影片
電話號碼
21159956
營業時間
今日營業
12:00 - 22:00
星期一至四
12:00 - 22:00
星期五至日
11:30 - 22:00
以上資料只供參考, 請與餐廳確認詳情
有段時間沒有到訪尖沙咀區，旺區當然要習慣性訂枱。今次被安排的位置有點意外而且很滿意，可以靜靜的自成一角進餐，用手機掃二維碼點餐。先來的是他他三文魚沙律 ，賣相色彩繽紛，有輕微炙燒過的三文魚片、魚籽、沙律菜，淋上酸酸甜甜的沙律汁，是一份開胃菜。點了三串串燒，免治雞肉棒兩串(碟下方) ，以為是軟軟的免治雞肉但肉棒結實好味。碟上方是雞胸軟骨串燒 ，入口後能咀嚼軟骨，味道適中，有醬汁輔助較好。一串份量就算是一人享用的話都不夠!熱騰騰，滑滑的日式蒸蛋。無論是大人或小朋友都喜愛蒸蛋，用料豐富，有菇、蔥、蝦等，味足。我們喜愛鮪魚，一客鮪魚壽司盛 有小卷四件、卷物兩件、手握壽司六件。手握壽司六件，三處鮪魚的不同部位，味由淡到濃，肉質柔軟。無論是那一款壽司或卷物，口感都很好，只要慢慢咀嚼便能品嚐美味。雜錦天婦良 有蝦、茄子、粟米等。茄子一件厚身再切薄片，天婦良的麵衣厚度適中，炸後乾爽不油膩，備有蘿蔔蓉及醬汁與天婦良是絕配。漂亮的一行穴子牛油果卷，卷物入口軟綿綿，中間的鰻魚肉鮮味及稍為結實的口感，不錯!價格是稍為偏高，但少食多滋味是正確的。食物及服務水準一如以往的好，是小妹喜愛的日本料理餐廳之一!
繼續閱讀
上晝去海洋中心辦事，中午想就腳啲在海港城搵間壽司店，最後鎖定海運大廈地庫，即係好多𡃁仔嘢賣嗰層。鮨勘門面感覺上親民啲，咁就這間。作為讀過中文的人，不得不講下個「鮨」字。有人話正讀要讀「偽」，唔可以讀「G」......查查字典先，排第一個音「偽」就係正讀喇可？但我又查下《康煕》，鮨字打頭陣係唐韻注「旨夷切」、集韻注「蒸夷切」，旁音「脂」。咁而家我們讀「G」又有幾錯呢？鮨勘lunch hour感覺係走日式料理路線過於純粹「壽司屋」，提供幾多Lunch Set可揀，我哋就叫咗Set牛舌煮，牛舌幾厚，但勁腍，不遜於太平館；不過有人喜歡牛舌要有少少爽，咁就要去食燒烤咯。汁係偏甜嘅，但唔膩，送到飯嘅。2人點了個吞拿魚盛，2件赤身、2件中拖、2件大拖羅、2件吞拿蓉大卷、4件赤身小卷。赤身已經唔差，但未算咩超高性價比嗰種。大拖羅不錯，肥、甘、融化感有晒，咩鬼嘢入口即融以拖羅嚟講係基本，重要係油膩而不腥，今次呢兩件算解凍得僅僅合格，扣少少分。單嗌成百蚊件唔夠抵，但成Set嗌就良心好過好多。吞拿魚蓉太卷好好味，人多值得單點一條些牙榮。呢Set嘢400，其實好飽肚，好抵食。講返點解我覺得「鮨勘」唔一定要食壽司，就正正係佢哋嘅壽司唔知點解好飽肚，甚至比壽司郎仲加飽肚，不知為何，總之有啲怪怪。仲叫咗份咩苦瓜海萄葡沙律，味道ok，菜係靚嘅。叫Lunch Set推薦加配油甘魚刺身，一碟三塊，超厚，連少少皮，爽脆肥甘兼備，抵食，食完包飽。整體而言，係喺海運嚟講性價比十分高嘅日本料理。但如果單論壽司，可以考慮美登利。
繼續閱讀
食lunch路過，入去試一試。突然之間想食個切角魚生飯。$238。自己QR code落單。落咗個淨食，店員非常之好。同一個價錢，幫我轉返佢做一個定食。即係有埋麵豉湯同沙律前菜。😃😄👍🏻嗰碗飯嚟到，真係好大碗！多飯，多餸，超多魚生！講真，真係覺得抵食，而且質素唔差，價錢合理。值得推介。講真，如果離開呢一頭，特登嚟食呢一間都值得。因為可以給返個泊車！🤣😅😄👍🏻中午食飯時間又唔使等位。不過想提一提。個friend嗌咗個叉燒拉麵，感覺唔係好得。所以不值得推介。 個叉燒，係真係叉燒。 有少少似係中式嗰一種。😂🤣🤣 佢真係糾正咗我多年對日式叉燒嘅想法。 個面同湯底，質素好似同味千差唔多。
繼續閱讀
牛肉烏冬非常硬，完全咬唔到海膽手卷海膽見唔到，紫菜係濕咗或者係冧咗，完全咬唔開，問個經理係咪新鮮整佢話即刻整㗎？點解即刻整會咁樣？帆立貝壽司勁細粒食食吓唔對路，仲爭一個西京燒未嚟我哋同佢講如果未整就取消咗佢不過好彩經理態度都算好就話因為今晚好多人食師傅好質素先下降幫我哋取消咗，但係真係好失望，價錢唔係平，但係質素真係仲衰過元氣，起碼人哋個手卷啲紫菜係食到先啦，佢呢個手卷$158海膽就見唔到紫菜就濕嘅都唔知放咗幾耐
繼續閱讀
今日嚟到海港城一間日本餐廳睇吓餐牌，嗯好啦一於試吓！餐廳都算大另外想讚啲待應服務態度都好好👍🏻又有禮貌又幫得手好快啲嘢食就嚟咗第一樣就係海鮮海草沙律份量適中，其實都幾多三文魚，海草喺最底，仲有鮮蝦嘢食全部都有鮮味💛！第二樣係三文魚蓉卷除咗夾喺飯嘅三文魚，仲有舖喺面嘅三文魚😍 食落口感💯最後一樣係豬骨湯烏冬菠菜、油豆卜、豬軟骨✅後記：海港城好多餐廳，感覺好多都貴，但性價比唔高但呢間唔錯👍🏻 有機會可以帶其他朋友再嚟
繼續閱讀