影片
電話號碼
34888021
營業時間
今日營業
12:00 - 21:30
星期一至日
12:00 - 21:30
*Last Order:21:00
以上資料只供參考, 請與餐廳確認詳情
新蒲崗呢間特色米線店🍜，暫時係我食過最好食嘅一間😍😋!!所以山長水又遠都嚟食咗好多次，絕對係我私心推薦❤️！佢嘅炭燒豬頸肉真係世一，大推～·♡ 炭燒豬頸肉米線 HKD$56翡翠苗（+$8）、滷水腩肉（+$8）呢度嘅豬頸肉🐖就係我食完又食嘅原因🤩，外脆內軟，外層燒得好香口🤤，且帶微微焦香，而肉質亦好軟嫩😚，但又不失咬口，簡直係世一‼️ 仲要豬頸肉係成碟上咁大份，差唔多有10片咁多，好味又抵食👍🏻！而湯底揀咗推介揀秘製酸辣湯底🌶️，我自己食bb辣已經覺得好惹味😋。·♡ 秋拾豆花撈米線 HKD$40墨魚春捲（+$8）、魚腐（+$10）、豬軟骨（+$15）記得一定要order要辣🌶️，完全係靈魂所在🤩。雖然豆花撈米線唔係新鮮事，但將所有配料同米線撈埋一齊，會產生出一個好神奇又惹味嘅化學作用😚，個人覺得佢嘅豆花、炸醬、辣醬缺一不可，豆花好滑無渣👍🏻。另外想特別一提，三款餸都好好食😋，特別個魚腐🐟，魚香味道突出，有紮實感具咬口，推薦大家試吓。·♡ 招牌手作蝦多士 HKD$242大件漲卜卜🦐，炸得好香脆，啖啖蝦肉好有咬口😚，必吃之一。·♡ 椒麻爽魚皮 HKD$30魚皮唔會好辣，口感十分爽脆😙，少少油膩感，但就勁惹味🤤～·♡ 特色檸益（跟餐+$15）♡ 熱檸檬蜂蜜柚子茶（跟餐+$6）個人推薦試下特飲「檸益」🍹，檸檬mix益力多，檸檬嘅酸香可以中和益力多嘅甜度👍🏻，飲落好開胃。·📍秋拾米線新蒲崗康強街34號康強洋樓A座地下8號舖
繼續閱讀
今日去咗食米線，排咗10分鐘入到去。見餐牌有好多小食, 都幾特別! 有蝦多士，尖椒魚皮, 炸豆腐。米線有主打魚腐可惜去到已經售罄，所以叫咗豬頸肉米線另一碗自選咗墨魚春卷。蝦多士侍應話只剩數碟, 只係6:30, 所以如果想食就唔可以太晏去.。豬頸肉比其他餐廳食嘅爽口，平時出面食開會係好瘦, 今次呢個肥瘦適中。炸豆腐好多人嗌即叫即炸一口豆腐, 非常不錯! 米線有豆腐卜同芽菜配料, 叫咗BB辣, 米線同湯底好夾, 感覺融合, 米線軟硬度亦啱啱好。呢間價錢唔貴, 小食特別, 不妨一試!
繼續閱讀
想試呢間嘅米線好耐，見今次咁啱經過就試吓！揀咗要豬軟骨魚腐米線，叫咗酸辣湯底！呢個味道不錯魚腐都幾好食！朋友仔就要咗豬頸肉米線！豬頸肉會係另外分開上，豬頸肉嘅份量都幾多，而且味道好好食，有少少泰式嘅風味！呢個好推介😍下次返嚟都一定會再試呢個。
繼續閱讀
🤩🥳米線店居然係豆腐界嘅神話🤩🥳新蒲崗呢間隱世米線舖頭不得了，除咗米線嫩滑之外，呢間嘅八味豆腐咬落除了豆腐嫩滑，外皮好脆，超級超級好食🤩仲有佢嗰碟大大大大大豬頸肉，簡直令人刮目相看，10分驚喜，好食之餘大大份，正！小食選擇好多，蝦多士亦係必然之選，食過翻尋味。估唔到新蒲崗有呢一間隱世小店，價錢好抵，真正做到平靚正！平時去開對面大商場食，今次發現原來附近已經有咁多小食店，揀咗呢一間簡直係最好嘅選擇，真係食得好開心😀
繼續閱讀
位於新蒲崗的米線店，小店地方不大，晚市時份相當多人，座無虛席，很受歡迎。米線方面主要供應兩款湯底，分別豬骨湯底及秘製酸辣湯底，特色推介有豆花撈米線，另外還有招牌小食，如炸蝦多士、炭燒豬頸肉。巧手小食：椒鹽雞翼尖雞翼尖炸得金黃乾身、皮脆，份量很多。巧手小食：椒麻爽魚皮魚皮，還有雲耳、青瓜墊底，味道椒麻帶辣，口感豐富。米線：自選配搭米線麵底：通心米線湯底：秘製酸辣湯底任你加餸：墨魚頭、麻辣雞球、墨魚春卷米線自由配搭，更加彈性及迎合個人口味，辣度中辣，越吃越辣。湯底本身已有豬肉碎、雲耳、花生、芫茜、蔥花，另外再加配各款餸菜。豬肉碎醃過，鹹香帶辣，把肉碎跟湯汁拌勻，很惹味。麵底加錢點了通心米線，坊間少見，口感比普通的米線豐富，通心位置也滲進湯汁，麵條更加掛湯、入味。米線：自選配搭米線麵底：米線湯底：秘製酸辣湯底任你加餸：墨魚頭、麻辣雞球、魚腐、墨魚丸、甜酸齋自家配搭出一碗配料滿滿的麵食，酸辣湯特別開胃。自家製的魚腐形狀不一，跟平日吃的圓餅型狀不一樣，魚味濃郁，魚肉爽口彈牙。墨魚頭爽彈，很有嚼勁。麻辣雞球有驚喜，雞肉大大件，沾上麻辣醬，蠻惹味的。墨魚丸及甜酸齋不過不失。
繼續閱讀