影片
港鐵油麻地站 A2 出口, 步行約4分鐘
繼續閱讀
附加資料
用餐時間入座計2.5小時, 完結前45分鐘最後加單
營業時間
星期一至日
17:00 - 00:00
以上資料只供參考, 請與餐廳確認詳情
今日去左油麻地一間超高質嘅雞煲火鍋放題，$398任食兩個半鐘，河鮮海鮮雞煲樣樣齊，任食得來每一樣嘢都好高質，超級推介。首先一嚟有一壺嘅湯，輕輕加熱就可以飲超清甜。飲完湯就食個雞煲，有泰式酸辣、四川麻辣、韓式芝士三個味可以揀，我哋叫咗韓式芝士雞煲，超多芝士拉絲，香濃嫩滑食落去又唔會覺得好膩。食完雞煲唔係直接用雞煲個湯底嚟打邊爐，會用一個更加match打邊爐嘅湯底，我哋叫咗藥膳湯底，又好大陣嘅當歸味，食材煮完已經好好味，基本上唔使點醬。每位都有一份霸王海鮮拼盤，包括越南大虎蝦、澳洲大龍蝦、蘇格蘭聖子、蘇格蘭大元貝、臺山奄仔蟹、新鮮鮑魚。淨係呢個海鮮拼盤已經值回票價，呢啲海鮮勁新鮮，隻鮑魚係新鮮到識郁嘅，仲有隻龍蝦勁多膏，真係新鮮到黐線。除此之外，而家讚好餐廳嘅社交平台，另外送一份刺身。食完咁豐富嘅雞煲同埋海鮮，之後仲有任食嘅火鍋，而且任食嘅食材有海鮮河鮮肉類，應有盡有，連頭先新鮮到識郁嘅鮑魚都係任叫，龍躉片、海蟹、珍珠蠔呢啲靚海鮮全部都係任叫。除咗海鮮，呢度嘅響鈴都好特別係包咗紫菜嘅響鈴。就連腐竹都好好食，係勁香豆味超香濃。另外我哋叫咗蝦滑都係勁新鮮，食落勁鮮甜。仲有丸類同埋餃子都好高質，都係勁新鮮同埋好多肉汁。呢度真係每一樣嘅食物都係高質到黐線，餐廳由挑選食材去到整出嚟嘅製成品全部都好認真，呢餐係我2024年食過最高質嘅一餐，大推。
繼續閱讀
#MC帶你去旺角.最近天氣嚴寒，依啲天氣最啱打邊爐啦🤤！今次依間放題火鍋店，淨係無限量任食海鮮，已經值回票價‼️.✨ 阿爺八鮮鍋主打2.5小時海鮮火鍋放題，雞煲、新鮮刺身拼盤、活海鮮拼盤👍🏻，最後仲可以Encore任點生猛海鮮、火鍋配料，CP值極高‼️.🥢 時令燉湯開餐前，會送上一壺用茶壺盛載嘅燉湯🍵，有小火爐一路熱住燉湯♨️，飲得熱笠笠之外，仲好清甜完全無味精😋。.🥢 雞煲有三款雞煲口味，包括泰式酸辣、韓式芝士、四川麻辣。雞件大小適中，仲有大量配菜︰薑蒜、紫洋蔥、芫荽，吸曬啲雞煲啲汁，惹味到爆😝！雞煲份量唔算多，食完唔會好飽☺️。如果份量唔夠，可以再Encore再食都得，好貼心🫶🏻！.🥢 新鮮刺身拼盤刺身一啲雪味都無，非常新鮮‼️✅ 希靈魚 ✅ 北寄貝✅ 象拔蚌 ✅ 牡丹蝦✅ 蟹腳 ✅ 海蜇.🥢 特色湯底有三款口味，藥膳、海鮮、麻辣，任君選擇。.🥢 霸王海鮮盤（活海鮮拼盤）店鋪設有海鮮缸🐠，所有海鮮即點即撈即割，所以非常新鮮‼️上枱時，仲見到蝦腳、鮑魚仍然好活躍，證明十分新鮮😍，完全是活海鮮‼️食落極為軟嫩、鮮美彈牙。虎蝦、奄仔蟹超多膏💦，龍蝦肉質結實彈牙👍🏻！✅ 越南大虎蝦 ✅ 澳洲大龍蝦✅ 蘇格蘭蟶子 ✅ 蘇格蘭大元貝✅ 臺山奄仔蟹 ✅ 新鮮鮑魚.🥢 任點生猛海鮮、新鮮河鮮任點海鮮、河鮮嘅種類都幾多，一啲都唔吝嗇😝。✅ 游水鮑魚 ✅ 龍躉片 ✅ 蟶子✅ 龍躉頭腩 ✅ 珍珠蠔 ✅ 海蟹 ✅ 海蝦 ✅ 大蜆✅ 桂花魚 ✅ 鱸魚 ✅ 鯇腩✅ 羅非魚 ✅ 黃骨魚 ✅ 鯇片 ✅ 大魚頭 ✅ 白鱔片 ✅ 魚標.🥢 火鍋配料牛、豬、雞肉、自家製餃類、自家製蝦滑、自家製墨魚滑等等配料超過4️⃣0️⃣款，仲可以點半份或者全份。其中比較少見啲肉類部位都有得提供😱，牛骨髓、豬天梯、雞紅、雞腸都有得食🥰。.🥢 加$20任飲飲品加$20任飲汽水、健康工房和淳茶社。 .
