64
17
2
| 餐廳: | 温野菜 |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
11:30 - 22:30
星期一至四
11:30 - 22:30
星期五至六
11:30 - 23:00
星期日
11:30 - 22:30
公眾假期
11:30 - 22:30
公眾假期前夕
11:30 - 23:00
*星期日至四及公眾假期最後落單時間: 22:00; 星期五、六及公眾假期前夕最後落單時間: 22:30
以上資料只供參考, 請與餐廳確認詳情
很佩服叙福樓能「轉型」為牛角集團。在牛角食燒肉遠比在叙福樓吃燒腩仔滋味噴香，在牛涮鍋涮牛肉遠比在叙福樓吃火鍋衞生快意。轉換時空的概念，把日本飲食文化植入。牛涮鍋再分支溫野菜，植得不好，離地！ 十大建議： 1️⃣香港溫野菜與牛涮鍋最大分別，是沒有了放題，轉而由數量回歸質素。蔬菜和牛肉質素是明顯提升，粗略計，價格每位平均約由200多元，增至300多元（會員有折扣）。中上價定位，只宜在海港城、又一城和太古城這類中檔商場「種植」。與同系店競爭亦處弱勢。個人觀察牛角與溫野菜一舖位兩店，牛棚門前擁擠，青年人等位亦少轉入菜田。店內亦同樣強烈對比。午市來吃套餐B，每位185元，比晚餐便宜很多，約付每位220元。 2️⃣接近雙素食的策略只適合少衆。重質素之外，是偏近素食。野菜全是日本輸入，比香港一般蔬菜價錢倍升。紅蘿蔔片甜得醉人，在湯鍋蕩漾，如舞女的裙擺。素食在香港漸溫熱，生飲食者亦增加，但素食以自助餐和新穎西餐較配合市場需要。 3️⃣少油鹽的健康飲食，亦是此店標榜的。我們點選壽喜燒和蒙古炎湯底，覺得較清淡，後者明顯失色。與香港人近年愛咸嗜辛辣的習慣背道而馳。4️⃣午市套餐B有鹿兒島雞腿和美國牛小排肉，牛肉是比牛涮鍋靚，但極薄切，份量太少。三文魚方堍粉紅帶紫，味道鮮香。麵質很優秀。可多捷供這類日式火鍋材料。 5️⃣沙律菜嚴重硬實，很多網評已提及，要放入火鍋煮熟。6️⃣市場只能配合青人，中年好食神和小朋友少來。加水要求、點選食物全在網絡，待應少出現。服務不見得熱誠。 7️⃣好處是靜靜的暗黑餐廳，少人打擾。 8️⃣該讚是切餅費只收50元，只存放蛋糕是免費。 9️⃣戰略上只宜寄生在牛角做藤蔓，撥出少數面積做實驗店，多鑽研如何把日本品牌香港化。 🔟平價餐只有雀籠火鍋下午茶餐，但你會在下午茶時間食火鍋？
繼續閱讀
溫野菜是港人很熟悉的一間日式火鍋店，餐廳主打優質食材全部都是來自日本。2個人叫了：❇️（熱）特別夕食火鍋 2人盛❇️湯底：秘傳月見壽喜湯（餐）❇️熊本火之本豚肉眼❇️澳洲M9和牛肩脊肉食物：每一樣都非常新鮮，吃得出不是一般火鍋店的水準。環境：餐廳環不錯，即使2人會提供一張用隔板分隔的6人枱，所以枱面空間都足夠，坐得舒服，餐廳抽氣做得好好，室內沒有油煙味，亦唔會煙霧離漫。服務：職員服務不錯，好明顯很忙，但他們都仍保持到良好服務態度。總結：溫野菜在食物質素和服務質素上，都對得起價錢。雖說不上昂貴，但是食物的品質和用餐的愉快確是令食客會再回頭的原因。
繼續閱讀
今晚同男朋友去好耐冇去嘅溫野菜食壽喜燒牛肉火鍋，自從之前食過一次就愛上咗溫野菜嘅壽喜燒鍋我哋每次黎親都一定係叫壽喜燒湯底，今次食嘅係黑毛和牛同宮崎牛，我覺得黑毛和牛好食啲，超靚雪花嘅黑毛和牛放入口，入口即溶，再加埋甜甜嘅壽喜燒汁同超有彈香味嘅日本蛋今次試嘅係二人餐，餐入邊有一隻炸豆腐魚球，個樣好似一啲魚蛋類製品，原本我對呢類製品無乜期待，諗住只係普通嘅打邊爐丸，點知一放入口，超級嫩滑，令我好有驚喜，係一種超滑嘅魚腐口感，嗰時先知原來呢個係炸豆腐魚球。另外豚肉餃子都好個皮好煙韌，好似食緊手打烏冬咁，我好鍾意呢種煙靭嘅口感雖然溫野菜唔平，但係每次去到溫野菜，都令我好有滿足感
繼續閱讀
每次想食清清地,有肉有菜的late lunch, 一定揀呢度！ 假日5點前可以order假日午餐. 我作為金咭會員,排隊有優先,唔多客人,所以唔使排隊. 知客好好禮貌,我哋兩個人都安排咗一張四人枱比我😉點咗一客日本國產牛肉餐加一客Green餐. 加咗一客日本豬腩肉, 腐皮餃子,豆腐,豬肉餃子,蟹柳同埋黑糖抹茶雪糕😁Green餐有苦瓜,一啲日本蔬菜同埋菇仲有新豬肉, 沙律菜鍋物同埋蕎麥麵.國產牛肉餐包括咗牛肉,雞腿肉啦,蔬菜拼盤,中華麵.天氣開始熱,點咗一枝梨酒, 好香梨味,加冰飲,正👍金卡會員有85折另外仲有100蚊嘅coupon. 食咁多嘢你咪支酒兩個人都係四百幾蚊,超抵😚
繼續閱讀
朋友兜兜轉轉，終於落腳喺呢間畀人讚口不絕嘅和風火鍋店，呢一晚嘅味蕾旅程真係非一般！🤤 先講佢哋嘅佐賀和牛，嘩，講真，每一片嘅薄切肉入口即溶，肉香配上脂肪嘅滑潤，真係口感一流。😌但轉頭睇埋美國和牛肩脊肉，同場加碼嘅丹麥豚梅肉，肩脊肉滋味十足，豚梅就略薄於期望，肥瘦比例唔太均勻。海鮮方面，啲帶子同白蜆明顯就差咗啲火候，唔夠新鮮，俾佢嘅烏冬同全家福野菜拋離幾條街。🍜講下湯底，熊仔湯底唔單止Q萌討喜，連我呢個唔太注重顏值嘅食客都要讚一讚。酒酸湯底有個性，不過真心建議試吓相比之下更藥膳香濃嘅選擇。至於配料，啲野菜我喺有限嘅格調中，都嗅到少少自然矜貴嘅氣息，簡直係蟹柳同福袋嘅尊貴表親。總結呢次食味之旅，一句話—質素高，量略嫌不足。🍲 肉質無得較，新鮮蔬菜打得過某啲江湖老店，如果唔係太計較份量同層次，嚟呢度瞓一瞓，品嚐下佢哋嘅多款肉類同特色湯底，確係一場味覺同視覺嘅雙重盛宴。
繼續閱讀
您可能會有興趣的...