桂花糕+雪耳桂花糕外賣我就即刻試左椰汁馬豆糕+雪耳桂花糕+椰汁紅豆糕雪耳桂花糕好特別，雪耳爽有咬口，桂花好香椰汁紅豆糕幾滑唔錯，椰汁馬豆糕都唔錯。兩條友食左差不多$300超飽，明日早餐都慳番。店員們好有禮貌，7點9左右走超多人差不多滿座～下次會再嚟試蕃茄湯底，同埋今日食唔到既崩沙腩🩵🩷
繼續閱讀
睇完介紹，特登黎試試呢間20幾年歷史既清湯腩，餐廳採用新鮮騸牯牛，特別甘香味濃！可惜太晏去到，招牌清湯腩，無論牛坑腩~爽腩定崩砂腩都已經賣晒，會下次早d再去試!!❤️咖喱清湯腩飯 自家調配～獨家秘製既香濃惹味咖喱，食落唔會太辣，牛腩好軟腩，咖喱牛腩飯呢個組合真係食極唔厭🧡金錢肚米線 金錢肚好爽口，湯底係清湯腩既味道好香好清又好甜～💛鯪魚肉釀尖椒 好新鮮既鯪魚肉釀係尖椒裡面，一啖咬落去，又有彈牙鯪魚肉既口感，又有尖椒既甜味💚1000ml/Double冰檸茶 超大杯既凍檸茶，夠凍夠爽又有檸味，推介2個人一齊飲！💙龍鳳可樂 港式茶記必點既特色龍鳳可樂，咸香+檸味，又夠汽，爽!!
繼續閱讀
今日工作時，經過見到山龍清湯腩突然心血來潮想入去試一試入到去款式非常之多揀咗一排先揀到想食嘅叫咗個咖喱清湯腩飯腩炆得非常之腍咖喱亦加咗好多不同嘅香料非常之香令到牛腩同埋薯仔都非常之入味，平時唔鍾意食白飯嘅我都忍唔住啪咗勁多店員仲問我如果唔夠飽的話可以再加飯加埋凍飲，我叫咗凍檸水走甜加$6埋單$90性價比我評為中間建議大家都可以一試
繼續閱讀
油麻地砵蘭街開了一間有20多年歷史的「生龍清湯腩，主打當然是與店名相同的清湯牛腩。除此之外，餐廳更提供多款港式料理和小吃。招牌新鮮清湯牛腩鍋 $168（小）當然要試一下主打清湯牛腩鍋，騸牯級牛腩，入口特別甘香，而且肉味非常濃，油脂味香溢，半肥半瘦👍🏻👍🏻👍🏻配上清湯更能吃到牛腩原汁原味，很不錯。配料更有蘿蔔，蘿蔔清甜。蕃茄新鮮清湯腩河 $69餐廳主張用100%鮮牛肉，選用新鮮蕃茄烹煮而成。雖然番茄湯的味道不太濃，但勝在是用番茄烹煮而非用醬料。牛腩口感軟綿，牛味濃。咖啡牛肉薄餅 $43牛肉份量不算多，配有1-2舊薯仔，值得一讚的是濃郁香辣的咖喱，沾上薄餅一起吃簡直是絕配。配2塊薄餅，口感酥脆。腐乳生菜
繼續閱讀
喺香港我最鍾意食嘅就係港式粉麵店，因為佢哋嘅粉面又抵又好食，而且用料又高質。今次我就去咗一個有20年歷史嘅餐廳，佢哋嘅用料真係好好，佢哋係佢哋嘅牛肉係用新鮮騸牯牛，所以比一般嘅店會更加好食。所以我就叫咗個蕃茄沙崩腩河，真係好好食，肉質柔軟，又好重嘅牛腩味，食落好正。我朋友仲叫咗一個蝦籽拼牛腩撈麵，依份牛腩就好似額外烤過，食落有啲似叉燒。另外仲叫咗佢嘅麻辣白肉同埋咖喱魷魚，兩個都好好食，白肉好厚實，底下仲會有蘿蔔。而咖喱就鹹鹹甜甜，非常之唔錯。當然唔少得嘅梗係要叫佢嘅冰檸茶做餐飲，因為佢冰檸茶有一升，勁大杯，而且仲用啤酒杯裝住，真係好有格調！
繼續閱讀