影片
港鐵尖沙咀/尖東站 B1 出口, 步行約8分鐘
繼續閱讀
電話號碼
64312472
94355625
營業時間
今日營業
20:00 - 04:00
星期一至五
18:00 - 03:00
星期六至日
20:00 - 04:00
以上資料只供參考, 請與餐廳確認詳情
星期六嘅晚上，約埋好耐有見嘅朋友搵左個地方坐低飲返杯。今次去左位於尖沙咀天文台道8號，喺6樓嘅Wavy Bar & Restaurant餐廳都幾好氣氛，地方夠大，有高台，bar枱，波枱，夜d嘅時候仲有live band。本身店內有播音樂，聲量適當。幾個人想傾下計都好舒服，唔會太噪。呢間bar飲品都好多選擇，紅白酒，啤酒，常見嘅cocktail, 同特色cocktail都有好多選擇。總有一款適合。我地就喺Spin special cocktail揀左兩款試試。朋友試左Yuzu blossom(Sake, honey yuzu, orange-flavoured, lemon, lime)賣相帶點夢幻，飲落清新，因為加左蜜糖，所以多左微微嘅甜味，加左少少柚子皮喺面頭，聞落仲多左一份香氣。 我就試左Strawberry Iced tea(Vodka, gin, rum, tequila, strawberry, lemon, unsweetened iced tea)幾鐘意呢款iced tea 係冇落sweetener, 幾種酒加埋飲落都覺得好和諧。加上粒粒果肉，更帶出士多啤梨嘅香氣，一杯自然又幾有心思嘅cocktail.佐酒小食就叫左個秘製脆炸雞翼要等少少時間，新鮮炸起，脆漿份量恰當，咬落脆口熱辣辣。辣醬松露海鮮意大利麵份量都幾大份，意粉有咬口，辣醬食落都幾惹味，聞落都有松露香味，整體不錯。自家製泰式松阪豬薄切豬頸肉配泰式辣醬幾夾，而且肉質夠嫰而有咬口。有氣氛又可以慢慢傾下計，係個唔錯嘅weekend 之選。
繼續閱讀
今天約定在尖沙咀的這間酒吧餐廳為朋友慶祝生日。這裡的環境超有feel，偶爾還會有現場音樂表演和足球賽事直播！這樣的氛圍讓我們的聚會更加熱鬧有趣！酥炸魷魚鬚來到酒吧絕不能不叫的經典小食。魷魚裹上粉漿，油炸成金黃酥脆，外層酥脆內部嫩滑，一口咬下去滿滿的美味和口感！白汁香蒜海鮮意粉這道意粉以海鮮，搭配蒜片、奶油和白酒等調味料炒煮而成，最後與煮熟的意粉完美結合。奶油香濃，蒜香味四溢！芝士肉醬配薯條由肉碎和番茄醬炒煮而成，再灑上濃郁的芝士，最後烤至芝士融化金黃。肉醬的酸甜味、薯條的脆度和芝士的濃郁，令口感昇華！既然是慶祝生日，我們也要來點特色雞尾酒！Oreo Monkey就像一杯Oreo冰沙，甜甜的口感讓人完全忘記自己在喝酒，非常適合那些不喜歡酒精味道的人。還有Yuzu Blossom，這杯雞尾酒帶有柚子和檸檬的清香，朋友評價它非常清新！
繼續閱讀
Wavy Bar & Restaurant👻星期五晚最正就係落下酒吧同朋友傾下計摸下酒杯底依間都幾多野玩有得點歌唱K有得打桌球仲有得玩下飛鏢成個氣氛都好chill咁正既地方下次再約多啲frd黎玩下先🥰佢仲要有promotionHappy hour叫野飲仲送野飲.🔅Fresh fruit yogurt HKD 128依杯係同生果同乳酪打埋既cocktail蘋果荔枝士多啤梨菠蘿打埋一齊飲落幾fresh又唔會好重酒精易入口啱哂我😛🔅Stella Artols HKD 108仲嗌咗杯生啤Stella苦味無咁重夠凍夠易入口聽住歌飲返杯好正😆🔅秘製脆炸雞翼HKD 88炸到脆卜卜嘅單骨雞翼用嚟餸酒真係好啱仲有少少辣粉喺側邊俾你🔅炸魚薯條HKD 108薯條新鮮炸起熱辣辣個炸魚魚肉都幾多唔會好厚粉配埋個蛋黃醬好正🔅芝士卡邦尼意粉HKD 128未食晚餐就叫多咗個意粉芝士卡邦尼夠creamy都幾濃郁芝士味都幾掛汁.整體來說:飲酒唱k 好鬼死chill😚.🎈 Wavy Bar & Restaurant (尖沙咀)尖沙咀天文臺道8號6樓2號舖
