L.D.K. by Ufufu Café (東薈城名店倉)

營業中

休息中

東薈城愈來愈多好嘢食！午飯時間嚟咗試ufufu😛 吉列豚肉份量好多 肉質都幾嫩外層炸粉好薄好酥脆 唔會介口👍🏻日式咖喱甜甜地唔會太重口味滑蛋包住炒飯😋 整體都好高質🤤本身想試梳乎厘班戟 但原來要2:30pm先有🥺於是都叫咗兩款吐司五個人分～吐司平均分左三件 吐司幾鬆軟上面分別係朱古力/抹茶雪糕同忌廉抹茶同紅豆一向都係最佳配搭紅豆蓉好creamy同好甜😋 香蕉片加朱古力醬都係mvp😝加上半溶嘅雪糕 好好味👍🏻————————————————————————總結午飯嚟講價錢真係唔平但咖喱蛋包飯真係好好食！而且份量都好足甜品都不錯 希望下次可以試到班戟🥺加埋環境好有日本旅行嘅感覺～

《東涌東薈城·L.D.K by Ufufu Cafe》L.D.K.係東薈城開咗冇耐，香港人就最鍾意排隊，一點幾去到，排隊人龍仲係好長。餐廳係食日式西餐，個人認為食物質素普通，以食物而言，性格比唔高，但如果想同朋友搵個地方食下甜品、傾下計，都係一個唔錯嘅選擇嘅。利申只係食咗幾樣嘢😀1. 牛肉壽喜燒烏冬$82: 正常發揮，壽喜燒湯汁鹹甜程度岩岩好2. 芝士明太子年糕$58: 好味但偏鹹，同埋$58得兩舊好Q貴🥲3. 香蕉朱古力pancake$98: 第一次食港女pancake，比較唔到，但感覺唔係好值4. 抹茶拿鐵$48: 好飲嘅，糖漿另外上，可以自己控制甜度，有抹茶味🍵💰人均$200蚊左右總括而言，食物同服務正正常常，價錢小貴，但地方乾淨企理，以下午茶而言都係一個好選擇。

上星期日去左東薈城行街街，商場做緊優惠買滿$6000送$150 LDK Cafe食券+電影戲飛兩張❤️今個星期就去用埋佢🤪 6:30左右去到餐廳唔使等位😆兩個人叫咗一個飯⭐️兩個小食⭐️兩杯嘢飲份量都足夠日式咖喱漢堡蛋包飯賣相不錯新鮮炸起嘅炸雞扒，原本以為係雞件嚟嘅但原來係雞扒外皮超趣，雞肉好滑🥳配埋個沙律汁超開胃明太子芝士焗年糕佢係一大塊年糕一齊焗，明太子份量都幾多😛估唔到咁樣食又幾好食飲品就冇跟餐，要另外叫，略嫌有啲貴叫咗一杯鮮奶咖啡☕️一杯蜂蜜鮮奶咖啡😗不過不失埋單$380扣翻$150coupon補咗$230，都算抵食

東薈城入面間Ufufu Cafe，門面同menu都好似好靚仔。頭先同老婆睇完戲，就去咗試下。行到門口，冇人排隊。侍應問我地幾多位，我答"兩位"。佢就示意要我地掃安心出行，我地就即刻掃，以為係即刻有得入。哈，誰不知，掃完佢叫我地喺側邊排隊。一排隊，前面突然就多咗兩個人。睇落其中一个好似大肚。咁就算數，都係兩個人啫，好少事。結果排咗十分鐘左右，就輪到我地入去。老婆想試下追加嗰個酥皮湯，但侍應話冇酥皮湯。結果，我叫咗牛肉壽喜燒烏冬，追加一個白飯，老婆就叫咗豚肉生薑燒烏冬。落單後五分鐘左右，侍應攞咗碗白飯嚟。好奇怪，乜嘢都嚟，居然白飯先上。以為我個壽喜燒好快就嚟，咁我就耐心等待。間嚟啲冷氣都開得好行下。等咗十分鐘左右，人同碗飯都吹到凍哂。我老婆嬲嬲地，就同侍應講你俾碗白飯嚟，又唔俾其他食物，而家碗飯都吹到凍哂。(我老婆唔識中文，所以係用英文問佢) 侍應好似完全聽唔明，又冇要求我用廣東話幫手表達發生乜事，佢就行去揾其他人幫拖。另一侍應嚟到，老婆重復頭先嘅説話。侍應用中文回答“咁我幫你收起碗飯先"，然後就攞走碗飯行咗去。又過咗四、五分鐘，我個壽喜燒嚟喇。個様幾靚仔。老婆個生薑燒未到，我諗住等埋佢先

