影片
港鐵中環站 D2 出口, 步行約3分鐘
繼續閱讀
電話號碼
28902800
營業時間
今日營業
12:00 - 15:00
18:00 - 00:00
星期一至日
12:00 - 15:00
18:00 - 00:00
以上資料只供參考, 請與餐廳確認詳情
🇭🇰弁慶 御好燒 鐵板燒·呢間餐廳我自己超鐘意 佢係日本人主理既 超有氣氛🥳而且野食味道好好 推介大家一定要book吧枱 咁就可以一路望住師傅整野食🇯🇵😍😍·京都九條蔥燒$98 l 京都味噌生麩$60 l 炙燒油豆腐$78我哋見佢有個期間限定嘅京都祭 所以就試咗🎆佢個九條蔥燒入邊係有海量嘅蔥 比普通既御好燒清爽 口感幾好😈之後個味噌生麩食落係有少少好似年糕咁樣 煙煙韌韌 配埋上面嘅味噌好特別😎最後個油豆腐都好唔錯 佢係中間超有空氣感😍·蘿蔔$19 l 獅子狗$19 l 豪華炒麵$123 l 炒雜菜$78之後佢個蘿蔔關東煮我哋都好鍾意 佢係超甜 完全冇渣 成舊都好好食🤤🤤不過個獅子狗就略嫌煮得耐咗少少🫢個炒麵我地都好鍾意 佢係超有鑊氣 調味剛剛好 麵條質感好好 配料都好好食😋最後個炒雜菜又係好好食 佢啲蔬菜好甜 調味剛剛好🥬·#rbyeat#rby日本菜 #rbycelebrations#rby中環·📍中環士丹利街11號Stanley 11 6樓
繼續閱讀
最近天氣凍，最岩食D熱辣辣既食物。除左火鍋燒烤之外，最推薦鐵板燒，尤其坐係爐邊睇住師傅煮又可以熱住個身。今次就去左位於中環既【弁慶 御好燒 鐵板燒】，地方雖小，但氣氛超級好。師傅同店員都係日本人（有香港人店員同師父），感覺非常正宗。今次除左定番menu之外就試左特色沖繩限定menu。烤白子（沖繩香檸使用）：口感綿密、魚味濃、但唔腥。加左沖繩香檸非常清新。沖繩早摘水雲：非常鮮嫩爽口既水雲海藻，加醋微酸好開胃。八爪魚好鮮甜。沖繩香檸可爾逼思梳打：非常清新解渴，酸酸地唔會太甜。明太子淮山蓉燒：喜出望外、外脆内軟、明太子味道同淮山蓉燒好match，推薦。玉子燒：雖然唔係我個人鍾意既甜口玉子燒，但非常鬆軟、好似舒芙蕾一樣，非常特別。2種自選大阪燒（豬肉、mochi）：超級無敵多椰菜、好清甜，mochi軟軟糯糯、豬肉好香脆。呢個要製作比較長時間，不過等待既時間係值得既。免治鷄肉燒：免治鷄肉裏面加左好多蔬菜，增加其他口感。醬汁甜甜地，加埋流心蛋黃一流。呢個非常推薦。牛舌：肉厚非常juicy，調味非常不錯。推薦。雪見大福：係餐廳自己包而非外面貨色。非常特別，係黑糖黃豆粉味，糯米糍皮煙靭。
繼續閱讀
又到Happy Friday 朋友話今日要帶我去食好西我哋去咗一間大阪過江龍居酒屋🇯🇵適逢沖繩祭開始 餐廳推出期間限定嘅沖繩祭menu全店皆由日本藉師傅主理烹調食物 為客人帶來正宗地道嘅日本風味坐喺Bar枱近距離欣賞師傅整食物 真係好似去咗日本咁❣️******************************食物s:🍢烤白子 ($188)第一次見有燒白子食❣️ 平時omakase生食果種就見得多使用沖繩香檸製作 白子燒得好香口 外皮脆卜卜好食不特止 仲好值得點黎見識下🥢沖繩早摘水雲 ($68)第一次試呢款沖繩大熱嘅藻類食品調味酸酸哋咁 係一道健康嘅開胃菜🍹沖繩香檸可爾必思梳打 ($58)入口青檸味即溢出 味道酸中帶點甜清新解膩 