11
3
0
營業時間
今日營業
12:00 - 23:30
星期一至日
12:00 - 23:30
以上資料只供參考, 請與餐廳確認詳情
食家推介
電話嗌外賣嗌足三次都錯，個阿姐係咪唔識聽廣東話，重要同我講今次唔會錯㗎啦，真係_佢都廢事，嗌我返去換，我都走咗好遠，lunch得一個鐘，點換？個案1：雞絲涼皮變涼麵熱撈薯粉變冷撈個案2：韮菜抄手變小雲吞個案3：雞絲撈薯粉唔比雞絲
繼續閱讀
幫襯左好多年佢地個小雲吞同涼拌小食（泡椒雞腳，醋雲耳、土豆絲，麻辣雞翼）雖然staff態度真係一般，但野食真心好食架！大肚前我會買佢地個水煮魚，三十幾蚊但份量唔少，所以性價比都幾高。今次買左涼拌青瓜，因為走辣關係，雖然有麻香覺得偏酸左少少🤏 但爽口程度比起拍到碎晒既真煲冇得輸。我好耐之前食過肥腸，即叫即炒都好滋味。可能遲下都會食少少走辣肥腸，因為我大肚都忍口忍左好耐了下次叫埋涼拌萵筍應該可以抵消返d油膩感吧
繼續閱讀
呢間小店係買啲簡單嘅麵食，同埋一啲川味小食，夜麻麻行到攰冇乜選擇，都可以嚟依度買碗小雲吞麵/米線食味道唔算差，呢個價錢呢個質素都叫做合理嘅。環境就唔好有期望啦，喺條馬路隔離。服務呢，當然都唔好期望有啦，兩位小店店員，做到頭頂出晒煙咁，講嘢又細聲，啲人聽唔到，就會燥底咁回應🙈 我心諗，其實做小店都係為興趣為兩餐，如果真係做得咁唔開心，其實會唔會諗吓其他途徑賺錢呢… 不過又咁講，可能佢哋都冇得揀天氣真係勁熱，可能買外賣返屋企食會舒服啲。
繼續閱讀
行開太子，順便買碗撈薯粉返屋企食，行到去鋪頭有2位阿姐做緊嘢，我等其中一位姐姐有空時，我叫一碗撈薯粉外賣，點知冇人理，我再叫多次，個男人頭女人粗聲粗氣黑口黑面地問我要乜，我講左要薯粉後，好冇禮貌咁問我仲有冇其他嘢要！我話冇，跟住佢好晦氣地收錢，我比完比錢後有種感覺自己好似欠左佢地甘。都唔明點解可以服務態度十分非常惡劣，西灣河果間啲人好有禮貌！我以後唔會再幫襯呢間分店！🤬🤬🤬🤬🤬🤬🤬🤬
繼續閱讀
這天外出過後，已是午飯時間，在買外賣回家吃與在外堂食兩個選擇中，最後還是決定買外賣回家吃，而幫襯的，是這間只得外賣，沒有堂食的川菜小店。這店地方雖細，卻有不少東西可吃，無論各式涼拌麵食、特式湯麵、以至招牌小食雲吞都有，選擇都幾多。這兒的即包手工雲吞既是店家重點推介之一，那便試試它吧！在大（$32/20隻小雲吞）、小（$22/12隻小雲吞）兩者中點了小的韭菜肉餡，再在五款湯底中揀了最基本的豬骨湯，並以米線（另加 $15）作為主食，就是這天我的外賣午餐。這「豬骨湯底韭菜肉餡小雲吞米線」份量不少，都幾大碗，湯味及格，味道適中不過鹹，十二隻小雲吞看似不多，但一隻接著一隻吃進肚子裡，可也不會覺得太少，小小的一口雲吞肉餡味道不錯，有韭菜作為餡料更能添香。這才四十元不到的外賣午餐，飽肚又有特色，都算可以呢！
繼續閱讀