159
0
4
| 餐廳: | 花楽 (北京道1號) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
營業時間
今日營業
11:30 - 23:00
星期一至日
11:30 - 23:00
*Lunch Menu 供應時間: 11:30-15:30 (Last Order: 15:30)
Tea Set 供應時間: 14:30-17:00 (Last Order: 15:15)
晚市供應時間: 18:00-23:00 (Last Order: 22:30)
Drink Menu 供應時間: 全日供應
最後落單時間: 22:30
以上資料只供參考, 請與餐廳確認詳情
有關獎賞計劃
優惠
| 餐廳: | 花楽 (北京道1號) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
地點非常方便就係位於尖沙咀北京道1號，踏入餐廳就見到無敵大海景，夜景真係眼前一亮，同朋友邊食飯邊傾偈，真係非常舒服，仲要係睇到維港嘅景色，餐廳非常有情調，用好多花花嘅佈置來裝飾吞拿魚壽司盛盒$208大拖羅，中拖羅同埋赤身，最肥美當然係大拖羅脂肪分布好像雪花一樣，顏色較為偏白，有入口即溶嘅感覺，赤身係吞拿魚嘅背部位置，所以脂肪含量都唔多，肉質較為結實有咬口 ，兩款我都非常喜歡松葉蟹肉海膽甲羅燒石鍋飯$238石鍋飯帶有飯焦嘅焦香，又夠香脆，又有口感，非常多嘅松葉蟹肉同埋海膽，每一啖都非常豐富，攪拌後一齊食味道仲好鮮甜，夠晒味道，非常滿意羊架兩件$136羊架份量相當多，入口唔會太油膩，肉質鮮嫩，厚度適中又夠多汁肉味濃郁，唔會有so 味，燒到剛剛好，令人食慾大增中華風燒賣壽司四件$118賣相非常似燒賣，用咗蒸籠來上枱，上面放有一些蟹子，然後用紙包住，而入面係吞拿魚蓉嘅壽司，味道鮮甜，入口即溶嘅魚蓉，夠晒特別，係吞拿魚嘅fusion 菜，好似係食緊非常大件嘅吞拿魚軍艦，啱晒打卡嘅朋友
繼續閱讀
寶貝生日出佐去尖沙咀北京道high tea,以花花燈飾設計嘅日本居酒居,景觀開揚,可以望住文化中心天星碼頭海景😍🏵️花樂熱氣球~天空之森(二人下午茶套餐)飲品我哋揀咗杏仁焦糖薰紅茶,套茶具好elegant,飲落去個味幾香,奉上蜜糖,方便喜愛甜可加入茶中🫖🍄餐前先來三款咸點小食燒鱈魚乾香口配上日式沙律醬,更滋味,炸蟹鉗金黃香脆,三文魚刺身厚切,油脂分佈平均😘🌹主角熱氣球時令海膽,,色澤金黃,濃郁鮮甜,嫩滑細緻😋拖羅,油甘魚,入口油脂豐富,好鮮味！甜蝦鮮甜彈牙又爽口😋 巴馬火腿芝士卷,火炙粟米沙律甜而清新！吞拿魚蓉配上小撻仔,味道好夾。雜錦魚生卷有2款魚生卷,都好特別！🌸甜品放入好似玻璃首飾櫃入面好靚,一層層好吸引,有櫻花水信玄餅、日本和菓子(整得好 精緻,味道唔會太甜,軟軟的好好味)日本蛋捲,芝士蛋糕,蛋捲都好鬆軟,芝士餅香滑濃郁,生果有新鮮香甜哈密瓜,士 多啤梨同香印提子。熱氣球籠及玻璃櫃全部以花花蝴蝶裝飾,,食物精緻好靚又好味,打卡一流📸係度high Tea真係好好relax！
