影片
許留山間中會推出新產品，近來流行紫薯，許留山都新推出了。紫薯牛乳價錢不平，盛惠$24杯。紫薯牛乳奶味非常香濃， 有點像鮮芋奶，相信愛牛乳飲品的人應該會喜歡。 配料除了紫薯外還有栗米，紫薯不太足夠，如果加多點紫薯，整杯飲品味道會更好。
繼續閱讀
許留山是一代經典，一款芒果撈寫下傳奇，說著香港某時代的故事。隨著分店越開越多，定價也拾級而上，現在吃一客經典「芒果撈嘢」，竟然要四十九元。芒果份量感覺比以前少，整體外觀亦較馬虎，入口，芒果仍算鮮甜，其他水果還算有點質素，底部的冰，都算保持一貫水準，質感綿軟，但味道不濃。好吃嗎？非常一般。以這個價錢，就算不哭，難道還笑得出嗎？
繼續閱讀
7月1日, 喺香港, 如果想搵連鎖式甜品店, 一定會諗起許留山, 佢地招牌式嘅芒果堆積如山~ 因為我地有張$10coupon, 所以食完飯冇幾耐行到攰就黎坐低食個甜品~::: 紅白小丸子 ::: $25紅同白分開2面, 紅嘅紅豆沙冰似係凍咗嘅紅豆沙, 而白嘅就係椰汁, 2樣撈埋感覺都幾好, 最緊要夠凍~! 加埋紅豆同小丸子2種唔同質地嘅配搭, 紅豆唔太夠淋, 不過鮮味都可以, 小丸子一貫正常貨色, 合格~::: 西瓜柚子西米撈 ::: $23呢個真係透心涼之選~! 西瓜汁底, 雪到有d沙冰feel喇已經~ 西瓜粒同柚子都好fresh, 夾著軟糯嘅西米又係另一種口感! 面頭仲有一小球椰子雪糕~ 凍食好味, 溶落西瓜度又變椰汁, 好不有趣~ 食完個人涼晒~逼就一直都係許留山嘅特色, 想坐得耐d, 舒服d就可以唔駛黎… 甜品都保持到水準, 下次還可以繼續, 如果有coupon嘅話~
繼續閱讀
其他試過的舊野唔多講，椰汁、芒果撈野水準如常穩定…無野值講，先評下新野先：許留山盛夏糖水【花 · 雪 · 海】花雪海+迷你芒果布甸$28：芒果布甸似乎淋過龍喎…但口內能嚐到清涼感覺，都幾有新鮮感架！這款糖水個名就靚啦，其實都無他的，開頭黎到仲以為熱，好在不是，一小杯裡有幾款滋潤食材：玫瑰、茉莉兩款味道、海底椰、雪耳等，內裡則是竹蔗茅根糖水，可嚐到啖啖清新花香，總說這個都是一新嘗試，有口感爽爽地所以幾有口感！甜味適中，OK~!
繼續閱讀
li 間許留山d人真係超差, 我差唔多一個星期去2﹑3次, 但係都未試過d咁差既許留山。昨晚同朋友11點幾去到li 間店, 本來想叫個多芒西米露, 個講唔正廣東話既waitress 話賣哂, 之後叫多芒神冰, 佢又話無, 無都唔緊要, 可能都就快close, 所以可能咁樣無哂, 叫我地食下咖哩, 大佬呀, 食完飯先來食下甜品, 仲食咖哩? 於是我地話唔駛, 因為已經覺得飽飽地, 但係話waitress 仲話食咖哩唔會飽, 真係俾佢激死, 食野唔係應該自己食咩就叫咩架咩? 之後叫左個鮮果撈。食食下, 果個waitress 無啦啦攞左我地張單去話依家要埋單, 因為佢地要埋數, 我同朋友都有少少唔開心, 因為覺得剛坐左5分鐘就唔夠, 好似趕我地走咁, 佢之後走過來話"56蚊呀", 首先唔該都無聲已經唔係好岩, d服務態度好差, 不過算啦, 我地都唔計, 本身我朋友打算請我食, 所以俾左60蚊佢, 但係佢因為攞左60蚊而離開, 見到我將28蚊放係台度俾朋友, 佢仲攞埋果28蚊, 真係唔知佢咩事, 我朋友即刻話俾左錢佢架啦, 你唔駛理果度d 錢, 點知佢仲博咀話"我想找10蚊俾你麻", 但係我地都覺得個waitress 無問我地想唔想要10蚊就搞我地d野好唔岩, 我地當時好嬲, 好大聲話有無搞錯, 我真係覺得佢做既方法好唔make sense, 而且最後佢都係找左2個5蚊俾我地, 大佬呀, 找10蚊話唔係應該1張10蚊紙or 10蚊銀咩? 當時我地真係好嬲, 話d 服務好差, 果個waitress 亦立即發脾氣, 俾說話我地聽, 我當然都有出聲啦, 睇見張台寫左100%的滿意誠意, 真係覺得好irony! 個waitress 仲話我地搞到佢連抹台都無心情抹, 我地真係覺得好嬲, 依家邊個搞件事出來呀! 我地繼續係度話d服務差, 之後個manager 走過來講對唔住, 話佢無心搞到我地唔開心, 我覺得依家唔係manager 做錯野, 做錯野果個無歉意, 都唔知點做服務性行業架!我真係未去過d咁差既許留山, 食果幾10蚊野都要受氣, 我覺得你不如唔好俾服務我, self service 仲好啦, 而且我明天會打去hotline 投訴, 雖然唔知有無用, 不過我都想話俾其他人知道li 間許留山係咁差架!趕收工就唔好做生意啦, 仲有, 我懷疑佢地自己收起d野自己食, 因為另外有張台話吃小丸子, 入面廚房話無, 過左一耐, 個waitress 俾說話我地聽既時候, 入面廚房問佢食唔食小丸子, 所以我先覺得佢地留起d野自己食。
繼續閱讀