影片
港鐵坑口站 A1 出口, 步行約4分鐘
繼續閱讀
營業時間
星期一至日
12:00 - 21:00
以上資料只供參考, 請與餐廳確認詳情
由細到大，因為自身腸胃敏感，我都不會買街邊的冷盤滷味小食，怕食完後會肚痛🙈不過最近行經一間小食店，膽粗粗買左黎試下，覺得都幾唔錯，就向各位介紹下🤗-在TKO Gateway底層的小型美食廣場，有一間小店專門售賣冷盤滷味及一些地道小食如狗仔粉、咖喱魷魚等等，價錢介乎十幾蚊至幾十蚊，都不會很貴👍🏻-1️⃣串串套餐 $30/3串這間店售賣的滷味有9款，分別是生腸、雞腎、腸花、豬肚、豬耳、紅腸、大生腸、大墨魚和大腸頭👍🏻每款看上去都很乾淨，齊齊整整擺放在凍櫃內，非常吸引☺️這次我點的是雞腎、豬耳和大墨魚🤤雞腎和豬耳很厚身，食落爽脆，很有滿足感😋大墨肉煮得不錯，肉質唔韌及彈牙，味道又夠鮮，配合埋海鮮醬和芥末醬黎食，真係無得彈👍🏻😋
繼續閱讀
🔍無諗過領展商場旗下嘅地方變得咁企理，當中坑口嘅TKO Gateway樓下嘅街市旁食街，當中有台灣小吃、港式點心、經濟實惠三餸飯、熱狗以及懷舊鹵水，無論想拮幾件醫肚，抑或是加餸返屋企食都似乎不錯選擇。☝️今日去咗亞哥鹵水到拮左串紅腸同要咗一碗咖哩陳皮魚蛋、豬皮同尤魚。紅腸一件3大舊，好厚身，我勁鐘意食甜醬，所以係停唔到口😋 咖哩陳皮魚蛋咬感好，咖哩唔辣（啱我）豬皮同尤魚都保持水準。🤞🏻佢有狗仔粉同粥，有自家製香辣菜莆，任裝唔嬲，下次再去可以一試！
繼續閱讀
今日下午係將軍澳，突然之間有啲口痕。咁就搵嘢食啦！見到一間食滷味嘅舖頭。咁見過價錢OK，咁就整村嚟食啦！個店員都好有禮貌嘅！至於食落口就都幾容易咬，唔會好似橡筋咬極都咬唔爛咁！都算入味嘅。食呢啲滷水，一定要配芥辣同甜醬啦。個芥辣就令我有少少失望嘅，真係淡咗少少。如果勁多啲啲，咁就Perfect喇！其實係呢個TKO Gateway 都有唔少好嘢食嘅。食滷味呢樣嘢，真係會不自覺得會食到好多嘅。我都只係叫左兩串，另外一串，分咗比朋友。而我個朋友嘅評價都感到非常滿意！
繼續閱讀
豬頭肉，有D人聽到已經掉頭走，但我就覺得係舊情懷，依家根本見唔到有邊處仲有得食，話說食飽飯之後經過阿哥滷水專門店俾佢賣剩嘅最後一盤豬頭肉吸引住，因為已經超過五年未食過，點都好飽住食啦，老闆有兩句可以傾下， 滷水味道唔算好濃，但有味道，爽口彈牙，加甜醬，好似搭上時光機咁，返咗去舊時果處，有機會再嚟食過。呢處應該係熟食市場嚟，中間果幾間小食，只可企定咁買，然後行埋一二邊食咗佢，我唯有好快趣咁，一件件豬頭肉放入口，大啖大啖咁咬，真係好似細個果時，又怕污糟又要食嘅感覺，正呀，一定有下次。#豬頭肉
繼續閱讀
亞哥滷味特登揸車入嚟幫襯過好多次 入面大部份嘢都好好食 絕對係用心製作 冇揸流攤 最緊要乾淨衛生 呢個時勢真係好緊要 朋友仔最愛佢哋嘅涼拌蓮藕 老實講我唔係好鍾意食蓮藕 不過食過味道係ok好食 但朋友仔次次嚟親都買兩三盒走好誇張 反而我最鍾意佢哋嘅涼拌麻辣墨魚咀 佢哋啲墨魚咀超大粒 切開咗一半都有半粒蛋黃咁大 麻辣汁好惹味 但又唔會辣到飛起 一兜入面仲有少少青瓜 呢個真係食上癮 我連汁郁飲埋🤭不過成日好快賣晒同埋唔係成日有 因為老細話佢哋唔係特登入貨墨魚咀 而係要等滷味嗰啲墨魚切出嚟先有 真係儲錢咁儲 😂😂
繼續閱讀