今次頭盤所選擇嘅係脆炸廣島蠔，炸可樂餅配黑松露忌廉汁及 芝士明太子烤年糕主食所選取嘅係 鹿兒島縣和牛漢堡飯及蛋包飯， 香煎鵝肝梅子意粉甜品選擇左 Tiramisu蛋糕栗蓉芭菲 同 Tiramisu蛋糕朱古力芭菲頭盤方面可樂餅非常脆口，黑松露忌廉汁濃厚炸廣島蠔外炸皮亦非常薄 蠔肉夠鮮味烤年糕配明太子 中和返年糕嘅飽肚感主食方面不過不失唯一一提嘅係梅子鵝肝意粉份量比想像中少 但日式梅子配上鵝肝能夠中和鵝奸既油膩感覺 配上原本既意粉汁味道亦不錯甜品方面兩者嘅Tiramisu蛋糕味道較輕建議咖啡味可以重一點朱古力芭菲亦配有三種口味嘅雪糕有雲呢拿，焦糖同朱古力配上粟米片或可可片，香口嘅脆蛋卷及忌廉建議大家可試一試佢哋嘅甜品甜品方面較為出色個人評價： 總結 3/5星服務水準中規中矩

完美示範點樣毀左個happy Sunday!見佢有空氣班㦸就想試下，同其他比較下，試完只會講句無下次！🙅🏻‍♀️由未行入餐廳，接待員已無乜禮貌同你講野，帶位帶一半就指你自己行入去！到落order 香蕉朱古力班㦸，menu寫等20分鐘，過咗30分鐘問侍應，跟都唔跟就話整緊，問第二個就惡言相向話整緊，問第三個先肯入廚房望吓，卒之等咗45分鐘先有得食😡班㦸毫無蛋味，香蕉好生一陣青味！好食都話等吓，又唔好食，服務態度又差，又等得超耐，一肚氣！😡

黎到東薈城outlet行街，順便發掘下新開嘅餐廳，呢間LDK啱啱開張，之前食過佢嘅main menu覺得都OK，於是今次就試下佢哋嘅甜品啦。我哋平日晚餐時段6:30去到，已經有條隊等緊位，大概等咗15分鐘就入得。甜品嘅選擇都幾多，好多嘅賣相都好精緻，掙扎咗一輪，我哋揀咗香蕉曲奇法式吐司同埋焦糖布丁芭菲。吐司唔係原片方包上，而係幾件小麵包咁上碟，唔使點切，都幾方便。味道就係意料之中咁好食，啲cream食落唔會漏。而杯芭菲嘅層次就好豐富，就快要滿瀉，口味都係好甜絲絲嘅感覺。不過可能因為食咗重味嘅曲奇吐司先，所以就覺得呢杯芭菲淡味啲。下次再嚟的話，想食返主食，平衡一下口味。

餐廳位於東薈城7樓，大食代food deli同一層，前身係翠華燒味。假日下午茶時間都好多人，要等大約25至30分鐘才有位。假日係冇午餐或者下午茶，全部都係單點。餐廳主打是似乎係pancake和甜品。但朋友今日唔想食甜品，所以點了兩個主菜。主菜的選擇都不少，有飯，意粉，沙律，鐵板，漢堡包等。九州風海鮮蕃茄意粉 $138意粉有魷魚圈，蝦和青口，很豐富。煮得剛好，魷魚圈和蝦都很爽口，只是青口有點韌。餐牌蕃茄意粉強調是用熊本蕃茄 ，但蕃茄味不算很濃郁，有點失望。意粉內加了少許辣椒，微微帶點辣 。吉列豚肉佐咖哩蛋包飯 $148賣相非常吸引，咖喱味很香。因為是日本咖哩，唔辣，帶甜味，配飯一流。吉列豬扒，外層炸得非常脆，內裏都算軟熟，整體味道好非常好。蛋包飯也值得一讚，蛋味濃而且非常滑，裡面包著的是蘑菇炒飯，味道少少甜和香濃。這個蛋包飯值得一試。整體來說，食物味道不錯，環境和服務都不差，來到東涌的朋友可以去試試。

又到下午茶的時間啦！被這間餐廳的日系的裝修和餐牌吸引了~試了一款焦糖千層蛋糕（$48），上面有用火燒過的焦糖，配上千層蛋糕，底層有海綿蛋糕。千層蛋糕不算很creamy，但以這個價錢而言，整體味道不錯！另外，還叫了一款抹茶pancake（$98），價錢比一般pancake貴，但勝在配料豐富，有抹茶雪糕、蕨餅和、小丸子和紅豆蓉。pancake不是空氣感，是偏厚實的，所以會有一點飽腹感。餐廳環境寬躺，感覺還好。