影片
港鐵北角站 A1 出口, 步行約2分鐘
繼續閱讀
電話號碼
22434338
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
#渣華道冰廳this is crazy. crazyly cheap food i had ever tried in hong kong island for a cha chan ten place.we were waited 10min i front of store at about 2pm. the place is narrow and small. table are narrow and seat are narrow. beside that every thing are just perfect and good.let not talking about food. the price ks crazyly cheap. for a noodle with satay beef and egg. with 一丁 noodle +3$ all thing cost you 37$, fkkking hell cheap and most important its iced tea didnt charge me an extra 3$. the boss must be come front heaven and give his kindess to our poor hk citizen. never found a place dont charge +3 for iced drink except really expensive resto. here the hot drink and ice drink is both free of charge. portion is big. crazy cheap. also , the portion for tea time is big. other resto tea time will cut portion into half as tea time culture.thats why ppl queuing at 2pm aiming for this cheap and good food.in terms of food. their beef is super good. portion big with extra peanut on top. very good quality and beef texture is chewy with strong beef taste. yummy.will be back❤️❤️❤️❤️❤️#food #hkfood #hongkongfood #台灣美食 #日本グルメ #ukfood #澳洲美食 #馬保國 #香港美食 #深圳美食 #hkfoodpoet #閃電五連鞭
繼續閱讀
👍🏻沙嗲牛肉麵特餐 (包嘢飲) $46最近新開冇耐就爆紅嘅北角名物🔥！早排睇到關注組推介佢地個沙嗲牛肉麵牛肉大塊份量多，比較滑身冇乜筋，沙嗲醬極濃稠，啲麵掛滿汁🍜沙嗲味濃郁，有唔少花生碎粒，花生香味突出整體味道偏濃，撈勻湯底後仍然濃味鍾意食沙嗲牛嘅重口味人士值得一戰😈-特餐原本煎雙蛋可以免費轉火腿奄列奄列大大份，炒得比較生，濕潤多蛋汁，內餡火腿多🤤餐包竟然係牛角包，幾香牛油味，但唔算好脆口特餐包嘢飲，冷熱同價，大大杯凍飲唔使加錢-👍🏻豬扒出前一丁配招牌蛋牛治 (包嘢飲、例湯) $50另一款招牌必食！蛋牛治好厚身，足料爆餡🤪鹹牛肉比例多，滑蛋嫩滑多蛋汁，多餡到一咬吱晒出嚟推薦嗌烘底，麵包外脆內鬆軟，果然係招牌🌟-煎豬扒唔算好厚但超大塊，煎得香又冇油淋淋，肉質雖然偏瘦但算鬆軟唔柴不過本身調味略嫌較輕，可以自己落少少胡椒粉調味，相對上都係沙嗲牛出色啲另外豬扒大大塊放係麵上會令啲麵快淋咗，唔鍾意食淋麵嘅朋友要注意-午餐每日唔同款，星期一至日都係一律$50，仲要包埋例湯同嘢飲，冷熱同價，真心抵食😙👍🏻之前睇社交平台見到有人推介佢地豉油雞，可惜當日午餐冇試唔到俾大家睇，有機會下次再試下-味道：8/10性價比：9/10-📍#渣華茶冰廳 北角渣華道82號地舖
繼續閱讀
早排見到有其他人介紹港島區嘅沙嗲牛🐮 原來係喺北角嘅 #渣華茶冰廳 ，呢排去咗北角返工嘅二家姐即刻去咗試，仲要食咗幾次🤭 因為呢到出餐算快，午餐日日都唔同款，但都只係$50，仲要凍飲唔使加錢😆 呢個價位喺北角食得飽，算好抵食啦～有見過唔少食評話呢到嘅員工服務態度好差，我食過幾次又覺得還好喎🤔 唔算差，係一兩個員工講嘢快啲同無乜尾音😂•🥢 特餐 - 牛油餐包/炒蛋/沙嗲牛肉湯通粉 $46特餐沙嗲牛我已經食過兩次，真係可以返兜嘅！😛 呢到嘅沙嗲牛係多醬嘅，牛肉大大塊，軟腍無筋，食落沙嗲味都幾濃郁，係偏向重花生味嗰種，仲有極多粗粒花生🥜😋 濃郁嘅湯底配通粉真係好夾，而且食到最尾都仲好夠味～ 另外有朋友試過配公仔麵，但呢到嘅公仔麵就略嫌煮得有啲太腍🫤特餐係配煎雙蛋，但我轉咗做炒蛋，炒蛋好大份，而且炒得幾滑！另外仲有「牛油餐包」，但原來係牛角包，就咁睇落有啲加分，但實際上就有啲扣分，因為個包係唔熱嘅，食落一啲都唔香同酥脆😖 所以我第2次再去嘅時候就加咗1蚊轉烘底嘅牛油方包，雖然都唔算烘得好均勻，但都比凍嘅牛角包好食😗•🥢 午餐 - 豬扒出前一丁配鹹牛肉蛋治 $50豬扒好大塊，係連骨上嘅，肉質鬆化，唔會好乾好柴～ 出前一丁同樣都係煮得偏腍🫣鹹牛肉蛋治係呢個餐嘅重點🤪 鹹牛肉炒蛋超大份又好足料，鹹味適中而且炒蛋夠滑！不過如果方包烘過會再開心啲😂 下次要記得轉烘底！ •🥢 午餐 - 生炸雞髀配辛辣麵 (走辣) $50生炸雞髀超大隻🤩 食落啖啖肉，加上炸得夠乾身唔會好油，大滿足👍🏻 而且雞髀嘅調味適中，又唔會食到雪味～因為我唔食辛辣麵，問咗侍應話無得轉公仔麵，但可以幫我走粉，所以個麵出到嚟就白雪雪咁無味了😂 評分唔計走辣嘅辛辣麵😂•💬食咗幾次，結論都係即食麵類都煮得偏腍，如果唔鍾意食腍麵嘅真係要揀其他麵底😂同埋我啲同事食過呢到嘅豉油雞飯同蔥油雞飯都不錯，仲見過有客人會專登嚟買半隻豉油雞返去加餸！
繼續閱讀
今次叫左兩份早餐🤩沙嗲牛肉公仔麵牛肉夠厚，沙嗲味亦算濃，仲有d花生碎係上面，整體真係好食既👍🏻炸菜雞絲米粉🍜呢個就相對普通啲，我仲覺得有少少喊🫥隨餐仲有蛋🥚 和蝴蝶酥 我揀左炒蛋🍳，要讚個蛋，好重蛋味，另外好少餐廳會有蝴蝶酥，本身覺得幾特別，但食完又講唔上係好好食。但咁樣一份早餐連冷熱飲品都係$35，好高性價比嫁喇🫡📍渣華茶冰廳 (北角)
繼續閱讀
關注組等力推，今日突登去食早餐。啲位勁迫，個袋想攝落背脊度都唔夠位，要撳扁，都唔係問題。一心期待沙嗲牛肉麵。落單阿姐的態度完全係唔憂做狀態，冇耐性，覺得你講嘢好慢阻住佢咁，都唔係問題，一心期待沙嗲牛肉麵。沙嗲唔香唔惹味，牛肉處理都好一般，有筋又硬硬地，湯唔夠熱，個公仔麵好似係被迫浸熟咁。麵包又淋又立痴痴，似係隔夜麵包舖買唔出嘅貨，連放入焗爐叮一叮都懶🫠奶茶又係無可取之處⋯⋯😵💫都好，以後唔使浪費時間去北角食
繼續閱讀