繼續閱讀
我最近去咗尖沙咀嘅樓上bar - WAVY BAR & RESTAURANT，食嘢飲嘢都，都幾多嘢玩，首先，我試咗佢哋嘅「酥炸魷魚鬚」。魷魚鬚炸得香脆，外皮金黃，入口即化。魷魚鬚本身帶有嚼勁，同埋配上沙律醬，味道更加豐富。配酒係一流嘅小食。然後，我試咗佢哋嘅「自家製泰式松阪豬」。松阪豬煎得剛剛好，肉質嫩滑多汁。其實豬肉係豬頸肉。配上泰式調味料，帶出一啲微辣同埋酸甜嘅味道，好開胃。醬汁有普通泰式辣醬和泰式青醬，2隻都夾。接下來，我試咗佢哋嘅「白汁香蒜海鮮意大利麵」。意大利麵煮得適中，配上海鮮同埋濃郁嘅白汁，味道十分鮮美。有檸檬清新，同海鮮嘅鮮味相互襯托，每一口都好滿足味蕾。飲品方面，我試咗佢哋嘅「Golden Coast」、「Matcha Punch Sour」同「Suntory TPM」。Golden Coast係一杯清爽嘅雞尾酒，有水果嘅甜味同埋微微嘅酸味，好適合夏天飲用。飲前有火燒睇，打卡一流。酒偏甜，好易入口。Matcha Punch Sour係以抹茶為基底嘅酸甜飲品，混合咗抹茶同其他水果嘅味道，味道平衡而且開胃。最後唔夠喉再嗌咗杯啤酒，Suntory TPM白啤，清爽而且順口，好適合啤酒愛好者。總括而言，WAVY BAR & RESTAURANT提供幾多娛樂，可以唱k, 督波。食物上菜速度比較慢，啱一大班飲慢慢傾計。
繼續閱讀
尖沙咀樓上酒吧餐廳🫶🏻-🐽自家製泰式松阪豬 ($138)充滿油脂，而且食落好香口，豬肉好多汁，送酒一流🫶🏻🦪燒蠔 ($12/1)Happy hour嘅優惠價係$12一隻，所以我哋叫咗四隻嚟試吓，啲蠔好大隻，而且幾肥美，味道幾鮮甜，而且仲好重蒜味添😙🍟炸魚薯條 ($108)魚肉好滑嫩，而且份量幾足，薯條夠脆夠香，一樣都係好好嘅下酒菜😍🍝白汁海鮮香蒜意粉 ($138)未食已經聞到好香蒜味，食落幾足料，有魷魚、蜆同埋蝦，不過個人覺得白汁嘅味道可以再濃郁少少😬🍸Long island ($128, happy hour free drink by food)Happy hour叫嘢食嘅話可以有免費飲品，真係好抵，所以小編都叫咗一杯cocktail試吓，味道唔會太淡，酒味啱啱好，小編最鍾意飲long Island，個人覺得呢度嘅long Island都算唔錯😘🥭Mean mongo ($78, hh free drink by food)呢杯係一杯mocktail，甜度適中，味道幾開胃，不過個人覺得芒果味可以再出少少~餐廳嘅位置好寬敞，地方都好大，而且嗌嘢食亦都會有free drink，真係幾抵🥰喺尖沙咀飲嘢唔想同人逼，嚟呢度都係唔錯嘅選擇~味道 7.5/10服務 8.5/10環境 8.5/10回頭率8/10總評 8/10😋🤍人均消費 $248💰-📍Wavy Bar & Restaurant 尖沙咀天文台道8號6樓2號舖#米食尖沙咀 #米飲嘢 #米飲酒 #尖沙咀美食 #酒吧餐廳 #美食 #hkfood #hkfoodie #hkig #hkeat #hkgirl #hklifestyle #foodiegram #hkrestaurant #香港美食 #香港餐廳 #食評 #thefoodieinitiative #internationalfoodiesunite #foodadmirersoftheworld #globaleats #internattionalcuisinefamily #foodsharinggroup #香港 #香港餐廳
繼續閱讀