影片
營業時間
今日營業
11:00 - 21:00
星期一至日
11:00 - 21:00
以上資料只供參考, 請與餐廳確認詳情
呢度嘅甜食係比較出名，下午茶價錢都唔係太平，用誠品會員有九折，果茶個杯都幾搞笑，有個波頂住造型得意！下午茶都要$100 ，蛋糕甜品加埋一，其實都過100 ，所以一啲都唔抵！同埋員工服務都一般般！我個人唔係好鍾意食蛋糕，呢度嘅果茶都比較貴，如果單叫我覺得唔係好化算，不過如果行開shopping就腳，呢到確係一個其中一個選擇，但係其實太古城3樓有好多餐廳比這裏更好！ 3樓的甜品店有很多，我在這裏附近住，我不推薦這間。因為座位不太好坐！座位太窄！
繼續閱讀
今日同事帶我去咗呢一間餐廳食lunch，原來喺誠品裏面，環境好優雅座位好寬敞，特別係卡位坐得好舒服，旺中帶靜，好適合傾下偈。至於食物方面，午餐嘅選擇都多，味道同埋份量都ok，價錢亦合理，特別係佢哋用嘅餐具都好靚，所以有啲喜出望外！講到服務，雖然人手吾多，但係服務態度吾錯，回應都好快見到服務員同人客好多交流，都有好多熟客！總括而言，呢間餐廳畀我嘅印象好好，食物又好，服務又好，所以我下次一定會再同朋友嚟順帶一提，午餐係可以book，唔使排隊等，又加分！
繼續閱讀
伏中之伏@ pick coffee今次呢到呢間Cafe 打算飲杯咖啡食件蛋糕就走人，點知落單之後食物勁耐都唔黎，仲要問左完之後等左20分鐘先到，明明其他人食正餐都唔駛等咁耐，呢一點係有奇怪。☕️講左杯咖啡先， 非常普通，完全冇特別，但係奇怪嘅位就係奶泡極多，反而有啲似泡沫咖啡。🍨旁邊係tiramisu,個樣好唔錯咖，一食落口就知出事， 質地有啲似吉士 ，冇cream cheese嘅味道，同樣內裏嘅咖啡手指餅 完全冇咖啡浸住，得啲朱古力醬喺個底，手指餅乾到脆口，呢一刻有d 懷疑人生，我都好耐冇食過咁難食嘅tiramisu，最後我做左浪費者，完成唔到呢個項目， 阿彌陀佛，無論如何點食都覺得似係一堆加咗好多魚膠粉嘅吉士醬或者忌廉醬。🍰件cheese cake 已經係最正常，不過都唔係叫好食，只係有比較之下都可以完成嘅項目。P.S: 如果只係想搵地方坐下都唔錯，地方大，如果想填肚都唔好諗，佢都唔會係平價之選。始終鹹嘢我未食過 ，唔知質素，歡迎曾經試食者留言！推介指數: 3.2/5人均消費： $150
繼續閱讀