非常適合配搭鐵板肉類料理食用🍘熱溶芝士大阪燒 ($114)每次總係會比邪惡芝士引誘師傅即席將芝士煮溶成漿 再鋪喺大阪燒上令大阪燒帶輕微芝士香味 更顯吸引🍘豪華大阪御好燒 ($142)食材最豐富嘅一款 最啱心大心細嘅朋友仔面層有大蝦🍤、八爪魚🐙同帶子內層係滿滿嘅椰菜絲 口感鬆軟而有濕潤感 淋上燒汁、沙律醬同柴魚片 味道濃郁🍳明太子日本玉子卷 ($78)呢道菜式絕對不容錯過❣️超高質玉子卷非常嫩滑 充滿蛋香味輕咬落去 明太子餡即爆晒出嚟 非常足料😝明太子嘅咸香味與蛋香味配合得完美 一大享受呀😍🐔蕃茄芝士汁雞腿扒 ($108)蕃茄同芝士嘅配搭總係唔會令人失望❣️相比起大阪燒 呢款更為拉絲 更能突出芝士香氣💕加入蕃茄仔同大量炒洋蔥 香味濃郁😍選用雞腿扒部分 肉質較為嫩滑🍚和牛蒜香炒飯 ($123)呢道炒飯係飽肚同性價比之選師傅將和牛喺鐵板上燒香後切粒🐂 食落充滿牛肉油脂香味 再混入蒜茸炒香米飯 超香噴噴 炒緊嘅時喉已經流晒口水喇🤤🍨雪見大福 ($58)外皮煙韌 內餡非常軟滑 好正💕******************************小結:去完日本後總係間唔中就好掛住日本美食多謝朋友帶我去試呢間咁有日本風味嘅居酒屋食物高質 服務唔錯 地方亦算闊落之餘可以近距離欣賞日藉小鮮肉師傅表演 亦係一大享受呀🤭
繼續閱讀
坐吧枱，睇住師傅整，好有氣氛日本肥師傅好nice 嘗試用bb班日文同佢傾計都無笑我另外負責樓面既侍應都係日本人好有禮貌keep 住斟茶大板燒：大份、足料，女仔可能食唔晒，個人應為面頭醬料偏多，有點太濃味蓋過食材味道（不過印象中日本local 大板燒都係偏鹹，等客人可以一路送酒食）豚肉炒菜：睇住師傅炒，好有氣氛健康之選，配白飯剛好，食晒一整碗飯無難度下次想試下佢地既串燒見到隔離枱有嗌，吸引有服務既餐廳之一，得閒一定再去
繼續閱讀
🌸《弁慶 御好燒 · 鐵板燒 · 中環》📣日本大阪過江龍推出京都縣限定菜單｜彷彿置身日本超有日本氣氛！📣-小編好耐無去日本旅行喇！真係好掛住日本！所以今次特登揀左一間真日本人主理既御好燒餐廳，全部店員基本上都只講日本/英文，而且係你面前製作御好燒，真係好好feel✨聽聞最近新推出肉祭新品菜單，即刻睇下有咩好食GO‼️-🔹鹽鞠烤伊比利亞豬 $132豬肉好嫩，中間仲有少少粉紅，咬落非常juicy✨-🔸大阪烤牛小腸 $78牛小腸好脆口，中間油脂爆開，雙重口感-🔹鰻魚玉子卷 $95玉子卷煎到半熟，中間仲有少少流水，鰻魚唔腥，而且好脆口，好食👍🏻-🔸熱溶芝士御好燒 $118御好燒上面佈滿芝士，芝士味唔算好濃，但係有輕微拉絲效果，配埋御好燒醬汁，無得彈❤️-🔹豪華炒麵 $132炒麵配上多款海鮮，包括大蝦、八爪魚等，調味岩岩好，正係日本可以食到既味道！-📍 弁慶 御好燒 鐵板燒 (中環)@benkeicentral @tsunagupro 中環士丹利街11號Stanley 11 6樓-#foodbitxh_central #香港美食 #香港好去處 #打卡餐廳 #相機食先 #香港美食指南 #香港美食推介 #香港打卡 #餐廳推介#假日好去處 #香港必吃 #香港美食 #benkeicentral #弁慶御好燒鐵板燒 #大阪 #中環美食 #大阪燒 #日本餐廳 #hkdining #hkfood #hkfoodie
繼續閱讀
您可能會有興趣的...