影片
港鐵油麻地站 B1 出口, 步行約1分鐘
繼續閱讀
電話號碼
29881328
付款方式
以上資料只供參考, 請與餐廳確認詳情
之前試過旺角分店，今日行過油麻地，睇到佢開咗新分店，餐牌仲轉咗，咁一定要試試啦。餐廳好大，裝修得幾靚，晚市full咗8成，好旺下。芬達同話梅金桔檸檬熱飲，熱飲入口淡淡檸檬香，後味會有少少話梅味，成杯飲品唔會好甜。涼拌青瓜雲耳，前菜好大一份，青瓜同雲耳都鋪滿咗。醬汁偏酸甜，加咗蒜蓉辣椒，食落酸甜香辣好惹味。五花肉串同章魚須，串燒火候掌握得啱啱好，五花肉少少焦香唔會覺得油膩，章魚須爽口彈牙唔會覺得韌。少少辣椒孜然粉調味已經足夠，好正宗嘅內地燒烤味道。蒜蓉粉絲燒海蝦，海蝦大大隻有6隻，上面鋪咗秘制蒜蓉醬，同下面粉絲娃娃菜撈埋一齊，勁好味。海蝦好新鮮，蝦肉鮮甜彈牙，全部食曬已經好飽。石窩米線，今次揀咗六個餸同香濃番茄湯。米線用石頭窩送上來，可以一直keep到溫度。米線係雲南直送嘅手工米線，食得再耐都唔易斷，好彈牙TIM。六個餸最鐘意食封門柳，牛肉好薄切，透過石頭窩熱度煮熟佢，牛肉好軟嫩好好味。
繼續閱讀
朋友成日問我點解咁鍾意食米線，我就係鍾意米線大碗夾抵食，而且有好多唔同嘅配料同埋湯底可以選擇，食得耐都唔會悶。鍾意去油麻地買玩具，每次拎住戰利品，都會去商場對面嘅一間人氣米線店，小草十八怪 食雲南直送的手工米線。小草十八怪 經常給食客帶來驚喜，久不久會轉新餐牌，更新人氣菜式。十八怪招牌金湯過橋石鍋米線十八怪的招牌金湯，湯底濃郁好味，每次我都一飲而盡。過橋石鍋米線，新鮮滾熱辣，米線出名配料豐富，選擇多！今次就一次過食晒封門牛柳、花膠、海蝦、溫泉蛋、蟹柳、鯛魚片、翡翠苗、腐皮、芫茜、芽菜、韭菜。千變萬化的口味，尤其是封門牛柳，口感軟綿而且牛味濃。鯛魚片肉汁豐富，花膠滋補，海蝦鮮甜。簡單的配搭上金湯已足夠，每一款都令人回味。餐廳用上雲南直送的手工米線，特別有彈性，不易折斷，口感有嚼勁，米線的最高境界。涼拌豬肝店長提議我哋可以試下新推出的小食，涼拌豬肝，即係阿媽叫豬潤，好有益的，細細個阿媽會煲粥俾我哋食。鍾意涼拌味道麻辣，重口味之選，豬肝口感爽脆鮮甜，別出心栽的食材。自創九製陳皮炸雞很有風味和特色的炸雞，豐富的陳皮香味，雞肉嫩滑，皮脆香口，十分惹味，絕對係交足功課。土魷馬蹄香菇肉餅荷葉飯另一最愛荷葉飯，即叫即蒸，荷香滿溢。價格親民，大眾化價錢食到手工肉餅，款式多多，仍然是挑選了土魷馬蹄香菇肉餅，很有家的感覺。土壤充滿鹹香，馬蹄爽脆香甜，肉餅肥美多汁，感覺無味精，食得健康。檸檬炸豬扒新鮮檸檬汁灑到炸豬扒上，口味清新，炸豬扒肥美肉厚，外皮酥脆可口，肉嫩多汁。串燒這裏的串燒深得食客歡心，司華力腸酥脆的口感和濃郁的味道，讓人吃起來回味無窮。特大桶裝凍檸茶特大手打檸檬茶食咗咁多香辣嘢，大大杯冰凍飲品，清新好味，解渴冰爽！
繼續閱讀
在旺角開業多年的「小草十八怪石鍋米線」前陣子在油麻地彌敦道開了一間門面闊落，地方不小的新店，店名沒有了「石鍋米線」四個字，但其實新店售賣的食物款式比旺角店還要多，而我在數星期前就在這間新店吃了一個特別的「無火生滾石鍋煲仔飯」。這「無火生滾石鍋煲仔飯」挺特別的，客人落單之後，過不多時，店舖的侍應便會把裡面盛載著客人點選的餸料和米飯的煲仔送來，並告訴客人稍候九分鐘左右，然後便可以揭蓋享用。這晚我吃的煲仔飯點了臘鴨、滑雞件、脆鯛魚片和棉花魚肚伴飯吃，飯上還有少許碧綠色的萵筍片點綴，風味完全不遜常見的明火煲仔飯，香噴噴、熱辣辣的，自然令人食欲大增。