影片
港鐵鑽石山站 A2 出口, 步行約6分鐘
繼續閱讀
電話號碼
64681018
營業時間
今日營業
11:00 - 18:00
星期一至六
11:00 - 18:00
星期日
全日休息
公眾假期
全日休息
以上資料只供參考, 請與餐廳確認詳情
今日做完瑜伽，上網找附近有什麼東西可以吃，見到這一間在附近新開的小店，一於和瑜伽朋友一起前往進食。這間小店位於樓上，有非常闊落，且空間十足嘅進食位置。餐廳的選擇雖小，但價錢相對便宜。 一杯咖啡嘅價格亦比出面的連鎖店更便宜，外喝咖啡的人士可以試一試。職員即叫即煮，我和朋友叫了以下食品。還配上蘑菇湯，他們的湯底非常香濃，有濃郁的蘑菇粒，配上露濃的忌廉和黑椒，非常好味。1.香辣蒜片清酒牛油蜆肉海鮮意粉（$ 55）朋友叫了這一道意粉，我偷吃了一啖。這一道意粉的口感是我喜歡的，食落非常彈牙，配上濃郁的清酒和牛油香味，和鮮甜的蜆肉和海鮮，非常惹味。2.MINI ALLDAY BREAKFAST（$60）我叫了一道old Breakfast，內有非常Juicy的蘑菇，配上香腸、香滑的炒雞蛋和鮮甜的蕃茄，還有新鮮的沙律，食落沒有這麼大的罪惡感。 3.特濃朱古力（$30）美美的拉花。 4.pepermint mocha（$35）
繼續閱讀
NEON💡@neoncafe.hk而家普通茶記一個lunch都講緊60蚊，呢個價錢喺呢間Cafe竟然食到個西餐仲要有埋海鮮添🧐日日唔同主食款式，所以menu係以Ipad示人📱 當日有4款，包括意粉、risotto同all day breakfast🍱 落單後店員one man band咁係開放式廚房中即刻開鑊🔥辣蕃茄雜莱意大利燉飯配三文魚柳🍅有種飲緊羅宋湯嘅咁感覺，茄味酸香🥫 以我咁唔食得辣都唔太覺得辣🤣 落單嘅時候店員告知今日三文魚有貨，或者跟menu選擇鴨胸🤝🏼 相請不如偶遇🤓 整條無骨無鱗三文魚柳，皮脆肉滑🍣 營養好均勻，好驚喜有menu無寫嘅糖心蛋同沙律菜🥗香蒜清酒牛油蜆肉海鮮意粉🧈青口大蝦各有3隻，加上10多隻蜆肉，非常鮮味🦐 真係邊諗到係$55嘅出品🤩 加入洋蔥粒、蒜片同黑椒粒調味，非常香噴噴🧅🧄飲品定價都好親民，大部分都係20幾蚊☕️ 以為呢個價錢就好求其？ 即沖仲要係連拉花都有🥹海鹽榛果牛乳咖啡🌰佐藤園抹茶牛乳🍵Cafe位於工業區，估計target當區一眾上班族👔 但其實同朋友catch up下都好適合💬 梳化櫈坐得夠舒服，加上無時限任坐想傾幾耐都得啦🛋
繼續閱讀
今日係新蒲崗跳完舞好肚餓, 上網搵下有咩咖啡店可以坐底食野hea吓, 搵到呢間新開無幾耐的樓上咖啡店, 由地鐵鑽石山站 A2 出口, 大約步行7分鐘就到, 好方便易搵!呢到係買完食物和野飲就到佢隔離的共用空間進食, 地方都幾寬敞, 坐位舒適, 裝修好有cyber feel和時代感, 感覺relax~呢到既熱食食物和飲品, 都係即叫即整, 所以要俾啲耐性等候呀~ 我就揀左:*辣蕃茄雜菜鴨胸肉意粉 - $55這碟意粉的粉量都幾多, 微辣帶點蕃茄的小酸, 意粉硬度適中和掛汁, 仲有冬菇雜菜, 鴨胸肉腍唔會”鞋”, 好味, 呢個價錢出面好難食到咁足材料的意粉, 性價比高,推介~*海鹽榛果牛奶咖啡 - $35海鹽榛果味幾出, 唔會蓋過香濃的咖啡, 飲落香滑濃郁~*甜品 ~ 芝士蛋糕 - $30呢個芝士蛋糕質感係屬於厚身個種, 味道厚實具層次, 芝士味香濃, 好食, 我喜歡~總括黎講係一間性價比高的咖啡店, 係呢度附近住或返工人士又多左間咖啡店可以食野飲野啦~~
繼續閱讀
最近黎左新蒲崗番工，朋友大推呢間cafe，環境好乾淨，坐得好舒服，好岩放lunch，靜靜地咁食lunch。🍝紅菜頭奶油意粉第一次食紅菜頭意粉，意粉嘅顏色好吸引，隻流心蛋嘅熟度整得岩岩好，意粉亦都非常掛汁，口感軟硬適中。🍝香辣蒜片清酒海鮮意粉香蒜嘅味道好濃，好岩鍾意食蒜嘅朋友，蜆肉嘅份量都幾多; 雖然用咗牛油去煮，但整體個意粉都唔係好油膩。🍵佐藤園抹茶牛乳濃濃嘅綠茶味，加埋打滑嘅牛奶，非常香滑同有回甘嘅茶味！🍫薄荷朱古力呢杯好濃嘅朱古力又有濃濃嘅薄荷，好岩飲，估唔到咁都有拉花，做得好細緻！
繼續閱讀
新蒲崗呢間Cafe設計得非常特別，好有現代Modern嘅感覺，打卡一流。估唔到呢度啲嘢食價錢都好抵食，意粉等主食都係$55一份。今次點左香辣蒜片清酒牛油蜆肉海鮮意粉同埋溫泉蛋卡邦尼意粉，抵食又高質。卡邦尼意粉上面有煎到好香既煙肉、仲有溫泉蛋，半熟既蛋漿撈落意粉到，口感creamy，好味道。香辣蒜片清酒牛油蜆肉海鮮意粉少少辣，夠哂惹味。飲品方面，價錢都係20幾至30幾蚊，我哋點咗佐藤園抹茶牛乳同埋海鹽榛果牛奶。
繼續閱讀