影片
營業時間
今日營業
07:00 - 02:00
星期一至日
07:00 - 02:00
以上資料只供參考, 請與餐廳確認詳情
首先，千其唔好用佢個廁所，包你之後食唔落飯，衰過公廁第二，無一間檸檬茶可以比呢間難飲，茶底做得好差，得陣苦味，又無乜糖水，唔甜，維他檸檬茶好味過佢第三，個飯真係極難食，白飯好硬，急凍海鮮又腥，又無味，完全feel到個廚師無心煮，自己求其煮都一定好食過佢第四，食左個火腿蛋公仔麵，都可以煮得咁難食，湯底得個咸字第五，正如有食評所講，佢係好快就會無哂例湯總之就食到好頹啦$66+$12野飲咁嘅味道屬於好貴
繼續閱讀
今日去食晚餐，見到晚餐價錢不算便宜，有少少期待。特別是天氣凍正想飲湯。結果最後才知道原來沒有例湯，已經賣完，但沒有店員跟我們說這件事，而且態度還10分惡劣。食物味道一般，真心在旺角這麼多茶餐廳，這間真的是吃過最差的一間，而且價錢又貴，大家千祈不要中伏。.吃了沙嗲牛肉公仔麵常餐，竟然這片片牛肉是凍的，室溫我覺得都可以接受，但牛肉竟然是凍的 oh my god。.燒鵝乾身到不得了，可能是放了很久竟然有一浸浸腥味。.誰來吃誰中伏。
繼續閱讀
夜晚10pm去食宵夜餐 行入去地板黐立立 地面超多垃圾🤮店員嗰個都黑口黑面 喝聲不斷，問句嘢都話人弱智，擺張單都係鍾意拋。(冇誇張)食個茶記唔會expect你唔該前唔該後，但係都唔係大大聲講其他客人壞話掛…全場都聽到你地講咩。人地Order嘢食，你地賣晒，冇唔好意思不特止，仲要話人哋叫啲嘢食麻煩，會唔會誇張咗少少🤏嘢食正常水平，不過不失埋單同個收銀講「八達通啊唔該」，佢好唔情願仲要做口型講「麻X煩」，真係多謝你☺️
繼續閱讀
之前未試過食呢間囍運, 今日經過就試下啦, 附近個d真係太難食啦環境都算光猛乾淨侍應服務幾nice不過有d多人冇卡位坐1. 沙嗲牛肉公仔麵, 火腿, 炒滑蛋, 丹麥多士, 熱奶茶接近所有食物都係正常水平, 公仔麵淋度幾好, 可能因為我鍾意食較軟身既公仔麵, 但又唔可以太糊丹麥多士趁熱食係相當唔錯!!熱奶茶我就覺得佢個茶底唔夠濃, 有d失望… 2. 煎豬扒蛋辛辣麵, 凍檸茶辛辣麵都夠味, 唔係個d偷工減料既辣粉豬扒係即煎既, 溫度好夠, 只係有少少肥凍檸茶就應該係同一個茶底？所以唔係好夠濃整體黎講, 係性價比高既餐廳啦
繼續閱讀
星期六都要返工啊！近近地係附近食啦平時都有食開呢間下午茶，之前覺得環境同食物都幾好但可能由於琴日黑色暴雨之後，抽風唔係咁好，隔離又係垃圾站，聞到一陣飄過來既酸臭味，同埋餐枱上既玻璃都有一浸酸臭味！下午茶 鮮茄焗豬排意粉洋蔥焗燶咗，配菜西蘭花有層臭青味番茄味唔算好濃比較普通，豬排比較薄正正常常無特別下午茶 日式醬油叉燒炒蛋飯日式醬汁好似唔係真係日式個種，食得出類似甜鼓油，炒蛋不錯有蛋漿有蛋味，叉燒食落偏硬，又係有陣味總之成間鋪都覺得有陣酸臭味，隔離係垃圾站，近來經過垃圾站啲味都勁左！可能黑雨後通風唔好，最後真係食唔落，放棄碟飯，走先！
繼續閱讀