431
32
23
餐廳: | Odelice! (PopCorn 1) |
---|---|
優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
條款及細則:
|
|
|
開飯介紹
菜式多元化、走巴黎小酒館風格的法式連鎖店,以傳統法國菜食譜為基礎,創作一系列融入亞洲風味的家庭式法國料理。
繼續閱讀
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
以上資料只供參考, 請與餐廳確認詳情
有關餐廳
有關獎賞計劃
優惠
餐廳: | Odelice! (PopCorn 1) |
---|---|
優惠: | 國泰會員於夥伴餐廳消費可賺高達HKD4 = 2里數。受有關條款約束。 |
條款及細則:
|
|
|
今晚約咗老公喺popcorn睇戲,自然就喺樓下商場搵嘢食~戲院隔離就係odelice,超掛住佢嘅生牛肉他他!見到晚市set for two有生牛肉他他小漢堡,毫無懸念咁入去!套餐除咗Starter,原來已經有埋soup& 🥖 baguette小法包搽嘅牛油已經加咗鹽,外脆內軟嘅口感再加少少鹹味好開胃!Starter嘅牛肉他他有蛋黃同埋香草碎,混合埋一齊好鮮味~晚市嘅他他漢堡同午市extra bites唔同,多咗兩粒小鵪鶉蛋。盲槽係幾好食嘅鹹水魚,海鮮鍋裏面有蜆、青口&炸薯角,青口非常新鮮,口感滑溜溜的~有少少蕃茄醬作為調味。另一個main order就是阿根廷安格斯肉眼牛扒,medium嘅熟度食得出安格斯牛嘅鮮味,粉紅色嘅切面睇到生熟程度剛剛好,甚至不需要加岩鹽,點少少伴碟嘅sauce已食得出牛嘅鮮味。甜品叫左crepe,淨係睇staff嘅表演已經值回票價,燒到着咗火嘅酒倒在可麗餅上面,圍繞着幾粒甜橙燃燒🔥,連隔籬枱都望住🤣🤣兩個人撐吓枱腳,odelice係唔錯嘅選擇!
繼續閱讀
店舖位於將軍澳站連接地鐵上蓋,地點位置方便餐廳主打法國菜午餐時間全店滿座,非常受歡迎步入Odelice餐廳環境非常舒適裝飾風格很時尚,燈位及座位也很好讓人感覺很放鬆餐廳店員非常友善而且親切有禮 服務真係一流點了兩個午市套餐吞拿魚他他吞拿魚他他外觀吸引很有清新感,吞拿魚粒粒配有青瓜粒軟綿口感層次豐富新鮮的田園沙律蛋碎、牛油果、菜、麵包糠、芝士碎蒜香白酒海鮮意粉西班牙墨魚、大蜆蒜香味慢慢融入在橄欖油,每條意粉都掛著蒜香味道入口非常惹味大大隻西班牙墨魚爽口阿根廷安格斯肉眼牛排安格斯肉眼質軟腍juicy,配黑松露紅酒醬汁約點了8成熟,內裡肉質嫩滑,口感不錯。薯條轉了蕃薯條伴碟有熱辣辣的蕃薯,薯條DESSERTS 榛子朱古力醬,煎香蕉可麗餅 軟熟可麗餅塗上一層又一層榛子醬中間夾了幾片香蕉片, 朱古力和香蕉餅皮厚度剛剛好,而味道唔會死甜,很好每一口都能食出層次榛子及香蕉味道Odelice!將軍澳唐賢街9號PopCorn商場1樓F23號舖
繼續閱讀
