影片
港鐵尖沙咀/尖東站 L5 出口, 步行約8分鐘
繼續閱讀
電話號碼
28512833
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
真心不騙，呢個台灣過江龍有料到，奶茶果茶都超出期望，值得一戰👍🏻！・・・・・・・・・・・・・・・・・・・・🍹 柚香茉芽 無糖 HK$33＞ 清爽葡萄柚與茉韻青翠茶香・味道：解暑必飲！一入口陣柚子汁就湧埋嚟，完全唔澀夠甜🫶🏻！之後茉莉青茶陣茶香就會慢慢出嚟，兩者好夾👍🏻！btw無糖夠㗎喇，因為無糖都有柚子汁本身甜味，本波覺得個甜已經足夠了～・口感：有少少柚子果粒，鍾意佢陣茶嘅清幽好出，柚子同茶都唔澀，薄身順喉，係9秒9就清晒，0負擔感嘅手搖d(`･∀･)b🧋 黑玉歐蕾 HK$42＞ 台灣經典熟成奶茶與Q彈黑糖珍珠・味道：【震驚七百萬人】無糖但茶奶平衡係奶茶出現了ฅ(๑*д*๑)ฅ!!！！！鮮奶奶香足，配上薄身青茶底，入口先飲到香然後茶，夾埋茶奶比例大概6：4，兩者係夾埋嘅，唔係分離，respect🫡！雖然話係黑糖珍珠但其實冇黑糖糖膠包住珍珠，唔似香港嗰啲食到成日漿住啲糖膠，我估係本身整珍珠時已經落咗黑糖，所以咬落微甜，冇咁甜又唔係冇晒甜呢下仲好！・口感：珍珠唔係煙韌，係軟熟！呢種咬口嘅珍珠喺香港唔常見，好咬但又唔會咬到牙骹軟，掂！・・・・・・・・・・・・・・・・・・・・🤰性價比：高～🤰9衝度：9衝～🤰結論：打破咗「過江龍食店嚟香港，食物質素味道要打7折」嘅定劣，呢間掂！本波與波妹一致通過，值得為佢特突嚟海港城飲珍奶🥳！・・・・・・・・・・・・・・・・・・・・
繼續閱讀
呢間bubble tea🧋 可以話係香港最新嘅台灣過江龍茶飲店, 聽聞話幾好飲, 所以我都去咗海港城試下~ 店舖走嘅風格係偏可愛😛, 但都好有心思, 有幾個打卡位俾你打下卡, 放咗部marshell係度添haha.冰萃熟成$29 +珍珠 $5佢哋最出名係熟成茶飲🧐, 其實真係睇啲英文名先明杯嘢係咩, 就咁睇中文會有啲唔係好明叫緊咩😂😂~ 我就叫咗冰萃熟成+珍珠, 我以為珍珠係平日果啲珍珠, 但原來係小珍珠🤥, 大珍珠係叫波霸🥲 雖然叫錯咗, 但係啲小珍珠都幾好食, 味道好好, 相信大珍珠應該會再好食啲😭!! 個茶底飲完會令你感覺好清爽, 透心涼嘅感覺📍可不可以熟成茶行尖沙咀廣東道3-27號海港城海運大廈地下OTG49號舖
繼續閱讀
尖沙咀海港城新開嘅台灣茶飲店，唔係好多人知，所以冇乜人龍，決定喺炎炎嘅夏日買嚟試一試。店舖走可愛路線，茶飲嘅杯上有好多色彩繽紛，唔同嘅卡通公仔，令人眼前一亮。喺炎炎嘅夏日，點了一杯透心涼嘅飲品金檸米芳，飲品有檸檬嘅酸味，喺夏天來講真係令到人哋一解暑氣。而且，檸檬嘅香味偏向自然，比起一啲現行嘅手打檸檬飲品，或者一啲人工化學味嘅檸檬味，更加自然濃郁，但唔會過酸。如果大家喺商場行街行到攰，可以嚟地下呢一層買杯飲品試一試啊。
繼續閱讀
呢間店飲過幾次茶底係好飲既但無時間無耐性或欠少少運氣都唔好去試過佢先做電話外賣單 唔做門市單明明門口得幾個人 都等好耐最近呢次仲厲害明知漏單都會照做後面order做左8-9杯了都唔做番你個杯問左2-3次都仲只會搵係咪放錯落外賣袋 話部機無出飲品label映你張單要report俾上面知就係唔幫你沖番仲要漏單唔止漏我一張單建議買一杯就唔好買同埋佢個細珍珠差左 黏埋一堆根本飲唔到
繼續閱讀
作為台灣茶飲嘅fans，可不可嚟到香港一定要試吓!咁啱佢哋做緊事業優惠，當然要去飲吓啦！位於海港城玩具反斗城隔離，人流真係相當之多，亦都因為係事業關係，所以都幾多人排隊。諗住都係要等10個號碼，應該都唔會好耐，點知一等就等咗半個鐘有多😳而且佢嗰個免費加送珍珠嘅試業優惠突然之間冇咗又冇通知，真係有啲失望☹️至於嘢飲好唔好呢？我叫咗熟成歐蕾，台式茶飲嚟講茶味係足夠嘅，感覺會更似香港嘅奶茶，但係一杯冇任何toppings嘅奶茶要差唔多成$40 ，完全係超級唔化算，又唔算特別好飲，都係去台灣飲吧啦😓
繼續閱讀