影片
電話號碼
29824388
營業時間
今日營業
12:00 - 23:30
星期一至日
12:00 - 23:30
以上資料只供參考, 請與餐廳確認詳情
-
網上訂座服務暫停
食評 (213)
今日本來諗住去長洲睇飄色，可惜喺中環碼頭等咗兩個鐘都未上到船，實在太多人了，咁就近近地去咗另一個碼頭就係南丫島啦，南丫島都好多人，但係都冇辦法啦，既然都出咗嚟唯有照去，入到南丫島行行吓見到一間唔錯嘅西餐廳。入面坐晒人門口都排曬隊，咁就嘗試等位入去食！ 叫咗個羅勒醬菠菜意粉， 意粉好彈牙食得出係手工製作，唔似係出面食個種味道，好重麵粉質味道，同埋個羅勒醬好重香葉味道似都係手工製作，值得推介👍另外那位侍應靚仔推介我食佢哋嘅Pizza佢話都係用日本麵粉製造叫我一定要是試吓，我就相信佢叫咗個外賣拎返出去食！呢度嘅侍應生都好有人情味道，仲送左個免費甜品比我食😂😂
繼續閱讀
明白餐飲業招聘非常困難，仲要離島區。見叔叔帶住位生手小朋友工作都顯得十分吃力，全場只得兩位侍應，還要照顧室內、室外、水吧、酒吧、廚房。蒜蓉牛油焗法包，食凍的嗎？用微波爐叮叮去都好一點，味濃少少脆少少韌。忌廉粟米湯，罐頭味道強烈霸道，水水忌廉的感覺，有零星幾粒粟米點綴。要加入大量辣椒仔汁提味，勁酸勁辣舒服許多了﹗芝士菠菜焗半殼蠔，新鮮出爐滾熱辣飄著輕煙，厚身脹卜卜一咬爆汁滿意的鮮蠔味道，焗到表面金黃而內裡濕潤，夾著芝士菠菜十分滋味。黑椒汁香煎雞扒配炸薯條，黑椒汁還是黑椒汁膏？杰到一舊舊，現成李錦記？沒有味道的雞扒，要點茄汁食的雞扒，澀味雞皮脆脆，雞肉乾硬鞋烚烚。燒汁牛柳拼扒大蝦伴扃意粉，苦澀味燒汁，放棄﹗血淋淋牛柳沒有閒置足夠時間就送到食客面前，要點茄汁食的牛柳，幾乎沒牛甜味的牛柳。我要5成熟變7成，而且兩邊有9成熟，給多一點牙力吧﹗要撈茄汁的白烚扁意粉，粉粉黏牙乾爭爭無味室溫扁意粉。雪蔵虎蝦大大隻帶甘香蝦膏，肉質嚥韌蝦味濃，比牛柳更美味。熱齋啡，明顯不是即磨咖啡，似7-11蒸餾定的咖啡。
繼續閱讀
本想坐outdoor 但撞著下雨天，唯有坐室內。餐廳不太大但室內環境舒適，set lunch 選擇頗多，有幾款肉和意粉🍝。3個人點了1個扒1個意粉還有fish and chips 😋😋😋正
繼續閱讀
今日4月9日天氣不錯，我記得以前經常和家人一齊來南丫島家庭樂，現在大個咗啦，想回憶下就一個人自己入左黎南丫島，一出碼頭發覺南丫島都變左好多，連個碼頭都改建咗，畢竟我都已經好耐冇入過嚟啦～我回想起都成10年冇嚟啦，我發覺現在南丫島都有好多餐廳，特別好多外國人開嘅餐廳，我回想起以前只有三-六間餐廳，我還記得有一間叫B&B餐廳我之前來食過幾好味，以前有一個好熱情嘅大叔接待我，介紹左我，呢度嘅食物當時我就信咗佢就入咗去食，估唔到今次重來間餐廳仲喺度！可惜個大叔已經唔喺嗰度啦但是味道一樣咁好味我今次點咗個西冷牛扒食，味道不錯，和以前一樣都是主菜類都包湯包蒜蓉包同埋一杯凍飲😃重回這個舊地，回想起好多以前同家人既回憶希望日後再來的時候這間餐廳還在～
繼續閱讀
今日星期一打算入南Y島chill吓 由中環4號碼頭搭船入榕樹灣30分鐘就到 一出碼頭行5分鐘就到 餐廳望入去見佢戶外座位好鬼正 又見佢有 lunch menu 所以諗住入去試下 平日真係冇乜人 可能我比較早未夠12:00已到可以坐出面 吹著海風食著lunch 食物唔錯 店內叔叔態度友善 有機會一定會再嚟
繼續閱讀
您可能會有興趣的...