繼續閱讀
愛美是人的天性，有人追求樣貌美，衣著美，而我覺得心情靚最重要。今日去食下午茶，太開心❤了，真係享受左一個靚爆鏡嘅下晝。北京道1號有好多食肆， 大門口裝修非常省鏡，雖然已經過左春節好耐，但係喜慶嘅裝修依然未拆，大紅福字同燈籠將整個環境裝點得喜氣洋洋，令人心情開朗。🥳🥳 一條好長好高嘅扶手電梯帶你去到輝煌大堂，🎢只見大堂樓底超高 ，裝飾新穎，簡單得來又不失氣派，高貴而且帶有青春的活力。搭電梯上到8樓，一個花花世界展現眼前，【花樂】就是我們今日下午茶的餐廳 ，餐廳非常光猛闊落，大片玻璃窗對正文化中心，前面就係1881商場，隔離係YMCA，右邊係天星碼頭，👀望哂整個維多利亞海港🏞，這裡真是最好的打卡點。餐廳名叫【花樂】，LOGO就係有一朵花，🌸門口的裝飾別具日本特色，粉紅色的字樣帶出溫暖的感覺，天花和墻身都是花葉裝飾，圓柱形的大酒埕給人豐足富裕的踏實感，一排蘆葦桿分隔了門口和餐廳的區域，又多了一種環保原始的自然美。🪺🍀🍁今日的下午茶非常豐富，淨係睇餐牌就已經可以開心半日，內容豐富度超出我的想像力。第一個呈上是生鮮食物熱氣球，分開幾層放食物，裝飾用了不同的鮮花為食物扮靚，第二個是各式甜品水果的晶瑩通透玻璃櫃，第三個是鹹點盆。一個美食與鮮花融合的下午茶正式開始。🥁🥁前奏曲🎼🎵🎶🎹藍莓果粒茶在漂亮的瓷具中發出誘人氣味，紫藍色的茶在潔白的茶杯裡呈現高貴的美感。主題（一）鮮生組合先清後濃，先鹹後甜是飲食的規律，我們從沙律開始：微微炙焦的粟米，清香多汁，香醋沙律開啟了期待的味蕾。時令海膽，拖羅，油甘魚🐠，甜蝦，盈油光亮，鮮甜可口，配一朵黃菊花，吸睛之作。👀🌼巴馬🐴火腿芝士卷，豐年的巴馬火腿，卷起濃香軟糯的芝士，吃在嘴👄裡，香味久久不散。磯之雪雜錦魚🐠生卷，用海苔卷著魚生片，與壽司🍣飯共融出和諧的美味。主題（二）鹹點組合厚切三文魚🐠，紅白相間的三文魚片，點上芥末醬油，就得到滿足幸福的感覺。日式炸蟹鉗，和港式炸蟹鉗不同，金黃的外表，雪白的蟹肉，外脆內嫩，蟹香揚溢，點些醬汁更是錦上添花。鱈魚🐠干，淺褐色的鱈魚干貌不驚人，味道卻是出奇的鮮香，從第一片吃到最後一片沒有停頓。😂🫣主題（三）甜品水果櫻花水信玄餅最漂亮，一朵粉紅色的璀璨櫻花🌸，綻放在水晶體的糕餅中，令人愛不惜手，不想破壞了美麗的容貌。🌸🌸🌸🌸🌸芝士蛋糕🎂和芝士蛋卷，一朵鮮紅的玫瑰🌹，放在雪白的芝士蛋糕旁，紅白互相輝映 ，簡直是一幅最美的圖畫。鮮紅草莓🍓，甜到漏的哈蜜瓜🍈，晶瑩剔透的波波提子🫒🫒，碟豆花，月季🌹花，菊花等再組成另一幅圖畫，令靚到爆表的下午茶更加完美。有點遺憾的是，不能把全部靚相上載 ，美麗的畫面自能自己欣賞。😂😂
繼續閱讀
