影片
港鐵屯門站 D 出口, 港鐵屯門站 E 出口, 港鐵屯門站 F1 出口
繼續閱讀
電話號碼
37020832
開飯介紹
餐廳菜式多元化，包括港、日、西等風味及傳統小食。裝飾呼應店名「老虎」主題，以老虎圖案的牆畫及霓虹燈設計打卡背景，予人年輕的感覺。
繼續閱讀
營業時間
今日營業
08:00 - 21:30
星期一至日
08:00 - 21:30
以上資料只供參考, 請與餐廳確認詳情
好味指數😋😋回頭指數 ⭐️開心指數🤗同朋友響屯門 V city 搵食，行完整個飲食樓層，覺得呢間冰室環境相對坐得舒服，可以一路食一路傾偈，就入去試吓。🍴香燒羊架餐（$128）呢個係 under 吱吱又喳喳系列（即係鐵板燒），朋友個撈丁都已經食完好耐先出現，滿心期待，點知。。。我係用咗10 幾秒影咗一張相先倒個燒汁，一倒，跌咗一 pat 勁傑撻撻嘅汁落舊厚切番茄上面，之後嘅汁先相對正常，跟住發現鐵板完全一絲輕煙都冇，都唔好講發出吱吱喳喳聲！我勇者無懼上身，用手摸塊鐵板，！竟然只係微暖！！！佢唔單止個汁放咗好耐先會形成一開始嗰舊半凝固嘅汁，連個鐵板都唔熱，咁我叫個鐵板餐嘅意義何在？？？真心係人生首次遇上呢個情況！（我IG 有片，呢度食評暫時只有相片，大家未必感受到～）羊架有3舊，個味道其實唔差，但其中一舊非常難咬開，落手食都攪佢唔掂，薯條係暖嘅，口感有D 硬，似擺咗好耐。成份鐵板餐嘅食物只係微暖，仲要個汁都係凍，我都有留意其他食客嘅鐵板餐情況一樣，冇煙冇聲氣～🍴老虎乸辣雞翼（$62）雞翼有5隻，本質上係微溫到接近凍嘅狀態，個味有90%係瑞士雞翼，10%辣味，雞翼個味唔錯都幾入味嘅～🍴二世祖撈丁（$102）呢個係有一隻鮑魚仔，兩粒帶子，兩粒冬菇加上撈丁，同樣地所有嘢都係微溫，鮑魚仔味道正常，帶子係除咗雪味外冇咩味仲要似灼熟 only，冬菇唔算入味，撈麵好黐立立。🍴日式粟米湯（跟鐵板餐）又係微溫傑撻撻罐頭湯嘢。🍴龍鳳檸樂（跟餐特飲半價 +$14）呢個好難唔正常啦，有一整杯冰好夠凍😂🍴熱菜蜜（$18）除咗鐵板餐同小菜加錢有嘢飲外，其他都冇嘢飲，呢個朋友叫，倒出嚟沖水好難唔正常，水溫算仲係熱，已經係成餐飯入面最熱嘅一樣嘢！整體上所有食物冇一樣嘢係熱嘅，全部最頂到盡可以叫做微暖only，真係食火炙壽司都分分鐘熱過佢。坐到卡位嘅，環境係唔錯坐得幾舒服。不過我後尾見到有職員指咗客人去坐嘅位，4人座，其中兩個位係 bench 而對面只有1張櫈，少咗一張櫈都冇人幫手搬張櫈，最後個客企咗一陣自己去搬，而我自己就坐低後只見到張QR code 單，我明明見人哋檯面有餐牌，但我打開櫃桶又唔見有，過咗幾分鐘先有職員攞餐牌嚟，呢個服務態度都幾有趣，咁就食咗$300+，真係唔開心，走嘅時候都冇晒心機影門面相！呢間冰室完全唔會再有機會再嚟食！☆My IG @tracyloveliving ☆
繼續閱讀
嗌咗個常餐沙嗲牛肉麵 加杯凍奶茶 點知食完就嘔 嘔咗幾轉 好心杯野飲整好啲啦 仲要又貴又唔好食 一個常餐成70蚊 凍飲係都要貴過人 貴啲又搞到人肚嘔 都唔知廚房有冇做好啲嘢食 嘔到無停過 真係第一次有間茶餐廳可唔通以收貴啲又搞到啲客人唔舒服 唔該檢討下啲衞生 杯奶茶究竟係咪擺咗10幾日 飲完先嘔 真係搵客笨 做好啲功課先開鋪啦 上菜快又咩用 屯門咁多好嘢 都唔知點開到呢間野出啲 大家唔好再中伏 真係完全唔好食 價錢又貴 最重要係可以搞到人唔舒服
繼續閱讀
樓面成8個人，電子落單唔知做乜要咁多人，見d樓面成日喺度傾計，出餐又慢，叫個炒飯催左2次等左30分鐘，又貴，蟹籽蝦仁雞粒炒飯，出黎又唔好食，淡味不特止，蟹籽雞肉蝦仁又少，都唔緊要，食個炒飯連蛋都冇乜咁！最離譜埋單時問下想用埋新鴻基The Point既分比錢，佢同我講唔用得！入座前已經問左話可以我先入去食，食完先反口話唔用趕，搞到我坐左45分鐘，浪費時間，又唔好食，服務又差，仲咁多人排隊！冇下次，狗也不吃！
繼續閱讀
好少入到屯門，原來都係美食天堂。就算喺V City，都可以搵到一間”老虎冰室”。原本想食超邪惡西多，但諗諗吓都係食影相嘅”二世祖西多” 😂。另外，鰻魚蛋包飯都只係70有多，平過絕大部份嘅Cafe。芝士蝦多士熱辣辣，非常惹味。
繼續閱讀
清明假期行經屯門V City想食返一啲茶餐廳食物發現呢度原來得一間老虎冰室冇特別留意價錢就入去食下叫咗兩份常餐 不過一份都要69蚊以一般冰室嚟講價錢會比較高蕃茄濃湯豬扒通粉豬扒比較薄 味道都叫正常發揮 唔會太鹹蕃茄湯蕃茄味亦都比較濃厚飲完都唔會覺得好鹹蔥油叉燒撈粗麵比較失望叉燒好乾蔥油嘅味道亦都比較淡要自行再加啲醬油同埋醋先比較好食而且份量都好少丹麥方包同炒蛋丹麥方包幾厚 但係牛油味比較淡炒蛋係呢個常餐最好食嘅食物炒得恰到好處餐湯正常發揮 冇乜味精即磨咖啡 整體嚟講算係一般呢個價錢唔係好抵
繼續閱讀