影片
營業時間
今日營業
11:00 - 20:30
星期一至日
11:00 - 20:30
以上資料只供參考, 請與餐廳確認詳情
有關餐廳
介紹返💁🏻♀️。。🇨🇳 餃子 在上環 🇨🇳。餃掂手工餃子雲吞專門店。上環蘇杭街100號地舖。香煎軟心芝士餃 Pan Fried Cheese Dumpling。HKD58 @ 七只。HKD69 @ 十只壽喜燒牛肉餃 Sukiyaki Beef Dumplings湯餃子 跟狀元九鼎湯 Dumpling Boiled - 。HKD55 @ 七只。HKD73 @ 十只粟米豬肉餃 Sweet Corn & Polk Dumplings湯餃子 跟狀元九鼎湯 Boiled Dumpling - 。HKD46 @ 七只。HKD57 @ 十只元貝豬肉餃 DriedScallops & Pork Dumplings湯餃子 跟狀元九鼎湯 Boiled Dumpling - 。HKD51 @ 七只。HKD64 @ 十只雙拼 元貝豬肉餃 Double Choices with DriedScallops & Pork Dumplings。加HKD8蜜餞雞翼 Candied Chicken Wings。HKD25 @ 三隻。HKD33 @ 五隻蜂蜜檸檬薏米水 Honey Lemon Barley Water。HKD20 @ 杯。HKD28 @ 枝可口可樂 Coke。HKD10🤫 啱啱嗰個星期日同飯腳仔拍拖行街街..去咗上環行吓摩羅街啊嗰啲香港特色地方..扮吓文青..不過發現原來上環好多餐廳Weekend都唔開門㗎喎🫨最後就去咗餃掂食Late Lunch🤫 舖頭環境方面光鮮亮麗..裝修都幾有屋企Feel..奶茶色拼淺木系枱凳而且乾淨企理..好似都有成六張四人枱三張二人枱..唔算話好逼夾..都坐得舒服嘅🤫 我哋總共叫咗三種湯餃一種煎餃再加三隻雞翼然後一人一杯嘢飲..同Menu講嘅一樣..湯餃快啲..煎餃就大概十零分鐘後上枱..係可接受範圍嘅速度🤫 四種餃子裏便我哋最鍾意煎芝士粟米餃..老實講其實呢個芝士粟米餃同粟米豬肉餃有異曲同工之妙..但係對我哋嚟講芝士餃就更勝一籌..因為除咗有爽甜粟米之外仲有一浸都幾香濃嘅拉絲軟芝士食得出..而且煎香咗嘅脆皮確實係惹味好多嘅🤫 但係因為當日飯腳仔個頭有少少唔舒服..所以我哋其餘三種餃子全部都係湯餃..講餃子之前要提一提佢哋自家製嘅狀元九鼎湯..Haha..個名好似好勁咁..嗰啲材料就唔多講啦..大致上覺得有啲似平時嗰啲粉葛赤小豆湯..都飲得出係真材實料唔係味精湯..呢個OK👍🏻🤫 頭先就講咗粟米豬肉餃啦～粟米係爽甜嘅..配落個湯度做湯餃就清淡啲健康啲..然後比較特別嘅就係佢哋個Sukiyaki牛肉餃..牛肉味唔係話好濃所以做湯餃都唔會有騷味..牛肉餃入邊有京蔥洋蔥所以口感上邊都幾唔錯嘅..不過下次我會考慮食煎嘅方法.. 哎～佢哋餃子皮嘅厚度屬於適中..唔會太厚但又唔會薄到浸湯浸得耐會散晒🤫 至於元貝豬肉餃..雖然係貴過普通嗰啲十蚊八蚊..不過都係真材實料..一咬開個餃子係有一絲絲嘅瑤柱絲喺度..瑤柱絲個味都好出..唯一一個破綻就係元貝豬肉餃入邊有落香芹..香芹本身自帶嘅味道太強所以一下子就好容易遮蓋咗元貝嗰種獨有嘅鮮味..