更多
2023-06-22
278 瀏覽
我平時食開嘅Tasting Menu一般都會寫到明會有啲咩菜式又或者有幾多個course,但係呢度好有趣,侍應會先問吓大家有啲咩係唔食得嘅,然後好似我媽卡些咁樣,上菜嘅時候先知有啲咩食。整體所有菜式都喺中上嘅水準,最深刻係其中一個意粉唔係好合我哋嘅口味,我哋大家都食咗一兩啖,咁啱個侍應過嚟問我地悶滿意啲菜式,我哋就如實回答話其中一個意粉麻麻哋,佢就即刻好熱情,咁樣同我哋講話幫我哋換,仲問我地比較鍾意啲咩口味嘅意粉,又問我哋夠唔夠飽,如果唔夠可以再叫廚房整多啲俾我哋但係其實我哋嗰陣時已經好飽,仲要未食甜品同埋我哋帶嚟嘅生日蛋糕,所以真係好抵食。最有驚喜嘅係個甜品,首先由每一台都會叫嘅tiramisu,呢個好味就一定㗎啦,但係估唔到另外嗰個開心果焦糖布丁都咁好食,好滑好香開心果味。建議嚟呢度慶祝生日嘅話唔使自己準備蛋糕,因為真係會太飽🤣佢地仲會一齊唱生日歌㖭,呢度嘅服務真係好好,環境都好舒服
張貼