新年期間食太多中餐, 週日起身就想食西餐於是提議來呢度食,之前食過晚餐都唔錯見佢週末有brunch set, 又唔算貴同埋真係人多, 唔係早10分鐘, 應該都要等位添呀呢張係等隔離檯食完先影到個環境咋我地分別叫咗一人一份SET再加一份小食: 炸黑松露蘑菇球最初以為入面是原粒蘑菇, 原來係同黑松露一齊blend成入面好Creamy且黑松露味濃呢度落完order後, 上菜都唔會等好耐, 男友的主菜 M4+牛胸腹扒 (medium)伴薯條賣相都唔錯, 生熟度都適中, 不過男友切了一小片給我試, 咁啱就有少少韌, 唔似菲力牛扒咁稔身但牛肉味都濃我那份油封鴨腿, 是法國常見菜式因為知道一定會很稔, 我個人較懶, 又唔想食春雞有骨的食物, 所以點鴨腿就一定無錯的用刀一拮落去, 骨肉分離, 雖然是稔, 但都食到一絲絲嘅鴨肉, 而且一D都唔鞋墊底用了黑松露薯蓉, 又係勁香濃, 再加了微甜嘅紅酒汁, 都幾特別一場嚟到,想食埋甜品先走叫咗份「香蕉船」,童年回憶,不過呢個係法國變奏版有生果有雪糕又有脆皮,一次過滿足晒幾個願望兩個人share 都覺得大份不過甜品對女生嚟講,有另一個位容納的雪糕球是雲呢拿和士多啤梨味士多啤梨味那個很出色,一啲都唔假香蕉份量都多,而且是新鮮的👍🏻到離開時都仲係咁多人
繼續閱讀
最近工作繁忙,為了追趕今個月尾報數的工作,已經很久沒有約朋友吃飯了。有見今天過了一個小Deadline,特別約好朋友來一個Happy Friday,及時行樂。 Odelice!位於將軍澳Pop Corn商場,從地鐵站出發不用3分鐘便到達,十分方便。這裏的裝修簡單,感覺令人舒服。枱與枱之間距離足夠,我們一行二人共叫了兩個午市套餐互相分享。 是日餐湯(⭐⭐⭐⭐💢) 是日餐湯是南瓜湯,有淡淡的忌廉和啖啖的南瓜蓉,喝起來十分暖胃,令人停不了口。 空運黑青口(⭐⭐⭐⭐⭐) 青口一共大約有12至15隻左右,大大隻脹卜卜,配上惹味的墨西哥辣椒湯汁,令人停不了口。 除此以外,薯條也不錯,即叫即炸,上枱是熱辣辣,香脆可口。 龍蝦意粉(⭐⭐⭐⭐⭐) 焗龍蝦大隻,而且新鮮吃起來肉質結實,另外也有不同其他海鮮配料,包括海蝦和蜆肉等等,配上微微酸的普羅旺斯番茄汁醬,令人食慾大增。 法式可麗餅(⭐⭐⭐⭐💢) 最後還叫了一個可麗餅分享作甜品。可麗餅是即叫即煎,吃起來十分鬆軟,而且餅本身沒有味道的,配合蘋果茸等等不同配料,十分好吃,為這午餐劃上完美句號。 總括而言,這間餐廳食物質素高,而且地點方便。下次有機會經過PopCorn也必定會再來。 ~~~~~~~~~~~~~~~~~~~~~~~~~ Odelice! 將軍澳唐賢街9號PopCorn商場1樓F23號舖 推介菜色: 空運黑青口 / 龍蝦意粉 👍🏻地方舒適 👍🏻適合傾偈 👍🏻食物精緻
繼續閱讀
今晩去咗Popcorn商場食法國餐😍佢哋嘅2人dinner set ($528)性價比幾高,有四道菜。先係濃郁嘅餐湯Zucchini & basil soup 配上又熱又香脆嘅法包。頭盤嘅香煎帶子一啲都唔馬虎,帶子鮑甜彈牙,仲配上椰菜花蓉及西班火腿。主菜嗌咗法國油封鴨腿同埋安格斯肉眼牛扒(+$35)。估唔到鴨腿份量咁多,個鴨皮燒得好脆身,而肉質都可以保持同嫩身,再配上酒香砵酒醬汁同黑松露薯蓉,非常惹味。安格斯肉眼牛扒嫩滑,咬落去一啲韌感都無,另外仲有炸薯條,炸得金黃香脆好好味!甜品就係火焰橙酒可麗餅,店員會係你面前起火,做到火焰效果,好有氣氛!我覺得佢個橙味都幾重,未必啱每位嘅口味。仲嗌咗兩杯鮮榨果汁,真係好新鮮!Halo juice ($48)Gold Coast juice ($48)
繼續閱讀