影片
港鐵樂富站 A 出口, 步行約6分鐘
繼續閱讀
電話號碼
23370294
營業時間
今日營業
07:00 - 22:30
星期一至日
07:00 - 22:30
以上資料只供參考, 請與餐廳確認詳情
2月某天。嚟咗幾日食。海蜇燻蹄 $38 ♥️♥️♥️♥️感覺上食燻蹄會比較heavy，跟嗰甜甜哋既醋食，先無咁易滯。排骨蒸陳村粉 $28.8 ♥️♥️♥️份量好足，特別係啲粉。因為我口無落豉油，而排骨的醬汁不多，所以啲粉味道就好plain。時菜鯪魚球 $18.8 ♥️♥️♥️+非常新鮮彈牙，但墊底既係腐竹唔係菜。釀虎皮椒 $26.8 ♥️♥️♥️♥️呢個無得輸，因為鯪魚肉新鮮又彈牙，煎釀得十分香口。椒，不辣。紅油抽手 $24.8 ♥️♥️♥️以為會辣，點知無乜，餃皮爽彈到位，但餡料實的的，可以理解為用足料，但口感一般。蘿蔔千絲酥 $28.8 ♥️♥️♥️♥️香口酥鬆脆，最緊要係夠熱，外皮夠酥鬆。豆苗鮮蝦餃 $22.8 ♥️♥️♥️+大大隻熱辣辣，餡料足但唔均勻，有的蝦同豆苗都幾平均，但有啲好少蝦。不過這種又黏又糯嘅餃皮，我就麻麻地。百花釀魚肚 $30.8 ♥️♥️♥️♥️蝦膠鮮，魚肚貨真價實，最重要係熱辣辣，香鮮美味。招牌小籠包 $18.8 ♥️♥️♥️♥️♥️呢個大愛。😍皮薄餡靚湯汁多又鮮，最重要係熱辣辣之餘唔易穿，所以比滿分。😁香芒布甸 $18 ♥️♥️♥️唔係我想要既。質感更似大菜糕，味道呢OK既。另需加一及茶💲
繼續閱讀
難得另一伴同日休假、就輕鬆嘆早茶！好耐冇嚟飲茶！就趁佢11點前點咗特別孖點優惠$36.80 ！鳳爪排骨飯以前係一盅高身、依家係矮身PIZZA HAT 小食盤裝！ 排骨全肥肉連骨、感覺係唔要部位拎咗嚟用、冇肉！鳳爪一隻切半當2件！ 下次唔會再點依個飯！皮蛋瘦肉粥還算可以、 正常份量！ 味道👅還算可以！叉燒腸粉好滑溜、但叉燒量就少咗啲！ 下次都可再點！蟹籽蝦仁燒賣還算可以、但感覺蟹籽唔太新鮮！ 下次叫返正當燒賣！ 單點招牌小籠包有3粒 、 多汁、肉份量正常！ 味道整體還算Ok ！
繼續閱讀
一班同事約了飲午茶,人多就可以叫多款點心,可食更多種類的,煎炒蒸炸也叫齊。飲茶午膳不叫炒粉麵,會若有所失的,今次特別開一食評介紹"豉椒排骨煎麵" , 此炒麵水準其高,麵底兩面黃脆卜卜的,排骨嫩而肉汁豐富,值得試下。
繼續閱讀
今早約咗幾個朋友一齊去樂富聯合道金國大廈地下間食餞飲茶吹水。這間茶樓應該係新裝修無耐，地方寬敞，坐得頗為舒服，一般酒樓的侍應可能係人手不足問題，服務比較差，但這間酒樓的侍應質數唔錯，服務熱誠。早茶孖寶 (鳳爪排骨飯和香煎蘿蔔糕）鳳爪排骨飯鳳爪和排骨都醃得頗為入味，排骨咬落還有少許肉汁香味滲出，米飯粒粒分明，軟硬適中，肉汁和醬汁滲入了白飯裏面，添加了白飯的香味。香煎蘿蔔糕蘿蔔糕表層有少許脆口，裏面有著蝦米、臘味和蘿蔔的香味，十分香口。早茶孖寶（木魚燒汁茄子和鮑汁鳳爪）木魚燒汁茄子茄子上釀滿了炸到金黃色的鲮魚肉，鯪魚肉裏面混入了蝦米、臘味和芫茜，提升了鯪魚肉的香味，加上有少許鹹香味的木魚和燒汁，配搭一流，增加了這道點心的味覺，可惜茄子比較油膩一點。鮑汁鳳爪鳳爪炆得軟硬適中，頗為入味，鮑汁不會太鹹，恰到好處，鮑汁粘滿在鳳爪上，令鳳爪的味道提升。煎釀虎皮椒虎皮椒上釀滿了炸得金黃色的鯪魚肉，鯪魚肉裏面混入了蝦米、臘味和芫茜的香味，配搭著微辣的虎皮椒，增加了味覺的層次感，十分香口。蜜汁叉燒包熱辣辣的包裏面包含了叉燒和醬汁，叉燒不會太肥，醬汁不會過多或過少，恰到好處。 叉燒腸粉腸粉皮又薄又滑，捲上了份量十足的叉燒和芫茜，真係皮薄餡靚，令人無法抗拒。蘿蔔千絲酥金黃色的蘿蔔千絲酥，賣相吸引，咬落去表皮有少許脆口，裏面是軟淋淋的，一條條的蘿蔔絲香甜味漸漸散發在口腔裏，一般酒樓的蘿蔔千絲酥都比較油膩，但這道點心一點也不覺得油膩。豉汁涼瓜斑腩河熱辣辣的豉汁涼瓜斑腩河端出尼充滿著陣陣的香味，涼瓜咬落脆口，一點苦味也沒有，每件斑腩都切得大大件，可以品嚐到魚肉的鮮味和甚有口感，河粉粘滿了豉汁，令味道提升，但可惜有少許油膩。
繼續閱讀
我差唔多一星期都會來哩度飲茶，無限定早茶或中午，講真佢哋d點心係一流既，服務態度要睇吓你遇到邊個，著黑西裝類似經理主任既阿姐（門口）或成日打牙咬企係度最差，只係負責落單或帶位，兩個人去食，一定迫你撘枱，就算佢有好多吉枱，點心紙一定自己係張枱度自己搵，佢哋話知你搵唔搵到，又一日星期日，10:30 分到，以為無早茶特價（11:00前落單），用在張原價點心入單，個d黑西裝阿姐照入，5分鐘後我發現原來星期日都有早茶特價點心 （我叫在5樣有4樣都有特價）咁同黑西裝阿姐講番，佢話入在單啦，無得改，我同佢地講我落單時，你哋吾同我講有早茶點心紙，佢回應話擺曬係枱woo …. 呢餐茶飲得非常之吾開心，咁既服務，吾怪得香港人北上飲茶啦……
繼續閱讀