影片
付款方式
以上資料只供參考, 請與餐廳確認詳情
食物已製作好。已付款，支付寶及信用卡有扣數紀錄。在場等待超過10分鐘等阿姐確認收款，在等待期間，阿姐態度惡劣。最後阿姐堅稱收不到並拒絕給貨。非常失望，不會再光顧 。
繼續閱讀
叫左個涼面走芫荽，個阿姐仲落芫荽比我！叫佢換返一個無芫荽既面比我，仲話係佢個撈面兜本身有芫荽。嘩大佬，成碗面都芫荽點食呀佢整個碗野唔止一兩條芫荽癡係到喎！係勁多勁多個阿姐仲叫我唔鐘意咪返屋企自已煮第一次比錢幫襯咁樣比人串法成個老闆娘上身咁咁我同佢講唔緊要既，你個兜咁污糟我咪叫食環黎睇下囉個阿姐聽完咁先嬲爆爆咁幫我重整永遠唔會再幫襯呢間野，太子居民應該要低制佢我特登打夠200字去比差評你呢位姐姐犀利。
繼續閱讀
只做外賣嘅四川小食店～每次經過都得依位阿姨叫咗碗酸辣粉～冇加其他餸～因為之前經過見佢倒瀉餸照執返入個大白色玻璃碗～感覺涼拌嘅餸唔太衛生～酸辣粉穩陣～即叫即煮～可能阿姨唔滿意～全程黑面～十問九唔應～話唔好咁辣又唔應酸辣粉份量都多有大半碗～叫阿姨薯粉煮軟D都係唔應～結果薯粉好硬～有：脆花生粒、炸黃豆、芫荽碎、辣菜脯粒～不過好多油係面～食就預咗一定有味精～所以都係口渴 阿姨行為咁趕客～想生意好都難啦～唔講禮貌問題～其實酸辣粉湯底味道唔錯
繼續閱讀
第一次嬲到要登記帳戶寫食評，平時見好多人幫襯諗住應該唔錯啦，點知成碗野得兩樣可以食到入口。我點咗麻辣燙，包括蓮藕、豆腐串、枝竹、貢丸、墨魚丸、肥牛，除咗蓮藕同枝竹因為新鮮即燙可以食到入口之外，肥牛又老又鞋，豆腐串浸到變腐皮，墨魚丸同貢丸變咗兩串墨黑色發漲霉魚蛋，係墨黑色，唔知響佢煲湯浸咗幾耐先可以有呢個咁震撼既效果。我都唔講阿姐起初執錯料，態度又差既劣行。或者呢間既小食唔錯，但奉勸千祈千祈唔好叫麻辣燙，特別係浸響佢煲湯入面果啲食物
繼續閱讀
啲野食已經唔係好食，啲呀姐態度真係西到暈，串過碼頭咕喱，問親可唔可以個答案都一定係『唔可以』，今次冇叫涼伴，叫麻辣燙，問你可唔可以比幾粒風味豆試下，因為上次叫涼伴冇要到，而家想試下睇下好唔好食，即刻好似攞佢條命咁，西聲西面咁講『麻辣燙係冇架喎，有既會比你架啦！』🙄我咪就係知冇所以先問可唔可以比囉，如果本身有，我就會叫你比多啲定少啲啦！你哋咁唔識靈活處理，個個呀姐老細上身咁，唔再改下啲態度，成個太子居民都會抵制你地，等執粒啦～拜拜
繼續閱讀