繼續閱讀
火鍋放題食得多，這間阿爺八鮮鍋不是最平，也不是最多嘢食，但是，卻是我食過咁多海鮮火鍋中最新鮮的。2.5小時嘆盡雞煲和新鮮海鮮，非常滿足。我們選了5:00-7:30pm這個時段，$368。另外加$20任飲汽水、健康工房和淳茶社。當日有炒龍蝦和象拔蚌刺身特價，每款都是$108任食。隔離枱兩個人要了3次象拔蚌刺身，每次都是好大盤，而且是即叫即劏，看到我口水流，可惜同行友人唔食刺身，所以我們選了椒鹽炒龍蝦，都好好味。好了，究竟有什麼食？1。時令燉湯清甜的西洋菜湯用茶壺盛載，還有小火爐。2。雞煲任食3種味道：四川麻辣、韓式芝士和泰式酸辣。可以食完一種再一種。我們選了酸辣，真是無選錯，超好味，酸甜辣夠惹味，雞件又嫩滑，芫荽和紅蔥頭吸收醬汁很好吃。3。湯底+霸王海鮮盤湯底有幾種，我們選了藥膳。在湯底煮滾期間，海鮮盤送到來。嘩！有澳洲大龍蝦、蘇格蘭大元貝、越南大虎蝦、臺山奄仔蟹、蟶子皇和新鮮鮑魚。全部都超級新鮮。4。任點任食生猛海鮮（蝦、蟹、蠔、蟶子、蜆、龍躉、鮑魚……）新鮮河鮮（桂花、鱸魚、脆肉鯇、白鱔……）豬、牛、雞、蔬菜、餃子、蝦滑、墨魚滑、丸丸、蔬菜……5。椒鹽龍蝦任食新鮮、惹味、多肉！食完可試另一味道：芝士炒。
繼續閱讀
今日涼涼地，又係時候打邊爐🤭同朋友黎左阿爺八鮮鍋食雞煲+火鍋放題，$398任食兩個半鐘，加$20就可以任飲各款汽水、健康工房和淳茶社飲品～一坐低店員就送上一壺燉湯，重有小火暖住，好細心又有儀式感。之後介紹雞煲有三款口味：泰式酸辣/韓式芝士/四川麻辣。我地唔想食辣，所以叫咗韓式芝士雞煲。雞件上鋪滿芝士雖然有啲邪惡，但係真係好惹味，連啲洋蔥都好好食，睇住啲芝士拉絲好治癒！店員話佢哋做緊推廣，加$108就可以任食即叫即劏象拔蚌刺身。朋友見到魚缸入面排得整整齊齊嘅新鮮象拔蚌，雙眼發光🤩毫不猶豫，梗係加啦！第一轉象拔蚌連同另外幾款刺身以刺身船上枱。新鮮、好睇又好食😋我哋秒速KO左再encore🤣食足3轉真係回哂本！到火鍋上場，其他火鍋配料都未黎得切叫，又送來一份霸王海鮮拼盤🤣有越南大虎蝦🦐、澳洲大龍蝦🦞、蘇格蘭大元貝、臺山奄仔蟹🦀、鮑魚同珍珠蠔。海鮮湯底用黎淥海鮮就係鮮上加鮮！呢度啲海鮮真係勁新鮮！兩隻鮑魚重識郁，蟹腳都仲震騰騰，好誇張🤩淨係呢個海鮮拼盤已經值回票價！其實menu上重有好多海鮮🐠河鮮🐟同肉類都係任叫架，真係好抵食！不過食到呢度其實我哋兩個都飽左😂所以其他配料唔係叫左好多，其中個人推介有🫶🏻安格斯牛肉、台灣白鱔片、招牌手打蟹籽蝦滑、紫菜響鈴👍🏻值得一讚嘅係呢度嘅服務🤗雖然好忙，但係店員們個個都好有禮貌同耐性，不時會黎收碟，重適時提我哋encore象拔蚌🤣呢餐真心滿意🥳
繼續閱讀
聞名已久 終於有機會食😍開始前送上一壺茶 內有燉湯鮮甜足料☺️用火保溫住 🧀芝士雞煲三種口味選擇 泰式酸辣/四川麻辣/韓式芝士濃郁嘅芝士溶哂入雞肉 做到拉絲效果加埋紫洋蔥炒熱 成個煲好香😍🦀霸王海鮮盤 活海鮮包括越南虎蝦、澳洲大龍蝦、蘇格蘭聖子、蘇格蘭大元貝、臺山奄仔蟹、新鮮鮑魚等全部都係嚴選食材 ❣️蟹肉豐富 啖啖蟹膏龍蝦厚肉彈牙～真係好正🤤之後仲可以任叫龍躉片、海蝦、鮑魚同蟶子等火鍋配料豐富 亦有多種湯底選擇餐牌仲有牛類、豬類、蔬菜及水餃等揀左紫菜響鈴 💯仲好貼心有得揀半/全份 唔怕浪費食物掛住同朋友傾計 無好好把握時間 下次轉一定要再戰🔥3月頭搬去尖沙咀新店屆時社交平台發放最新消息讚好專頁仲可獲得一份新鮮刺身❗️
繼續閱讀