如果佢哋香芹可以落少啲嘅話就更加Perfect嘞🤣不過又咁講..可能鍾意食香芹嘅人就會超Like囉🤫 哎呀～唔記得提.. 餃掂除咗有食餃子必備嘅浙醋同埋豉油之外..佢哋仲有兩種特色醬汁..一個係四川辣椒醬..正正常常冇乜特別.. 另一個係飯腳仔好欣賞嘅菜脯辣椒醬..菜脯有咬口..辣椒醬係中辣夠惹味喎🤫 另外佢哋個蜜餞雞翼都幾出色..個甜味係啱啱好嘅..而且可以完整咁包裹住雞翼..所以雞翼係相當入味之餘亦都係肉質鬆軟嘅🤫 最後飲品方面..我就試咗佢哋兩種自家製檸蜜薏米水裏面嘅薏米水..都幾大杯..而且叫凍嘅話係本身雪凍咗而唔係加冰嗰種..所以成杯Keep住都係咁濃味..微甜少少酸都幾開胃..而且薏米水都真係有啲料到..食完呢餐去WeeWee都多咗🤣。。翻兜指數：🙆🏻♀️🙆🏻♀️🙆🏻♀️（5個🙆🏻♀️為翻兜爆燈）。。
繼續閱讀
上環行街買海味買到攰，經過呢間叫餃掂嘅餐廳，朋友又鍾意食餃子，就揀咗呢間餃子專門店，餐廳光猛整齊，座位亦寛敞舒適，餐枱上已經準備埋常用嘅調味，俾客人自己添加，日本龍鳳蛋（配黑白松露醬） - $32/碟龍鳳蛋賣相漂亮，全部都係溏心蛋，配有黑白松露醬，味道香濃，個人認為必點必試。蜂蜜檸檬薏米水 - $28/支大大支，不會太甜，飲到有蜂蜜嘅甜，同埋檸檬嘅香味，薏米亦都好足料，調味不會過甜，很好。自家製山楂雪梨水 - $28/支山楂雪梨水味道酸酸甜甜，很開胃。狀元九鼎湯個湯好大碗，飲得出無落味精，係真材實料熬出嚟，順帶一讚，隔渣隔得好乾淨，唔使擔心會有碎骨之類嘅殘餘物係湯裏面。龍鳳松茸雙湯餃（跟狀元九鼎湯） - $92/8只包得好靚，完全無穿，好大隻，皮好薄，配黑白松露，超足料，而且包有新鮮豬肉，有肉汁，好出色。至尊松茸豬肉煎餃（跟狀元九鼎湯） - $86/8只每一隻都煎到金黃色，完全冇燶，外脆皮，內爆汁，調味不會過鹹，果然係餐廳推介。
繼續閱讀
朋友一路心思思🥴 好想試依間擁有可愛餃子logo 嘅特色餃子店🤭 今日經開上環見到佢嘅分店，即刻衝入去試下佢🌟 餐廳提供多款不同餡料嘅餃子，除了經典必食嘅韮菜豬肉、大白菜豬肉、粟米豬肉等外，仲有餐廳特制嘅松茸系列同埋壽喜燒牛肉，真係令人眼前一亮🤩🌟 餃子可自選湯餃或者煎餃，🐧🐧 一場黎到，梗係兩款都試下佢😋 今次我哋就㨂咗壽喜燒牛肉湯餃，同埋雙併韮菜豬肉、粟米豬肉煎餃❤️ 壽喜燒牛肉餃每一啖都充滿牛肉嘅香氣，加上微辛嘅洋蔥絲，食落別有一番風味，幾惹味好有特色👍 不得不提，餃子湯底係餐廳特熬嘅狀元九鼎湯❣️ 採用粉葛、順德活鯪魚、香山活鯽魚、紅蘿蔔、扁豆、赤小豆、新會陳皮、蜜棗、鮮排骨等煮成，每一啖都既鮮美又甘香，超讚👍👍👍 雙併煎餃即點即煎，保證熱辣辣脆卜卜😋 煎得金黃香噴噴，食落餃皮香脆不油，內裡肉餡軟嫩又多汁，真係好惹味食極唔膩😋 喜歡食辣嘅朋友記得加埋餐廳提供嘅辣椒醬😋 保證夠辣夠味😚 未夠喉就加多個四川涼皮同埋重慶鮮肉雲吞🤭🤭 涼皮比一般常見嘅更煙韌，更有嚼感，唔會一夾就碎，抵讚👍 特調嘅辣醬汁好惹味，辣度恰到好處唔會太嗆，好出色😋 鮮肉雲吞一口大小，可以原粒放入口，食落肉感滿滿，鹹香又軟嫩，真係食唔停口🌟 最後叫返兩杯飲品潤下喉😘 🐧 就㨂咗蜂蜜檸檬薏米水，清甜得黎帶點酸香，飲落都幾開胃又解辣😚 朋友就㨂咗經典又穩陣嘅豆漿🤭 豆香滿滿唔會太甜，好足料好好味👍
