影片
港鐵奧運站 C1 出口, 步行約7分鐘
繼續閱讀
電話號碼
51782459
營業時間
星期一
全日休息
星期二至日
12:00 - 14:30
18:00 - 21:30
以上資料只供參考, 請與餐廳確認詳情
食家推介
呢間新嘅主打台式便當嘅小店長期都大排長龍，雖然鋪仔細細有啲逼，但係嘢食真係好有誠意，便當入面有一塊勁大塊嘅豬扒，豬扒炸完再沉入滷汁，所以食起嚟香口得嚟都好惹味，而且佢仲配上咗幾款配菜，非常豐富同飽肚！不過如果佢可以好似台式火車便當咁將飯同配菜分開，就唔會整到啲飯太濕啦。This new small restaurant specializes in Taiwanese bento. The braised ribs bento came with a huge pork chop and 5 different side dishes. Overall, the food is extremely hearty and home-like!
繼續閱讀
原本想避開人龍，大約2pm來外賣，人算不如天算，想點的食物無論是滷排骨便當、鹽酥脆雞便當、排骨便當，全部售罄！最後搶了一個古早味手工滷肉便當，加配鳳梨冬瓜茶。外賣有折扣，$58。外賣便當精緻，餸菜鋪滿食盒！滷肉佔了一半，調味適中，不會過鹹，滷肉汁亦不會浸透飯粒。配菜有紹菜、粉絲、滷豆腐、三杯數雞、麻辣菜脯。這個菜脯超好食，爽脆、微辣，絕對喧賓奪主，比滷肉更味美！鳳梨冬瓜茶清甜 消暑解熱，夏天飲一絕！會encore 的
繼續閱讀
鹵香焢肉便當($64)呢個飯不得了, 控肉其實係肥豬肉, 一層厚厚既肥膏配搭住薄薄既瘦肉,口感同味道係一流, 啖啖肉同肥膏, 每舊都勁大舊😱 鹵得超入味, 另外加左$5鹵肉, 簡直全部都係肉🤤 肉既份量仲多過啲飯🍚 另外仲有一舊鹵豆腐乾, 少量椰菜, 鹵豆腐粒, 粉絲同埋酸菜🥬 成個飯好豐富, 我好似未食過咁多料既便當🍱鹽酥脆雞便當($56)呢個飯就相對比較冇咁好食, 鹽酥雞每舊都大大舊, 不過就炸得偏硬身, 而且炸粉有啲過多🤔 不過味道唔錯, 唔會過份濃味👍🏽 其他配料都係同上面果個飯一樣, 不過呢個就冇加到鹵肉, 但係一樣食到飽一飽🤰🏾那個鹵排骨便當($62)呢個飯既肉量簡直係驚人, 成塊肉遮蓋曬下面啲配料同飯, 啱曬食肉獸😂 雖然佢係大塊, 但係都保持到應有既肉汁同埋調味調得十分好👍🏽 呢個飯都同前兩個既配料都一樣, 而且都有加鹵肉🐷 雖然個鹵肉只係加$5, 但係份量都好多而且肉粒都大大粒而且半肥瘦, 個汁超好味🤤 成個飯真係食到飽到一個形容唔到既地步, 但係咁好食又唔忍心嘥左佢, 最後都堅持食曬😂跟餐叫左杯蜜柚古早紅茶(+6)呢個茶味道好特別, 酸酸甜甜幾開胃, 好適合而家呢啲天氣飲🤓 呢杯飲品可以揀甜度同溫度, 我就揀左常溫同走甜, 不過由於飲味本身有佢一定既甜度, 所以我叫店主盡量幫我整到最唔甜😋仲有另一杯南投炭焙烏龍奶茶🥤(+5) 呢個都好好飲, 有淡淡既炭培味, 飲落唔會過分甜, 幾有驚喜😚總括嚟講, 我覺得呢間野多人幫襯係有佢既原因, 因為CP值真係超高, 味道完全係💯 份量更加唔洗講, 連男仔食一個便當應該都會夠飽😂 配料多真係好難得, 係一間好用心既餐廳🍴係51黃金週期間, 外賣有9折優惠, 大家快去試下啦😋
繼續閱讀
呢間小店，自開業已經好好生意，最近因為疫情關係，全面做外賣，不設堂食，所以終於有機會可以去買嚟試下。 其實夏天食便當真係好適合，外賣到返去就算凍咗都唔怕 ，因為台灣嘅便當本來就係暖暖哋咁樣食， 又唔怕食到汗流接背。佢哋嘅便當全部都係會有五款嘅配菜，包括 炒粉絲 滷水雞髀菇 酸菜 椰菜同埋鹵水豆乾， 每一款嘅配菜都獨當一面 ，就算淨係食佢哋都唔會覺得寡。 鹵水雞翼滷肉便當 ，鹵水雞翼雖然唔滑，但係配埋油脂香滑嘅滷肉 一齊食可以彌補。 另外一款就係鹵水牛展佢哋嘅滷水非常入味牛展軟滑爽口， 同埋非常大舊 鹵水香料濃郁之餘偏甜，係典型台式風味。 每個便當仲跟埋一杯凍飲， 大大杯嘅台式奶茶飲完係飽到上心口 平時出街買一杯台式奶茶已經要20蚊。 所以我真係覺得呢度嘅便當好抵食💛💛要多多支持。有一樣嘢要提下大家，就係因為樓面人手少，， 出品比較慢，所以大家如果去買嘅話，不妨先用電話落單，咁樣可以節省時間💛
繼續閱讀
呢間主打台式便當🍱，舖頭名後面嘅台語發音其實就係代表「那個」😂 那個那個😙舖頭唔多位大約容納到10個人，所以人龍都幾長～ 啱啱經過佢因疫情影響佢直頭轉做只限外賣😞 好想快d可以再食😭/🍱 香酥炸雞沙拉便當 $62每款便當可以揀沙拉又或者家常菜～ 強烈推薦家常菜😍 嗰日嘅家常菜有辣菜脯(超好食!!!!)、炒粟米同炒椰菜(呢個都超好吃) 😚 椰菜爽脆😌 火，炸雞都鬆脆！雞>飯😝/🍱 迷你滷肉便當配彈彈黑白丸湯 $60有一小嚿滷肉，都炆到入晒味，好香😌 黑白丸湯就冇乜特別，我一向都不太好台灣嘅丸湯😂 /🥤 鳳梨古早味紅茶 $7 (跟餐價)呢款比較少係出面飲到，而佢鳳梨味又出乎地夾紅茶☕️ 叫咗少甜而佢都真係做到😌/欣賞舖頭講明「不飽可以加飯，吃不完可多帶」，不浪費好緊要呀😗食完會想返轉頭再吃的店！
繼續閱讀