影片
港鐵油麻地站 A2 出口, 步行約5分鐘
繼續閱讀
電話號碼
26626890
開飯介紹
用Valrhona 85%純朱古力製作特色甜品，如榛子金莎心太軟、朱古力火鍋等。另有日式窩夫、特色飲品。
繼續閱讀
附加資料
本店設最低消費，每人一個產品繁忙時間20:00 - 23:00用餐時間為45分鐘，入坐起計
營業時間
今日營業
14:00 - 00:00
星期一至日
14:00 - 00:00
公眾假期前夕
14:00 - 01:30
以上資料只供參考, 請與餐廳確認詳情
餐廳：甜牙牙地點：旺角百利達廣場菜式：甜品餐牌：果汁綿綿冰，心太軟，窩夫，窩夫派對，窩夫塔，鬆餅，中式糖水，水晶芋圓等等士多啤梨窩夫Party $148士多啤梨窩夫Party係花型原味窩夫，外8塊花瓣內1塊花心，整得外脆內軟，少少暖上枱，味道都唔錯。窩夫加上忌廉同藍莓醬，杏仁片，仲有曲奇碎，口感唔錯。每片花瓣上面加有忌廉加新鮮士多啤梨或者藍莓，或者係雪糕，雪糕有曲奇忌廉同士多啤梨口味，中間個球雪糕可以揀，我揀左士多啤梨雪糕。面頭再加上朱古力醬。滑溜雪糕配窩夫真係絕配，而且雪糕份量夠多，夠餸窩夫，食落仲有杏仁片加曲奇碎同藍莓醬，甜度適中唔會過火。呢份甜品兩個人應該剛好。
繼續閱讀
隔離台有人食食下嘔落張台, 客人用紙巾擺面遮住就算。大陸口音既女侍應就咁用抹檯布抹, 抹完擺餐紙餐具就算野食無乜特別, 附近幾間糖水都係一樣價錢, 差唔多質素。都係係員工無心hea 做定真係見唔到，明明嘔得幾大聲
繼續閱讀
食完晚餐，大概10:00左右。座位大概八成滿，我哋兩個人去坐咗張六人枱，有個戴眼鏡曲髮微胖女士態度非常惡劣同我哋講「兩個人打對面坐喎，坐埋一邊啦」。其實站在商業角度，我係老闆我都會叫人咁做，但係點樣講呢番說話嘅技巧就真係要有，我覺得好似俾人趕咁，不過唔緊要，食個糖水好快走嫁啦，諗住由佢啦。食嘢正正常常，冇特別好食，冇特別難食。坐得迫，就間間糖水舖都係咁迫，嘈就一定間間糖水舖都係咁嘈，但係到去廁所問佢攞鎖匙嗰陣好似欠咗佢錢咁，手指指，面黑黑。去到埋單嗰陣，個位女士完全冇用語言交流，伸直隻手遞張單出嚟俾我自己睇價錢，就咁隊部機埋嚟叫我俾錢，唔知仲以為爭佢錢。冇下次。
繼續閱讀
最近嚟開旺角開飯，朋友話想食一間有齊主食同甜品嘅餐廳，就一於嚟甜牙牙煮意試試🤝，佢哋嘅甜品選擇多元化，有窩夫，鬆餅，心太軟等，有選擇困難症嘅朋友仔一定花多眼亂🤭～🍕海鮮酥餅批薩佢有啲似鹹版嘅拿破侖，食落好酥脆，每食一啖都會跌啲脆脆落嚟🤣，pizza上面嘅海鮮都焗得好入味，呢個pizza真係好特別，同其他地方食到嘅口感好唔同！🦐🍝蝦汁大蝦扁意粉橙紅色嘅大蝦入口鮮甜彈牙，扁意粉軟硬適中，蝦汁係先用蝦頭炒香再煮出來，每條扁意粉都掛滿大蝦醬汁，食落好惹味🤤！🥭芒果拿破侖小店使用嘅芒果好甜，食落酸酸甜甜好開胃，另外拿破侖食落都好酥脆，配埋芒果味雪糕🍦，絕對係為整餐畫上完美句號🩵！
繼續閱讀
大概夜晚七點幾，當時甜牙牙大概剩係得兩台兩位同埋一個外國人坐咗喺度，成個場都係靜嘅，個大陸口音阿姐仲要喺門口要拉客。咁我哋入咗嚟其實都仲有好多二人位，但係佢就安排我哋夾咗喺兩台中間，之後我哋都好有禮貌表示想坐比較多空位置嘅枱唔想咁迫，（當然如果佢突然間有大枱我哋都會讓返出嚟都明白佢哋要做生意），然後佢竟然答返話：可以，不過其實等陣都會有其他兩人坐過嚟啫～我哋都跟返佢哋規矩係打對坐，純粹係因為拎得比較多嘢書包擺咗喺隔籬位，如果有客入嚟我哋其實會拎返開啲物品的，而且而家佢個場好空冇人排隊所以我哋先借住隔籬位擺嘢。但係唔知道個阿姐係咪唔順氣我哋唔跟佢安排定係點😑佢話唔好意思淨係可以坐一邊一張枱，暗示唔可以擺嘢過隔籬位。但我又望一望另外嗰兩台兩位，同埋新入嚟嗰一台，佢哋都係擺啲袋同書包喺隔籬位置，但係個大陸阿姐完全冇對佢哋有類似嘅表示，跟住我哋即時感覺好似被針對咁🤔之後即時冇意欲消費，即走🫡之前光顧過一次，其實覺得食物質素唔差都幾好味，係特登回頭返去食⋯但經過今次之後完全不了🫡
繼續閱讀
您可能會有興趣的...