繼續閱讀
【中西區】【餃掂手工餃子專門店】早幾日同真正哥試咗中環威靈頓街嘅「餃掂」手工餃子，覺得勁好食，於是即刻將呢個信息通知「餃子控」春哥。而呢件事當然係惹來一輪指責，話我做乜唔帶佢去，咁好啦，我帶埋佢去啦。不過我唔多想翻炒食返同一間，於是就同佢去咗試上環嘅另一間店。不過其實係同一間嘢嚟，連餐牌都一樣，坐低就叫嘢食喇。我高度推薦佢哋嘅松茸餃，所以就試 $86 嘅煎「至尊松茸豬肉餃」八隻，呢款煎餃都有配「狀元九鼎湯」，春哥飲咗都覺得好足料。而餃子方面，松茸味勁香，同新鮮豬肉餡嘅味道非常夾，都好好食。我哋試埋 $58 嘅「香煎軟心芝士餃」七隻，裡面有豬肉、粟米做餡，配合香滑嘅芝士，成件事好邪惡。春哥講明特別要我同讀者提及佢哋煎餃嘅火候相當好，値得推薦。我哋仲試咗兩款小食，春哥勁想試嘅係 $26 嘅「麻辣松花皮蛋」，冇令佢失望，相當濃香。而我哋亦都試咗 $32 嘅「日本龍鳳蛋」，蛋味濃之餘，搭配嘅黑白松露醬亦都好香，正。嘢飲方面，春哥試我推薦嘅「自家製山楂雪梨水」，$20 一杯，佢都覺得好飲。我就試 $20 嘅「蜂蜜檸檬薏米水」，清清哋都好潤。夾埋食咗 $242，係值得一試嘅。。。（地址：上環蘇杭街100號地舖）@nomnomdumpling呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：中西區（中環店）：1am1342#1amfoodie #foodie #hkfoodie #thatfoodiething #food #instafood #globaleats #dessert #foodpics #followforfollowback #love #eat #1am中西區 #上環 #香港 #餃掂手工餃子雲吞專門店 #nomnomdumpling #餃掂手工餃子專門店 #餃掂 #手工餃子 #餃子店 #狀元九鼎湯 #自家製山楂雪梨水 #龍鳳松茸餃 #至尊松茸豬肉餃 #香煎軟心芝士餃 #麻辣松花皮蛋 #日本龍鳳蛋 #蜂蜜檸檬薏米水 #1am1345 #1ambackup
繼續閱讀
次次經過其他分店 都見到大排長龍🚶🏻♀️🚶🏻🚶🏿♂️🚶🏻🚶🏻♀️原來上環係新開分店 未被人發現 暫時唔洗排隊🤓即刻捉個朋友同我去食🥟龍鳳松茸雙灼餃 x 跟湯8隻大部份湯餃都係配 狀元九鼎湯🥣個名好把炮 當然都真係真材實料味道清清地 粉葛味重 但唔會搶走餃子既主角位置餃子分左🖤/🤍松露 兩個口味餃子皮厚度同個餡既比例岩岩好松露味好夠 齒頰留香🤤🤤個人較喜歡黑松露口味🥟壽喜燒牛肉餃 x 煎餃覺得口味特別 所以試左呢個其實無咩壽喜燒味😂😂但係餃子餡超級Juice💯💯💯小朋友食要小心辣親嘴仔蘸醋+菜脯辣椒醬= 一流👍🏻🌶️四川涼皮唔想剩係食餃子 仲有啲伴菜可以揀啲花生好好味😂仲好脆口 為涼皮增添唔少風光美中不足係 我覺得唔夠辣 🥤凍山楂雪梨水(杯)有屋企煲既水準👍🏻甜度適中 下次會叫枝裝🤣🥛豆漿豆味都幾濃 甜度岩岩好 要趁唔洗排隊 比心機食多幾次先🫢🫢不過唔想排隊既 其實都可以買生餃見隔離枱 食完都即刻買左幾十隻返屋企🤣🤣
繼續閱讀