影片
以上資料只供參考, 請與餐廳確認詳情
相關文章
週末，又係同小朋友去迪士尼玩既時間了。玩到咁上下，又到放飯時間。這一天，我們就一早指定了要食園內一間大家都未食過既餐廳。以園內既所謂平價，供應快餐的食店來列，只有這《皇室宴會廳》 (Royal Banquet Hall) 我們一家仍未去開發。那天，一行五人玩到5點左右，決定來這兒，食埋個 early dinner 先返屋企。迪士尼的眾餐廳，都有一個餐牌放在外。餐廳有甚麼選擇，價錢是甚麼，都一目了然。而這一間《皇室宴會廳》就有兩個不同的素食餐選擇，對素食朋友來說，絕對是開心。如不說素食，這是有烤雞，有雜扒，仲有一個有鮑魚既餐，選擇的確比園內其他的快餐店餐廳豐富。看好餐牌，找到座位，想好了食乜之後，就要去不同的 service counter 落 order，攞野食同俾錢了。去到攞食物既地方，成個感覺立即童話起來。因為，在 food hall 的中央，就是美女 Belle 與野獸 Prince Adam) 跳舞既地方。可惜我們在現實的世界，不然，我們有可能被視為城堡的上賓，燭台先生為我們演唱 "Be Our Guest"。首先，要說一說此餐廳提供的其中一款中式餐，鮑魚雞肉海鮮炒飯。沒花假，也沒有違反商品說明條例。因為碟飯真係有原隻鮑魚架。而其他的雞肉同海鮮，就係淋上去既。可以說是一個中式既蓋飯。味道，一般般啦。素菜長通粉配蕃茄汁，是一個簡單的汁煮通心粉。因為用上了蕃茄肉汁去煮，味道酸酸甜甜的，感覺OK! 但，阿女說，這好似學校午既野食。另一個素食選擇是焗米奇雜菜著餅。配上沙律的套餐，感覺很是健康。當日，配上了水牛芝士，頓時令到這一個沒有任何醬汁的素食餐的味道美起來。不過，因為真係好少汁，好少醬，成份餐係好乾的。尊貴雜扒套餐，是一個鐵版雜扒餐。其實，我覺得這個餐用普通碟上更好。因為個鐵板根本就唔熱。雖然肉夠熱夠香，薯條又脆，但淋上 gravy 汁就沒有了港式鐵板餐那渣渣聲同熱辣辣既感覺。美中不足既不足比美大了一點點。一般啦。這一間《皇室宴會廳》除了因為是 Beauty and the Beast 主題而令來賓多了一點開心之外，我感覺唔到這兒的食物出品有多突出。總結，係迪士尼樂園，都係食返漢堡包算。
繼續閱讀
都好多年無入過嚟迪士尼，一來我唔喺迪士尼控，二來樂園入場費都確喺幾貴。老實講，今次喺作為義工身份入嚟，可以講話喺做啲扶老攜幼，帶吓路，幫大家影吓相、拍吓短片。差唔多到午飯時間，就揀咗響旋轉木馬對面嘅「皇室宴會廳」食晏，諗住價位相宜少少。咪睇個名好似好勁，乜乜宴會廳，其實定位喺個美食廣場。用餐區分室外同室內，不過，唔知點解今日超多人（非假期嘅閒日），就連入餐廳都要排隊，不過，排隊唔喺安排入座，佢只喺控制人流，入到去都要自己搵位，無人招呼。周圍都喺人，最後就搵到戶外一角落嘅枱，靜侷少少。正如上述所講，呢度喺以美食廣場形式營運，不過，就喺先去各分區攞咗食物後，再到收銀櫃枱俾錢。一入到各食物分區你會見到喺分開幾條隊，視乎你想食邊一大類嘅食物。好似我哋咁，一個食薄餅，一個食炒飯，因為喺兩個唔同嘅大類，所以喺要分開兩條隊攞。如果你人多可以分兩邊排，如果得你一個負責買嘢，就要排兩次，好唔方便。晌一排收銀枱附近，擺放咗好多個凍櫃，放置好多飲品，又喺隨意揀，到時一次過俾錢。而食物嘅選擇真係喺唔算多，喺門口排隊時候見到個餐牌，一眼睇曬，不過，入到食物區，又多咗一區和食。入得嚟食嘢都知貴，就算只喺個碟頭餐百零蚊都走唔甩。