更多
2024-03-27
58 瀏覽
🥩🇺🇸 美國1855 安格斯肉眼 五成熟 $283肉眼扒嘅外皮烤得焦香,裏面依然保持到嫩滑多汁嘅口感,切開中間可以見到肉質嘅鮮嫩程度,牛肉味幾出。上面嘅炸蒜蓉片非常香口,甚至有少少搶咗塊扒嘅風頭,亦提供咗兩款醬汁選擇,不過本身肉眼扒多汁入味都唔需要點醬。🍝🍄 黑松露忌廉雜菌意粉 $123雜菌種類同份量好多,食落應該有牛肝菌、雞髀菇等,咬落粒粒口感味道又豐富,忌廉醬汁帶有濃郁芝士味,醬汁沾滿咗整碟意粉,非常入味,唔知點解整體比較甜。🥗田園沙律 $78依款清新嘅沙律做前菜啱啱好,有酸甜嘅醋醬汁,上面鋪滿咗芝士絲,仲有番茄仔同餅乾配搭🌽🥣 粟米湯 $58呢個粟米湯打到起曬泡,上菜嗰陣以為係cappuccino,味道香甜而且口感綿密,可惜就份量比較少。🧀🍰 巴斯克芝士蛋糕 $48呢款巴斯克蛋糕味道幾驚喜,佢嘅芝士味濃得來又唔會過甜,味道停留喺口好耐,而且中間有啲好似奶蓋咁嘅流心餡,同芝士味好夾🥖🧄🧀 西班牙鬆脆包配香蒜希臘芝士醬 $48鬆脆包口感超香脆,一咬落就霎霎聲,麥味香濃,而呢個芝士醬更加係錦上添花,奶味濃郁且帶少少酸奶味,唔需要加其他調味料都好入味。包嘅份量都幾多,如果有更多芝士醬就好
🥩🇺🇸 美國1855 安格斯肉眼 五成熟 $283
肉眼扒嘅外皮烤得焦香,裏面依然保持到嫩滑多汁嘅口感,切開中間可以見到肉質嘅鮮嫩程度,牛肉味幾出。上面嘅炸蒜蓉片非常香口,甚至有少少搶咗塊扒嘅風頭,亦提供咗兩款醬汁選擇,不過本身肉眼扒多汁入味都唔需要點醬。
🍝🍄 黑松露忌廉雜菌意粉 $123
雜菌種類同份量好多,食落應該有牛肝菌、雞髀菇等,咬落粒粒口感味道又豐富,忌廉醬汁帶有濃郁芝士味,醬汁沾滿咗整碟意粉,非常入味,唔知點解整體比較甜。
🥗田園沙律 $78
依款清新嘅沙律做前菜啱啱好,有酸甜嘅醋醬汁,上面鋪滿咗芝士絲,仲有番茄仔同餅乾配搭
🌽🥣 粟米湯 $58
呢個粟米湯打到起曬泡,上菜嗰陣以為係cappuccino,味道香甜而且口感綿密,可惜就份量比較少。
🧀🍰 巴斯克芝士蛋糕 $48
呢款巴斯克蛋糕味道幾驚喜,佢嘅芝士味濃得來又唔會過甜,味道停留喺口好耐,而且中間有啲好似奶蓋咁嘅流心餡,同芝士味好夾
🥖🧄🧀 西班牙鬆脆包配香蒜希臘芝士醬 $48
鬆脆包口感超香脆,一咬落就霎霎聲,麥味香濃,而呢個芝士醬更加係錦上添花,奶味濃郁且帶少少酸奶味,唔需要加其他調味料都好入味。包嘅份量都幾多,如果有更多芝士醬就好喇😚
🥜🍓🥞 開心果忌廉配新鮮士多啤梨梳乎厘班戟 $138
班戟比我想像中大份而且多醬,🤣彈下彈下好吸引,鋪滿喺梳乎厘上面既係忌廉醬,唔算好甜,又帶到開心果味道,切落去嗰陣流曬入去班戟入面,望到好滿足🤤而梳乎厘班戟嘅口感啱啱好唔會太多空氣又有綿密嘅感覺
🥐 拿破崙 $38
用咗心形拿破崙餅底,唔係平時夾心嗰種,上面鋪咗水果同忌廉,味道有啲偏甜,外形幾啱節日活動或者情人慶祝用。
NATA 🥩🍝🧀🥞
觀塘巧明街107號國基集團中心401室
張貼