這特色煲仔飯稍為美中不足之處，就只是我覺得是它的飯焦不多，讓喜歡吃香脆飯焦的我稍感失望。一場來到，當然不能不吃這店子的「石窩米線」啦！這晚我點的「自選配料石窩米線」揀了「火腿瑤柱肉骨湯底」，配以五香辣豬軟骨、豬膶、冬菇和娃娃菜做配料，趁熱吃，在天氣轉寒的日子裡，既暖胃，又飽肚，那「火腿瑤柱肉骨湯底」也幾好味。這晚我與太太的胃口好，單吃「無火煲仔飯」和「石窩米線」兩位主角仍然意猶未盡，所以還點了香口惹味的「燒韭菜」（$18/串）、肥瘦夾雜的「羊肉串」（$26/兩串）、爽甜的「翠玉瓜」（$18/串） 和蒜味濃郁好吃的「蒜蓉錫紙燒娃娃菜」（$45/份）做配角。這裡的特飲是相當抵飲的，我的「鴨屎香凍檸茶」（$36）根本就是二人份量，老婆仔的「凍檸茶」（$18 ）與之相比，絕對是細了一個碼，兩杯凍飲併在一起拍照，都幾有趣。豐富的晚餐，讓我這晚吃得十分滿足呢！
繼續閱讀
一間好有趣嘅餐廳🍴同佢個名字一樣😂小草十八怪餐廳裝修風格好古靈精怪、又有好多小草嘅裝飾🥰🥰而且餐牌食物都有好多唔同種類嘅食物，包括蒸飯、串燒、煲仔飯、小菜、米線、石鍋飯/麵、泰式料理等…. 選擇非常多🤤🤤我同朋友揀左餐廳推介嘅無火生滾石鍋煲仔飯、瑤柱蒜蓉海鮮荷葉飯同串燒，下次唔知食咩，入到黎實揀到野食❤️無火生滾石鍋煲仔飯估唔到煲仔飯都可以做到無火😳超級有噱頭，而且價錢都唔貴，$68-$76一大煲😍我揀左三餸$76，有帆立貝、雞肉同排骨😋店員為我地即時擺盤加米，7分鐘即時食得🤤🤤加埋甜鼓油味道好香😍瑤柱蒜蓉海鮮荷葉飯呢個蒸飯都不得了，蒜蓉味香到呢😳😳加埋新鮮海鮮，真係愈食愈滋味😁蒜蓉錫紙燒金菇（份）份量頗多，而且入面仲有牙菜、芹菜等其他配料，食落味道更豐富😋串燒雞軟骨（兩串）超級香脆，而且調味又正👍非常推介章魚鬚（兩串）章魚鬚燒到剛剛好，有焦香、又唔韌，不過略嫌味道較淡甜栗米粒（＋串）好得意嘅體驗，估唔到佢地咁有心機😳粟米真係逐粒逐粒串住😋食落幾正，粟米好煙靭😋當日人流都好full
繼續閱讀
呢間餐廳出名食石鍋米線，最近喺油麻地開咗分店～ 超大間！裝修幾有特色，有霓虹燈同食物插畫，仲有好多卡位👍🏻 佢哋推出咗無火生滾石鍋煲仔飯，聽個名都覺得特別，味道仲幾好添！仲有好多食物選擇，串燒、荷葉飯、石鍋米線等等，開到凌晨兩點，食宵夜都得呀！✨無火生滾石鍋煲仔飯 三拼$76自選要咩餸，都幾多選擇～ 想食膏蟹，但無晒，最後揀咗排骨、乾魷魚仔同海蝦～ 落單後，店員就會拎個燒熱咗嘅石鍋同餸過嚟，石鍋入面有啲油，放薑絲落去炒一下，之後就會放洗咗嘅米同水，再放餸喺面頭，等9分鐘之後就食得啦！睇住店員整都幾好玩咁🤣 望住啲米變咗熟飯，都唔使好耐～煮好加啲豉油同蔥花落去撈下，食落都幾好味！同傳統煲仔飯都幾似，一樣有飯焦架！勝在可以自選要咩餸，要多幾款餸都得😆乾魷魚仔鹹香，幾好味！✨蒜蓉燒生蠔（半打） $98半打好抵食！而且生蠔大大隻，非常肥美juicy~ 蒜蓉又夠多同入味😋 抵食過一啲串燒店呀！✨蒜蓉金菇錫紙燒蟶子仔 $78超抵食！一份有10隻蟶子，而家都唔細隻架！蟶子爽口唔韌好鮮味！仲有金菇同粉絲入晒味，好味推介！✨燒韭菜 $18✨甜粟米粒（10串） $18韭菜係一定好食架啦😂 粟米有啲驚喜喎，唔係平時一舊粟米咁燒，仲一粒粒串起，有10串咁多！同埋原來係糯米粟嚟架，唔算係好甜，但口感好煙韌！調味粉又好惹味，原來燒糯米粟都幾好食！不過要趁熱食，凍咗會變硬，變咗脆豆咁🤣✨鴨屎香檸檬茶 +$18一上枱嚇親，無諗過係咁中杯😂😂 叫咗無糖少冰啱啱好，幾清爽！
繼續閱讀