影片
開飯介紹
中國人氣餐飲品牌，其招牌菜老壇子酸菜魚選用鱸魚精華部位，搭配自家配方醃製的酸菜烹調，入口酸爽麻辣，相當惹味！
繼續閱讀
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
有關獎賞計劃
🎊每次上大陸玩都首選會食的「太二」酸菜魚來左香港了！終於唔洗上深圳都有得食！🫶🏻我率先去一試，究竟能唔能夠維持水準呢？🤔📔餐牌的種類很多，除左酸菜魚之外，仲有唔少小食、前菜、甜品款式，較內地的餐牌種類為多。除左酸菜魚之外，我地仲額外點左唔少小食。🐟首先講講個酸菜魚（3-4人份量）（$388），魚肉厚身滑嫩、酸菜大大塊，湯底除左酸辣外，亦都有不少麻子，所以麻麻辣辣都稍重的，唔食得辣的朋友要叫多杯解辣飲品！🥤雖然稍辣，但食得好過癮🌶️，配上白飯食好滿足。佢個飯煲得幾好食的🍚，飯粒好飽滿，建議叫上一碗（$12）或半碗（$6）試試。另外，我地再額外配左脆豆腐（$20）、紅薯粉（$20）、粉絲（$20）同金針菇（$20），呢幾樣配料我都好中意，尤其個脆豆腐食落同平時豆腐的質地唔一樣，係好似食緊魚蛋的質地，但又有大豆味！👍🏻而金針菇呢D絕佳配搭更不可少啦！另外不得不提的是餐廳的小食都好好食，有些更是唔輸得過個酸菜魚！👑芝士紅薯波波（$48）超出期望地好食，個紅薯波好煙韌，咬落口軟心，啖啖紅薯甜甜地之餘帶點芝士的咸香，令人想一啖食完再食一口！而呢個菜式都是之前深圳未食過的！🥰💕西瓜椰椰冰粉（$22）另一個菜式亦是深圳未食過而又很有驚喜的！就是呢個西瓜椰椰冰粉，除左冰粉之外，配料很多，有西瓜粒、丸子、椰子碎、花生碎，仲有很驚喜的是椰子味的豆花，成碗的搭配好豐富，多重口感，食完濃濃味道的酸菜食，再食一碗解辣解味係恰到好處，而重點仲要只是$22一碗真係好抵食！😍💛其他小食例如鳳爪、娃娃菜都好食。店內以二人座位為主，亦有小部份4人及6人座位。店內工作人員以講普通話為主，但亦識得聽及講少少廣東話。而服務質素係真係不錯，有禮貌，而且上心幫你跟進上菜情況。總體來說，餐廳服務質素好、食物味道佳、餐廳性價比高，會再幫襯！🎉
繼續閱讀
餐廳的環境乾淨整潔，餐廳提供了自助飲料：陳皮、洛神花等，顧客可以自行調配。另外，還提供了手機充電設施！🐟老壇子酸菜魚（2人套餐$328）太二酸菜魚是必食之選，在火候控制上做得相當出色，魚肉入口嫩滑無比，開胃的酸菜和辣椒口味，兩者相互襯托，令人垂涎三尺！🍤蝦仁娃娃菜將新鮮的蝦仁與娃娃菜，搭配烹飪，加上午餐肉，口感清淡！🍨喜翻翻砂紅糖冰粉冰粉由冰粉籽製成的透明凍狀物，加入紅糖後，甜而不膩，是解辣的好選擇。🍧西瓜椰椰冰粉西瓜的清甜和椰子的香濃，冰粉清爽的口感，入口層次豐富，夏日消暑一流！🌶️好無骨氣雞爪$68雞爪去骨處理，經過醃制，酸辣開胃，同時保持了雞爪的彈性和口感。🌶️夫妻肺片$58一道經典的川菜，將牛雜切片與辣椒油、花椒等調料拌勻，口感麻辣鮮香。🥥馬蹄好椰清補涼$28馬蹄清脆爽口，椰子水清甜，有粒粒爆珠，整體口感清新解渴。🧋楊桃百香果檸茶$28楊桃的酸甜、百香果濃郁香氣、檸檬的清新，是一款酸甜適中的飲品。
繼續閱讀
於平日晚上到沙田新城市廣場食晚飯，本身想吃另一間酸菜魚，但實在太多人，所以決定食這一間。這一間店舖大，不需要等位就可以進入，客人也不少，餐廳座位闊落，枱與枱之間分隔得很開，入座和離坐，職員都會大聲歡迎和歡送， 十分有儀式感。餐廳已自助落單形式落單，價錢不算太貴，有任飲花茶和陳皮茶，也是以自助形式的，花茶味道清新，解辣，解油膩，酸菜魚的辣非常夾。這次用膳，選了酸菜魚，奶油津白和甜品，酸菜魚的魚非常嫩，酸菜魚酸辣，但不麻，由於其中一位朋友不能吃辣，所以酸菜魚的份量也只選了二人份量，但整體最後三位都十分飽。駕駛車輛的朋友可以把車泊在新城市廣場， 十分方便。項目評分：滿分為5分食物： 4分環境： 4分衛生： 4分服務： 5分性價比： 4分
繼續閱讀
一開始係冇興趣..因為本人懶「論」骨，但個魚好好食..完全冇骨..仲有佢係魚肉多過酸菜.配菜加薯粉都好過癮.6個人叫完個3-4人份再追多個1-2，本身想飲埋啲湯..但一啖落口已經好確喉..如果有機會可以食左其他小食先..一黎就酸菜魚令其他味道淡晒，進食期間間唔中店員就會講一堆四川話？自問都算識少少煲冬瓜..但真係唔多聽得明佢地up乜..重點係三五分鐘就叫一次「乜鬼食魚拯救世界」？🤢都幾煩埋單落黎千二千三..都相當好..唔抵食🥹
繼續閱讀
想當年第一次食太二已經是五年前喺深圳，果時覺得味道驚喜而且價廉物美，五年後終於等到喺香港就第一次食，預算到價格一定會比較高，唯一係希望味道及水準不變。我哋點左二人份太二酸菜魚，定價$258，另外加左一份$20薯粉。酸菜魚即叫即煮，一上菜色香味俱全，魚肉鮮嫩，魚湯酸辣勁十足，酸菜爽脆，薯粉煙韌，十分有咬口。一口接一口非常惹味。最後仲點左紅糖糍粑緩和下腸胃，糍粑略嫌黐牙，紅糖亦較少，相比下方叔叔嘅紅糖糍粑更為出色。
繼續閱讀
您可能會有興趣的...