影片
港鐵屯門站 B 出口
繼續閱讀
開飯介紹
全新手工漢堡店BURGA現已正式進駐屯門市廣場Food Maze，以多元化的創新口味配搭，絕對能為漢堡迷帶來嶄新選擇及優質的美味漢堡包，成為午市及晚市快餐的人氣首選。 BURGA有別於傳統的漢堡包餐廳，集結中、西、日三款不同的方式來炮製漢堡包，令人眼前一亮。提供8款不同口味的特色漢堡
繼續閱讀
營業時間
星期一至日
11:30 - 21:30
公眾假期
11:30 - 21:30
公眾假期前夕
11:30 - 21:30
以上資料只供參考, 請與餐廳確認詳情
早左收工又未夠鐘上興趣班，有d時間就搵下野食先，唔想食咁飽就搵到屯市入面既food count有漢堡專門店，就食漢堡啦，呢度比其他漢堡專門店優勝既地方就係food count多位坐，地方夠大又坐得舒服，一般漢堡專門小店都主力做外賣所以堂食坐位會較少。首先講講服務態度方面，睇返好多食評都話麻麻，我就企左係店前睇左幾分鐘餐牌，落單果位男員工都有略略介紹下佢地d餐，又話d牛肉係手打既，到落單過程都無乜問題，服務態度可能都有所改善，我覺得都還好啦。至尊漢burga由於唔想食太飽，而食漢堡最重要既就係漢堡扒，所以今日選擇左最基本既至尊漢堡，配料有芝士，生菜同蕃茄，先講講個包烘得幾香脆，唔會烘過頭，口感幾好，漢堡扒就比較一般，唔算厚同煎得比較乾，咬落無肉汁，生菜就用沙律菜，幾新鮮幾爽口，醬汁無落好多唔太突出，芝士就似係d包裝芝士，無乜芝士味，成個包黎講有好有唔好，普通啦。另外跟餐加18蚊有汽水同薯條，如果轉蕃薯條或炸雞之類就再加多d，飲品轉特飲又加多d，我今日就試下普通薯條，飲品要雀巢檸檬茶，薯條就新鮮炸，好夠熱，用波浪薯條，感覺有d炸得太過火，比較乾身薯味比較弱，另外醬汁有4款4選1，分別有茄汁，超人醬（問店員話係蛋黃醬定咸蛋黃醬唔太記得），泰式辣醬同日式芥末醬，我就揀左日式芥末，芥末味都幾突出點薯條食都幾特別，唯獨係個薯條質素差少少。全餐黎講食左76蚊，就呢個餐而言呢個質素黎講我覺得偏貴，不過都可以試下其他特色漢堡，蕃薯條見好多人讚下次可再試下，同埋始終係food count度環境都比較好d。
繼續閱讀
首先第一 俾錢冇得用其他Payment Method第二喺冇其他人等嘅情況下出兩個餐用15分鐘 出餐超慢第三啲嘢食超級唔好食包好硬個包皮好硬 啲配菜好少 蕃茄薄到 刀工好犀利啲薯條又硬到咬唔郁 整體所有嘢食都好鹹唔該出餐前先試下嘢食啲 硬度啲溫度先啦全部人都Hea下Hea下咁建議食M記好過啲人嘅態度好差有個細路仔喺側邊行嚟行去咁細路仔等到唔耐煩就問佢哋幾時有啦佢就鬧個細路仔話返去等啦等多陣先啦個細路仔走轉身走嘅時候就爆粗
繼續閱讀
屯市開左food court 梗係逐間逐間試 今次同朋友揀咗呢間Burga試下先☺️軟腳蟹burga🦀🍔$68軟殻蟹好大隻 唔會個包大過個軟殻蟹 配上芥末醬都幾夾 唔係攻鼻嗰啲芥末味 食落甜甜地酥皮龍蝦burga🦞🍔$88用飯同埋大啡菇去代替包就有見過 第一次見酥皮代替包 真係好特別😍入面龍蝦好厚 而且有滿滿既特濃龍蝦汁同埋黑松露 成個感覺都好香脆😋套餐加$35就有埋薯條🍟小食仲有飲品 唔係唔加埋呀嘛！薯條都有3款選擇 我揀既蕃薯條係淋淋地 似真係食緊番薯🍠 小食揀左腐乳味雞塊 有3件可以同朋友share 食落唔會奇怪 醬汁都有5款揀2款配小食 我大愛芝士黑松露醬 另外超人醬係蛋黃醬 都唔錯
繼續閱讀
屯門市廣場 Food Court 有一間BURGA , 因為Giselle 想食薯條所以抱着心態試吓🤫點知好好食呀！試左雙重芝士牛肉漢堡BURGA的漢堡扒用上西冷、牛冧、肥牛、肩胛共4種牛肉部位製成，漢堡個包皮好似豬仔包甘，無諗過咁有水準👍🏽而另一個軟腳蟹BURGA 漢堡包都好正，脆脆軟殼蟹配上芥茉漿，菜係用羽衣甘藍架，不得不提酥脆炸腐乳雞塊、真係超級超級超級好食，可能我真係好鍾意食腐乳🤫另有三色薯條，包括原味薯條、番薯條和紫薯條，醬汁可任選2款，有茄汁、芝士黑松露醬。啲漢堡包即叫即做，雖然要等一陣，但係都值得試吓🫢BURGA
繼續閱讀
屯門市廣場Burga雖然佢係屯門市廣場美食廣場入面但真心食完一次重想食 今次叫左軟腳蟹Burga 同酥皮龍蝦Burga 另外3件炸腐乳雞塊同薯條 重有跟餐嘅汽水由於佢係即叫即整當日我等左15-20分鐘先拎到一拎到之後有一刻諗 甘少 夠唔夠食呢 答案係好飽🙈溫馨提示因為佢太脆 食完之後成身都係酥皮酥皮湯 酥皮蛋撻就一定有食過但酥皮Burga就第一次睇相就知d汁極多岩曬我呢d要啖啖都係汁嘅人重點極濃龍蝦味之餘 重要同酥皮好夾其實我食嘅時候係諗住酥皮龍蝦湯🙈🙈薯條係粗身個一款 所以食完之後係好飽🙈 重點點薯條嘅醬有好多 有超人醬 茄汁 酸辣醬 日式芥末醬重有 芝士黑松露 總有一款係大家鍾意🙈總括依然🙈我對佢嘅飽係念念不忘🙈因為真係好好好好味🙈
繼續閱讀