餐廳環境舒適闊落仲可以坐窗邊位望海景今次同個fd 黎食好野咩都想試😂松葉蟹肉海膽甲羅燒石鍋飯，海膽份量足，唔會腥，蟹殼底層有蟹膏，味道香濃，建議盡快攪拌食用，避免米飯起飯焦厚切牛舌鮮嫩香油，一啲都唔硬，咬落多汁，唔會好鹹，配埋個芥末籽，味道一流，個醬完全唔攻鼻，有少少酸味好開胃八貫壽司盛合迷你刺身丼蟹肉鮮甜，蟹膏質感綿密唔會澀都唔會腥牡丹蝦壽司，蝦肉大隻口感清爽，入口蝦味新鮮化開後微甜，令人回味中拖羅壽司，入口即化，富滿油香，唔會有油膩感三文魚壽司片三文魚肉夠厚深海池魚肉質厚實，清甜肉嫩，過後口腔留有油香玉子燒唔會太甜，食落柔軟唔會粗糙六味真蠔嘅柚子汁配日本刺身蠔同啫喱刺身蠔,都好大隻，肉肥飽滿，新鮮唔會腥芝士焗蠔重芝士味岩鹽蠔皮脆肉嫩，鹹香適中，唔會多油都唔會乾身甜品個紅豆雪糕超好食，唔會太甜，好香豆味，冇紅豆皮透明水晶花球，造型獨特，有朵花係入面，味道清甜，個汁係黑糖味兔子造型糕點Q彈，味道清新唔甜，適合消滯粉色玉糰子有梅子味道，十分特別芝麻糰子，咬落粒粒芝麻，重芝麻味方形一口小蛋糕食落有層次感佢個menu 都好豐富下次有機會再黎過
繼續閱讀
趁住五一假期又係出動食好西嘅時候，近排見到好多朋友都去打卡「花楽」嘅日式花園下午茶，我又點可以執輸呢😆店員安排咗我同BFF坐喺窗邊位置，可以一邊欣賞靚景一邊high tea🩷Tea set一上枱時我地即刻瘋狂打卡，熱氣球入邊裝住各式各樣嘅咸點，另一個花花架就裝住甜品🥰熱氣球上面包含咗四款刺，有海膽、拖羅、油甘魚同甜蝦，海膽味道清甜，大拖羅超級肥美充滿油脂，入口即溶，厚切嘅油甘魚鮮味無比，魚味濃郁，甜蝦爽口鮮甜，全部刺身都夠晒新鮮👍🏻巴馬火腿芝士卷咸香嘅巴馬火腿包住creamy嘅奶酪芝士，入口幼滑，奶和味濃，兩者配搭令味道更加提升火炙粟米沙律沙律菜清爽而新鮮，加上火炙栗米口感更加豐富，燒過嘅粟米香味更加濃郁吞拿魚蟹肉pancake米餅上加上吞拿魚蓉同蟹肉，入口軟綿味道鮮甜，多重口感享受熱氣球上包括兩款卷物，有忌廉芝士鰻魚卷同磯之雪雜錦魚生卷，鰻魚卷配上忌廉芝士，cream cheese香濃嘅奶香加上鰻魚嘅鮮味，最佳配搭✌🏻雜錦魚生卷裏面包裹住各式各樣嘅魚生，味道豐富口感一流三文魚新鮮肥美yummy😋日式炸蟹鉗蟹酥脆嘅炸蟹鉗，咬落去脆卜卜入邊充滿蟹肉，點上他蝦醬滋味無比鱈魚乾香脆鱈魚乾點上蛋黃醬，一條一條食到停唔到口😆甜品食完咸點部分，女生就會開動第二個胃食甜品🤭花花架最底層有三款水果，士多啤梨、香印提子同哈密瓜，中間嗰層就放有兩件cheese cake同日本蛋捲，芝士蛋糕唔會太甜，濃濃嘅芝士味入口絲滑細綿，粉紅色嘅蛋捲真係好吸引，蛋糕部份夠鬆軟裏面包住蜜桃同大量忌廉，大愛🤩最頂層櫻花水信玄餅，dun dun嘅質感QQ彈彈，加上黑糖正宗日本嘅味道👍🏻旁邊配有多款日本和菓子，有紅豆、蜜瓜、櫻花等餡料，甜度適中，有兩款裹上黑白芝麻，煙煙韌韌特別香口花茶最後點少得嘆返杯花茶呢😌我地揀咗杏仁焦糖薫紅茶，搽底味道濃郁帶甘，加入杏仁焦甜醬剛好中和紅茶嘅甘味，整個下午茶份量十足，推介一定要同BFF黎分享🩷📍花楽 (北京道1號) (尖沙咀)尖沙咀北京道1號8樓801室人均消費：$300食物：⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️回頭率：⭐️⭐️⭐️⭐️⭐️
繼續閱讀
您可能會有興趣的...