影片
電話號碼
95482188
營業時間
星期一
11:30 - 22:00
星期二
全日休息
星期三至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
買外賣焗意粉，完全冇醬，成兜意粉勁乾又冇味，淨係得啲烚意粉味，啲意粉乾到kick住哂，成餐飯要夾硬吞先食落。70蚊嘅意粉得2隻爛鬼急凍帶子，去虹橋建議食洪強清湯腩或者byob coffee，千萬不要食呢間野！！！
繼續閱讀
本身都好少喺屯門搵嘢食， 經過間舖頭門口望到個餐牌，老闆娘就即時好熱誠推介，心諗咁細間舖都捱得住，應該吾差掛😅入去坐低發覺間舖頭真係好細……不過都ok舒服嘅。點左個香辣大蝦粉意粉，可以加錢配埋湯及飲品，佢地用細杯載湯，份量係偏少，不過真係有啲驚喜喎🥰佢個西蘭花忌廉湯真係睇到係一粒粒嘅西蘭花打架，好有西蘭花味及吾會太重忌廉味，吾錯😋至於個蝦意粉都算足料，加埋什菌彩椒香蒜一齊炒，好惹味，估計係用橄欖油炒，所以唔覺油膩，食完隻碟都唔會見到好多油。佢地d餐具係圓身，所以吾太好用，洗手間要攞鎖匙去返商場，吾太方便。總括黎講，如果$8x蚊食午餐，應該有更多選擇。
繼續閱讀
因為姑姐介紹，今日同友人去左食，坦白講，嘢食真係幾好食，本身同友人都諗住encore，點知本身一個餐42，一個餐44，埋單應該86蚊，因為我哋係飲餐牌上寫明奉送嘅花茶，所以唔使加錢，點知佢話106蚊，又唔俾單我哋，我哋就話要check單，叫佢俾埋餐牌我哋睇，於是有以下對話:👩🏻🍳係老闆娘，👧🏻係我/友人👧🏻 唔該埋單吖👩🏻🍳 106蚊👧🏻 咦？嗰兩個餐分別42蚊同44蚊，唔係86蚊咩？可唔可以俾餐牌同單俾我睇吓？👩🏻🍳 (而家先印單俾我哋睇) 嗱！👧🏻 (望到張單上面寫住花茶一杯10蚊) 唔係奉送花茶咩？點解10蚊一杯？👩🏻🍳 因為你哋嗌左凍嘅花茶，所以當係特飲要加餐牌差價，一杯10蚊👧🏻 下？我頭先落單指住餐牌句「奉送檸檬茶/xxx/花茶」嗰花茶問你係咩茶，你答我「玫瑰普洱」，我哋話好吖，你先問我哋要凍定熱，我哋以為有得揀先要凍，而餐牌都有寫凍飲係+3蚊，我哋都預咗會加，如果你係要加成10蚊一杯，你係咪應該落單同我哋講，如果知嗰幾粒冰要+10蚊，我哋就唔會嗌凍花茶啦！👩🏻🍳 哦 唔好意思 下次講返 而家點都係106架啦！間餐廳幾好食都無用，咁樣灰色地帶，仲要明昆啲客，永不錄用，大家諗清楚先去
繼續閱讀
又一外賣新選擇（1）三文魚洋蔥意粉大大兜 三文魚份量好足唔算多汁 不過味道唔錯 唔會太乾 （2）炸魚薯條特別欣賞舊炸魚 唔會好厚粉 夠魚嘅肉質嫩滑多汁 粉皮有調味過 唔會好寡（3）三文魚凱撒沙律正常發揮 每次都覺得食完炸嘢要食翻啲清新嘢 先冇咁重罪惡感😂（4）芝士蘑菇焗薯大大個 自己一個食曬都已經飽左八成芝士份量足嘅 配埋薯蓉成個口感好creamy 本人最驚食薯蓉食到滯曬 所以建議大家叫個同人一齊分好啦（5）肉醬鐵板薯條同普通薯條冇咩分別 係多個肉醬汁 唔係堂食唔洗特別叫 不過兩樣嘢係match嘅 肉醬唔辣 唔食辣嘅朋友都唔使驚（6）黑松露野菌意大利飯醬汁同燉飯濕潤綿稠 好似食緊糯米飯咁 個飯係最快比人清晒嘅 我自己都覺得佢係咁多樣之中最好食🤣 不過黑松露味就唔重 勝在飯粒唔硬 味道濃郁 食到奶滑口感 外賣黎講算唔錯兩款梳打同水果特飲正常發揮 對得住價錢 最欣賞佢外賣會將梳打同水果糖漿部份分開裝 咁客人飲個時都唔會走曬氣
繼續閱讀
我喜歡平日出街搵食，但知道lunch time，周圍都會多人，所以，就晏少少食，諗住去屯門虹橋一帶搵食，原定想搵間大少少的餐廳，結果，遇見了這間廚匠小店，坐位不多（十個內）我地去到無人，只得我地包了成間餐廳，可能過了食晏時間，加上平日，就直入餐廳，有位年長姨姨來招呼我地，餐廳內乾淨整齊衛生，我地叫了一個漢堡餐及長通粉，跟餐有湯，佢地d湯比較香濃😋，漢堡肉汁可以，個包是香脆，汁香濃長通粉正常，雖然環境不大，但色調及飾物佈置都吸引，價錢合理，不會太貴，服務態度Ok整體表現良好，可以繼續試其他食物。
繼續閱讀