影片
港鐵中環站 D2 出口, 步行約11分鐘
繼續閱讀
電話號碼
46118076
營業時間
今日營業
11:30 - 16:00
18:00 - 21:30
星期一至日
11:30 - 16:00
18:00 - 21:30
以上資料只供參考, 請與餐廳確認詳情
我覺得這餐廳的河粉非常難吃河粉麵質很粗糙，湯底不鮮味，只有鹹（宛如落了整瓶醬油般）牛肉非常難咬總括而言，整碗河粉是非常難吃！雖然這是半山數一數二的越南餐廳，但是我推薦你們去遠一點，到「鳴越越南料理」。那裡的越南河粉比這餐廳好得多啦！因此，我強烈不推薦你們去光顧這餐廳！I think the pho in this restaurant is terriblePho noodles are very rough, the soup base is not delicious, only salty (like adding a whole bottle of soy sauce)Beef very toughAll in all, the whole bowl of pho is very unpalatable!Although this is one of the best Vietnamese restaurants in Mid-Levels, I recommend that you go a little further and go to "Ming Yue Vietnamese Cuisine". The Pho there is much better than this restaurant!Therefore, I strongly do not recommend you to patronize this restaurant!
繼續閱讀
週末要到半山工作，當然要搵下有咩好食不過假日半山唔算多餐廳開門，又唔夠時間行落兩條街搵好野食，好彩都仲有一間越南餐廳有開而且冇乜人，就入左坐低慢慢食。叫左碗火車頭河粉配熱奶茶叫得河粉有青檸有辣椒碎跟配就基本啦河粉來到賣相簡單平實不花巧有生牛肉牛雜，都幾足料多花款，飲左啖湯，都幾有牛味，幾順口，配河粉剛剛好，生牛肉碎左D不過都幾嫩滑，其他牛雜有都入味幾好食，整體有種簡單平實嘅越南住家風味，有機會再來食想試下飯類。
繼續閱讀
有個星期六本來約咗朋人去佢屋企玩，我去到西半山之後先收到佢電話，話啱啱岀咗去買啲嘢，一個鐘後返嚟，叫我喺附近hea一陣先。咁既然都未食晏，就喺附近食埋先啦。不過我行到半山先發現餐廳嘅選擇唔多，最後行到聖心學校見到隔離有間越南餐廳，而且有開。嗰日咁多間餐廳冇開，行咗差唔多20分鐘先揾到一間有開。平時唔駛諗一定係嗌生牛河，但係今個禮拜已經食咗兩次越南河粉，所以轉吓口味叫咗個「香茅豬扒飯」。因為得我一個食客，豬扒飯好快就到，鑊氣都好足，但係比較油，不過我就係鍾意食啲咁唔健康嘅嘢。埋單$52，算係咁啦。
繼續閱讀
食素既我一向對非素食餐廳都唔會特別太大期望。做得出色又好味當然開心，如果做得一般都唔會怪但今次係第一次對非素食餐廳咁失望！！偶然發現佢哋餐牌入面有一個”素菜湯河”，作為素食者嘅我當然好有興趣想試吓 因為一般越南菜都比較少素食 所以叫咗外賣做午餐。但一打開 厚層烚生菜🥬⋯⋯再加白雪雪無添加零污染既河粉 當堂嚇左一跳一粒菇一塊蘿蔔一條青瓜都無？？其實依碗野 係咪應該叫做 [ 淨(菜)河 ] ？個湯仲要同滾水無分別！雖然$47一個河唔係貴 但唔好咁樣侮辱素食真係好嬲 完全係俾人呃咗碗面P.s 當時為咗影相 所以拎走半層生菜先🙄
繼續閱讀
今次第二次黎！可能因為星期日，加上疫情，無乜人今日想試下佢地啲海南雞！但又唔想食飯一問之下，可以叫海南雞湯檬粉(餐牌無寫）初初都有唸，甘個湯底會唔會太清，甚至無乜味！不過都想試下！湯底, 當然無平時嗰啲牛腩河甘濃，但係呢個湯底好清甜甘！絕對唔係我之前所擔心既無味！清得黎又幾好味！襯返個海南雞甘！重有幾條菜，入哂湯味！好食👍🏻👍🏻👍🏻至於啲雞，我覺得如果可以滑啲就好... 同埋對比起其他餐廳既海南雞，呢個係遜色少少🤏🏻，因為唔算非常有雞味... 不過呢個連埋凍飲都只係$52 黎講，係超班！另一碗係牛腩湯河！個湯底好得！好有牛味！所以啲河粉入哂味好好食，牛腩都ok! 呢度性價比真係幾高！👍🏻可以成為飯堂😊飲品一樣好！上次叫奶茶，已經好like! 今次叫鴛鴦，都係好得！
繼續閱讀