影片
營業時間
今日營業
06:30 - 22:30
星期一至日
06:30 - 22:30
*（Last order 2145）
以上資料只供參考, 請與餐廳確認詳情
位於太子鬧市中，位置極為便利的 "金翠餐廳"，方便返工一族或逛街人仕。餐廳由早到晚都有不同餐點，港式奶茶、菠蘿包、西多士、鐵板餐、沙嗲牛肉麵等，款式實在太多元化，讓顧客可以品嘗到最傳統的港式美食。餐廳裝修都好有心思，牆壁掛有霓虹燈的字句和圖案，以及懷舊裝飾設計，最適合打卡影相啦！海陸空 (豬扒，雞扒，串蝦) (配薯菜) $138 依個午餐跟羅宋湯/忌廉湯、牛油餐包及餐飲，羅宋湯好濃，好足料，麵包軟綿。鮮嫩嘅雞扒和豬扒毫不乾韌，外層香脆，肉質軟腍嫩滑，串蝦新鮮、爽口、彈牙，配上薯條、椰菜等配料，口感豐富，美味。歐陸扒餐 $58 有幾款肉類選擇，招牌牛扒當然唔可以錯過啦，牛扒都覺得幾厚，煎至外層香脆，肉質軟嫩有咬口，沾上蒜蓉汁更惹味，這個歐陸扒餐仲配有法蘭克福腸、煙肉、煎蛋、茄汁豆、薯餅、沙律菜、厚多士(半份)，款式多，好豐富。雙拼湯麵餐 $42呢個都係好想食嘅，有8款食物可自由配搭，雙拼麵我就揀咗沙嗲牛肉同紅腸，醬汁特濃嘅沙嗲牛肉，片片差唔多大，牛肉吸收沙嗲醬，好入味，轉配出前一丁，麵質爽滑，麻油香噴噴，而紅腸就煎得非常脆口，用嚟配湯麵又係最夾。配埋餐飲熱檸檬茶及檸檬水，口感清香，帶陣陣檸檬味，好fresh。
繼續閱讀
歐陸扒餐$58要左香草雞扒非常大塊食落勁juice ，再加左$8要左迷你羅宋湯烏冬，羅宋湯非常濃郁微甜微辣好惹味餸埋烏冬一流～餐仲跟左法蘭克福腸、煙肉、煎蛋、茄汁豆、薯餅、沙律菜、厚多士(半份)成個餐份量十足好正。沙嗲牛肉潛艇$39佈滿滿既沙嗲牛肉非常香濃濃郁既沙嗲味，牛肉夠淋，配上包包食好正。豬扒菠蘿包$38菠蘿包非常脆皮好香口，夾上juice既豬扒滿滿既千島醬想不到成件事那麼配合好正，但有生菜加蕃茄哦。懷舊西多士花生醬$40特意叫左多花生醬，因為🐰好中意食花生醬，西多士上牛油完美融化明顯即叫即炸，外脆內軟勁香口好正，加上滿滿花生醬及糖漿簡直絕配，下午茶必食呀～吉列魚柳$37+奶油豬$10吉列魚柳炸到好脆卜卜，再沾上千島醬完美。奶油豬擦左滿滿牛油煉奶，非常香脆可口又內軟好正。小食拼盤$48有什果沙律、咖喱角、麥樂雞、炸薯條、春卷、魚餅、蔗蝦。特飲全部都係+$15全部都叫左少冰 紅豆冰叫左多奶，好香煉奶味，紅豆煲到起晒沙又夠淋好正呀～ 奶茶紅豆冰非常港式奶茶香，同紅豆一齊飲別有一番風味，很棒～雜果賓治滿滿雜果色彩賓紛呀～凍檸賓好耐冇飲過了好懷念菠蘿冰勁多菠蘿，飲落比較偏甜左少少，🐰自己加番幾塊檸檬落去就剛好了
繼續閱讀
今日約咗朋友出太子，平時老細就一定會去佢嗰間童年情意結扒房食港式牛扒🤭🥩但今日比我搵到另一間，都係金字頭：金翠餐廳～估唔到有啲驚喜！！🥰👍🏻門面嘅裝飾最吸引我～「掂過碌蔗」喎～有邊個唔想呀？！🥰😍🤣新年流流好意頭呀！！尤其佢嗰度鐵閘，簡直就係兒時回憶！🥰🙏🏻咁啱打緊卡果陣老闆娘咁啱響門口整理餐牌，見我哋眼望望，就熱情招待我地入內進餐，佢介紹佢哋個晚餐餐牌每個星期都會變，今日就有和牛西冷，咁就即管試下啦！！佢話呢隻西冷係美國嘅和牛配黑椒汁，跟薯角，油份無日本嗰啲咁厚，所以唔會太油膩，而且主要係食肉味，唔會用太多鬆肉粉同調味料，仲好抵，套餐包括湯、麵包、沙律、甜品同飲品～老細鍾意食肉眼，貪佢夠淋夠肉味，呢款係1855澳洲特級肉眼配燒汁跟薯條🍟，肉質好軟熟～仲大塊過我塊面！！店內燈光比較暗，佈置裝飾主打一個懷舊情懷，每一面牆都係一個打卡點…霓虹光管…仿煤氣燈…士多鐵閘…好似返咗去細路仔嗰陣時咁！！🥰老闆話佢哋仲有美味焗飯，都好受歡迎😍所以叫多個招牌豬扒焗飯試下，食唔曬就打包，啱晒聽日帶飯！🥰🥰豬扒又係大大件，飯底當然要炒底啦，配上鮮茄炒蛋醬汁，焗完香噴噴😌鋸完扒都忍唔住要食多幾啖！🤪😜老闆話原來佢哋係響荔枝角道搬咗過嚟大半年，但係舖頭已經有11年歷史啦！所以都有好多街坊客，不過疫情呢幾年生意都好難做，希望可以捱到落去…😥😓街坊小店～小家庭經營～大家都多多幫襯啦！！保留返一個咁有香港特色嘅地方！🥰🥰🙏🏻
繼續閱讀
星期日的下午約三點堂食，全場大約半滿。裝修走懷舊香港特色風格，地方算大，座位也算寬敞好坐。點了個蘇格蘭肉眼五成熟加蒜蓉，跟餐先上餐包羅宋湯凍檸茶來得很快，餐包微暖算鬆軟，羅宋湯偏咸，凍檸茶正常茶餐廳出品。牛扒份量算大份，易切，有肉味，做到五成熟。薯條放牛扒底下肯定不會脆，但意外地好味。黑椒汁夠香夠味但鐵板好像不太夠熱，只有咋咋兩聲。食完牛扒還有小杯啫喱做甜品，不用加飯或意粉都夠飽肚，整體來說很完滿很滿足。蘇格蘭肉眼五成熟
繼續閱讀
真係好耐冇食港式茶餐廳，仲要係咁傳統！覺得而家鐵板餐更加係少見咗好多！一入到去甘脆餐廳，就見到好多特色懷舊嘅裝修啲霓虹燈牌，人流都係絡繹不絕！今日自己一個嚟食咗一個午餐，佢哋嘅是日鐵板餐有多種選擇！係非常之港式嘅鐵板餐，亦都係問你用咩醬汁，係你面前落唔落去！我今次就叫咗個羊西冷，一個套餐跟埋羅宋湯餐包同埋飲品！羊西冷就配薯菜，好淋，有兩塊！薯菜就係薯條啦要咗黑椒汁！另外羅宋湯都係算係幾必點嘅，辣辣地好好飲！另外要咗個茶走，都係好港式、奶味濃！
繼續閱讀