影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
一直係米線關注組同social media foodie介紹中都見過呢間米線覺得幾吸引，終於有機會離開土瓜灣就去咗試，質素果然唔差都幾好食，去開土瓜灣絕對推介，但未至於會跨區特登去食。小鍋米線小辣+麻辣腩肉+木耳絲小鍋湯底已經少辣，再加埋麻辣腩肉，我覺得好辣🙈 食到流晒鼻水，所以下次一係腩肉唔好嗌辣，一係湯底唔好辣，除非平時叫開中辣🤣🤣 腩肉同木耳絲都唔差，腩肉唔肥，但有少少韌，不過整體嚟講係好味嘅。酸辣小辣+豬軟骨+墨魚頭呢碗湯底小辣，但餸無辣，辣度就啱啱好。豬軟骨啲軟骨炆得好腍，啫喱狀，又入味，墨魚頭就正常。土豆絲及涼拌牛脷調味唔錯，十分惹味，而且溫度控制得好，唔會太凍，又唔係室溫咁暖，兩樣都好味。
繼續閱讀
平時食得太多連鎖米線，間唔中想轉下口味，見到好多人都推介呢間隱世米線小店，於是就特登入去土瓜灣試下啦～麻辣皇💰HK$66呢碗係呢到嘅招牌麻辣米線，麻辣湯底味道偏甜，配料好豐富，麻辣腩肉唔係好多肥膏果隻、麻辣雞同炸醬食落都好入味，米線軟硬度亦可以自己選擇，份量超多～小鍋米線加腩肉魚皮餃💰HK$49最推薦呢個小鍋米線嘅湯底，係一個唔辣而又好清甜嘅湯底，呢個湯更加突顯出鮮豬肉碎嘅清甜味～藤椒米線💰HK$38藤椒湯底幾特別，米線轉咗生菜底，配料淨係加咗鮮肉碎～炸醬炸雞翼💰HK$30見唔到炸醬，有少少似平時嘅孜然粉雞翼～蒜泥白肉💰HK$38肉質比較韌，略嫌唔係好夠味，淨係得啲辣油味，如果啲肉有輕輕調下味會比較好～
繼續閱讀
QR Code落單，頭兩次都話無貨品提供，落唔到單，之後搵姐姐幫手，佢望住我用個網落多次單，張單load咗成分鐘都未load到，個姐姐都唔肯幫手，要個客等；埋單俾錢，個姐姐仲要鬧人啲錢唔靚，死都唔肯找散紙，勁無禮貌，浪費個客時間，真係俾錢買難受！唔會再幫襯！
繼續閱讀
呢間米線店相信以前係土瓜灣區讀過書嘅同學仔都一定識🫡今日下午茶時段咁岩經過就入黎重拾回憶🤫今次叫左個辣腩肉酸辣小鍋米線🍜辣腩肉依然好入味🙌🏻如果想食肥d嘅建議要叫五花腩😎同埋建議如果大家唔太食得辣個湯底要叫唔辣🫢至於佢個酸辣湯底會係辣多過酸我個人都幾鐘意🤩而下午茶時段會送杯豆漿比你解辣都幾好😋同埋呢個時間黎冇咩人唔洗同人搭枱👍🏻不過主要黎都係食番個回憶😂大家經過都可以一試☺️但唔洗特登搭車黎食😂
繼續閱讀
原本見好多好評講到話係隱世米線小店抱住勁大期待突登搭去土瓜灣食優點- 麵種多選擇，見土豆粉都有得揀- 煮法多個人化選項- 鋪頭多座位，坐得寬敞唔知係咪因為叫咗麻辣嘅關係真係唔太食得出特別之處當日叫咗碗米線，同一份雞翼如果叫我去形容個味道會係合格同正常發揮個味就真係冇乜太大特色同記憶點唔會去到「隱世高質小店level」係嗰種如果住附近，會間中食下嘅街坊鋪水準但特登搭去食，就未值得啦食物份量都夠料嘅絕對夠飽
繼續閱讀