意式肉腸薄餅套餐 $140個薄餅有直徑八吋大，一個人嚟講好夠份量，所謂套餐就即喺加多杯汽水，原先對呢類美食廣場式嘅食物都唔抱太大期望，不過，成品又真喺有少少驚喜喎，首先就賣相似模似樣，其次，非常多餡料。由於夠客源，所以，喺人等食物，個批算喺新鮮出爐，入口熱焫焫，批身幾軟熟，有麵粉嘅香氣，加上鹹香嘅餡料，濃郁嘅芝士，食得滋味。汽水喺「百事」可樂唔喺問題，不過，似擺咗好耐，走晒汽就喺問題。鮑魚海鮮雞肉炒飯套餐 $165老婆就揀咗個炒飯，不過，出嚟嘅製成品同我哋心目中預期嘅有啲出入，唔喺揚州炒飯嘅一類，而喺類似鴛鴦炒飯嗰種，炒飯底跟住上面淋上好多芡汁嘅餸料。其實味道上喺唔錯嘅，個炒飯都夠乾身，仲堅有兩隻鮑魚仔，不過有相你睇，現實真喺太多芡汁，正正我老婆就唔鍾意多芡汁嘅碟頭飯。本來都想坐晌室內，因為天氣都有啲凍，但今日實在好多人，結果就坐咗外邊，似乎人手不足，唔喺好夠人收拾，整體服務一般般！
繼續閱讀
I came for an early lunch as I skipped breakfast that day thus there was no queue.I saw how the egg yolk was cutely made into a Mickey shape and decided to try the ramen. The egg really looked too cute to eat.Considering this is Disney, the price was definitely a bit expensive around 130 after Magic Access discount. However, since most Ramen these days cost almost 100, I would say it is acceptable, especially since there was quite a lot of noodles and even I felt full.
繼續閱讀
買左午連晚套餐，所以都係有限嘅餐廳選左這間，lunch食完這間，點晚餐又係度食？睇完個下午巡遊表演，唔想行，再周圍再找餐廳，經過這間餐廳，唔使排隊有位，所以就即刻走左入黎。怕再周圍走，越遲越多人，所以就照係度食今次叫左Pizza,味道不過不失，但我覺得PDH，Pizzahut好食d。之後叫左個兒童餐，個餐無咩特別，個曲奇唔脆，腍腍地，但還可以，但個低脂芝士蛋糕就特別難食。另外叫左一籠叉燒包，個猪樣好可愛，味道都好味，似酒樓味道，值得推介。
繼續閱讀
今日又嚟迪士尼樂園玩農曆新年嘢🎋午餐嚟皇室宴會廳原本係想食佢個新春菜式嘅，不過見盆菜賣相一般般，個人本身又唔多鍾意食盆菜，就改咗去旁邊和風部食壽司盛盒🍣🍱和風部有三款成人餐，兩款拉麵一款壽司。我今次就試咗米奇壽司及雜錦壽司套餐。套餐有綠茶冷麵🍜、壽司🍣、飯團🍙，西瓜🍉同一支支裝飲品🥤壽司🍣好好味🤤，三文魚刺身質素喜出望外👍🏻飛魚籽飯團🍙入面有啲吞拿魚，味道都唔錯👍🏻個綠茶冷麵就麻麻啦，麵太軟又雪得太耐，味道加咗冷麵汁都唔好👎🏻西瓜🍉就都唔錯，都甜嘅😋用餐位置今次我就去咗收銀處後面嘅室外用餐區。我都係今日先知有呢個位，原本以為室外用餐區係得正門嗰度。呢個位置好唔錯👍🏻寧靜啲，景觀都唔差價錢方面，呢個套餐就$140，我有迪士尼金卡有82折後$115。呢個套餐份量唔算太多，但整體味道唔錯，所以性價比都算高嘅😁
繼續閱讀
您可能會有興趣的...