影片
付款方式
其他資料
加一服務費
以上資料只供參考, 請與餐廳確認詳情
今晚黎到土瓜灣做野要搵食，附近見到呢間餐廳記得以前係大埔做野都食過，咁多年無食又回味下，餐廳樓地好高，座位好闊落，坐得都幾舒服😌餐廳提供全日特惠餐，午市同晚市價錢相差不大，我食既係晚市套餐，包餐湯，是日餐湯係南瓜湯，味道都唔錯🫕辣肉腸鰻魚蜆肉明太子蛋炒飯 （$92）睇個名就知道配料好豐富，我鍾意食炒飯，但都好少有咁多配料既炒飯，有辣肉腸，蜆肉，明太子，火腿，鰻魚和蛋，食落層次豐富，米飯應該係用日本珍珠米，煙煙韌韌，幾好食㗎😆原隻軟殼蟹伴鮮茄燴意粉 （$82）軟殼蟹大大隻，上菜嘅時候熱辣辣，相信係即刻炸嘅，食落脆卜卜又新鮮，鮮茄燴意粉，酸酸甜甜夠開胃，配搭軟殼蟹，唔會覺得成個餸乾爭爭🦀套餐可以半價轉特飲焦糖脆脆熱鮮奶咖啡 （$37）焦糖脆脆溶入鮮奶咖啡，啖啖焦糖味，唔使再加糖都夠甜☕️紅棗杞子圓肉茶 （$39）材料好足，清甜可口又夠養生🫖呢間餐廳食個快既又有我食既特惠餐，想食好d仲有扒鋸，夠曬多功能既餐廳😆
繼續閱讀
直到現時，有兩間餐廳從未幫襯過係人生一大遺憾，一間係頂頂大名嘅馬料水雍雅山房，已再無機會原址幫襯，大家都知原址已變成私樓.另一間係諾士佛台 Munch!一講哩間餐廳，充滿感動! 一路食一直好忐忑!話說千禧年代香港只有兩位御廚，其中一位係 Kent Yip，創立 Munch 餐廳，不但自己攞到藍帶，獲獎無數，連帶佢嘅學徒亦都做出得獎菜式! 雖然有如此超高成就但為人包容又敦厚，臉上常掛親切笑容，相比起依家小小成就卻巴巴閉閉高資態嘅所謂廚師，Kent Yip 愛低調作風卻令小弟更敬重欣賞，可惜英年早逝，小弟亦有幸於他在生之年跟他學點皮毛，但一直無緣幫襯佢間餐廳，之後諾士佛台亦轉為其他餐廳，就再無機會幫襯.遺憾到依家!早兩日揸車經過，竟然係家住嘅土瓜灣區見到哩間叫 Munch Now 嘅餐廳，餐廳裝修風格似當年 Munch，唔知係咪兩間餐廳有關連，打電話去問接聽嘅妹妹都唔清楚，於是當晚就衝落去打聽一下.打開份 Menu 好多心水食品，女友小熊見意點一份二人 Set，頭盤煙肉蘑菇芝士焗蠔，法式煎紐西蘭羊扒，鮮蝦牛油雜菇軟蓋蟹配油酥餅，黑椒離菇牛柳絲炒天使麵，女友小熊點百香果檸檬茶，我當然點大愛嘅沙冰，一杯曲奇朱古力沙冰.其中兩款菜式最難忘，一款係羊扒，羊扒點咗七成熟，肉質無浸血水，口感超鬆軟，係我食過最鬆軟嘅羊扒，口感同A5和牛有得比，而且無咩騷味，啱哂D怕羊騷味人士.另外曲奇朱古力沙冰完全無一粒粒冰粒嘅口感，一小粒都無，沙冰打碎至幼滑，而且味道濃郁，亦都係飲過最幼滑嘅沙冰.一問之下先知道原來同諾士佛台係同一集團，同餐廳負責人緬懷過去一翻，我自己感慨萬千.見到隔離枱點咗份 Pizza，女友小熊話 Pizza 外相好吸引，見到已經流口水，哩句說話又再勾起回憶當年御廚教我地做 pizza 餅底嘅重點，眼紅鼻酸！
繼續閱讀
全日特惠餐(包餐湯，飲品另外加錢)：餐湯是忌廉湯，內有蟹柳、粟米粒、洋蔥等，入口creamy有口感。❤️蒜香牛油虎蝦伴白汁忌廉闊條麵虎蝦好大隻，啖啖肉，肉質實淨鮮甜～😋闊條麵加咗忌廉十分creamy～麵裏還有洋蔥碎和蘑菇片，更添口感和香口。超人氣推介選2款配飯或意粉(包餐湯，飲品另外加錢)。❤️揀左「龍脷魚」和「紐西蘭牛扒」配天使麵有南瓜、翠玉瓜和茄子等配菜。南瓜好甜、翠玉瓜清甜。龍脷柳加咗海鹽已經好夠味👍🏻。牛扒有少少肥膏，入口牛味香濃。朋友嗌左「雪糕咖啡」，我就嗌左「茉莉胎菊玫瑰花茶」。見朋友杯「雪糕咖啡」好吸引😻，忍唔住試番幾啖🙊，爭d停唔到口🙈。雲尼拿雪糕配咖啡真係超夾！因為咖啡☕嘅香味唔會被雪糕嘅味蓋過～️👍🏻我壺「茉莉胎菊玫瑰花茶」都不遜色。有茉莉、胎菊和玫瑰三款花，入口甜甜地，花香盈腔～飲完心情好放鬆～🥰
繼續閱讀
🍊 餐廳名稱：Munch Now (土瓜灣)🐝 味道：7.5/10環境：7/10整體分數：7/10💰人均：$100+———————————————————今次係土瓜灣覓食，發現真係好多唔同種類嘅餐廳都有。經過見到呢間樓底高高，環境裝修都不錯嘅西餐廳，突然有種好懷念以前食西餐廳嘅感覺，因為係有別於依家嘅cafe，食物種類會多好多，所以就入咗去啦。香辣蒜片蟹肉明太子雜菌天使麵 💰89蟹肉食得出係新鮮的，成個麵辣辣地，仲有啲蒜味，好惹味。香煎雞扒伴蒲燒鰻魚配飯 💰88食西餐廳就係要食呢一種西式碟飯！雞扒配鰻魚呢個組合新穎，同埋隔離嘅配菜都好有誠意，係燒過的！餐包💰+8
繼續閱讀
我今日放工後，順道約同好友去位於土瓜灣炮仗街93號善築地舖的 Munch Now 食西式晚餐，環境舒適開揚，坐得舒服。我點左個L9的豐盛什扒（紐西蘭牛扒、豬肉眼及雞扒）配薯條$115，好友點左個L6的香草鮮茄燴牛尾配意粉$109；餐飲係熱百香果檸檬茶$18（跟餐），熱拿鐵咖啡$18（跟餐）。紐西蘭牛扒煎得外脆肉嫩，肉質鮮嫩牛味濃，豬肉眼扒好香口，雞扒肉嫩滑，粗切薯條好味；牛尾燴得軟腍有咬囗，熱百香果檸檬茶好香味。
繼續閱讀
您可能會有興趣的...