JEP by Involtini

營業中

休息中

食生日飯去試味道言過其實 好多線稿 計埋加一400幾既紅蝦意粉 係值百幾左右既味道No next time..............................

今天和朋友一起去了一家手工意大利粉餐廳，點了墨汁意粉和卡邦尼意粉。餐廳上菜速度挺快的，等了不到十分鐘就送上來了。環境也還不錯，有些簡約風格的裝潢，整體感覺很溫馨。先說說墨汁意粉吧，這道菜色澤黑亮，看起來十分引人注目。嚐起來味道也挺好，意粉口感爽滑，帶有淡淡的墨魚香，讓整道菜層次更加豐富多樣。接著是卡邦尼意粉，這道菜看起來比較平凡，但是味道也相當不錯。麵條的口感非常紮實有嚼勁，搭配上濃郁的奶油， 整道菜的口感非常豐富。兩個食量正常的人可以考慮試三份意粉，分享因為份量不算太多的。不過有個有趣的細節，餐廳提供的麵包，不論你一個人還是兩個人的份量，麵包都只會給你兩個。這點有些好笑，但也不影響食物的品質。總體來說，這家手工意大利粉餐廳的食物品質挺不錯的，口味相對濃郁，份量也合理，餐廳環境和上菜速度都很好，價格也在合理範圍內。如果你想嚐嚐屯門意大利風味的話，不妨來這家餐廳試試看吧。

.【自家製手工意粉，冬蔭汁，菇，本地新鮮魷魚】⭐️⭐️⭐️⭐️非常鮮味的一道意粉，本地魷魚咬口有勁道，而且有淡淡的海水味，配合辛辣的冬蔭功汁，有想追著吃的意慾。手工意粉彈牙，做得相當出色。【傳統卡邦尼手造意大利麵】⭐️⭐️⭐️⭐️1/2看着那濃厚的蛋黃加芝士結合而成的卡邦尼醬，便知道這道意粉味道有多濃郁。豬頰肉釋放的油脂香包圍着意粉，即使份量不多，亦已經很滿足。【提拉米蘇】⭐️⭐️⭐️不像傳統的Tiramisu，這裡的是將所有tiramisu原食材分開呈現，由你決定味道的多寡。非常有趣。

我係元朗人,但都鐘意四圍去食嘢,特別鍾情於西餐同埋日本菜,所以會周圍去試唔同嘅嘢Jep係一間我由疫情開始幫襯,到今日都冇退步嘅餐廳,而且有時會有啲新嘗試嘅菜式,會令我keep住去見到有啲食評話佢哋服務態度唔好,但我又唔係好覺,都唔錯呀,佢哋絕對唔係企鵝(佢係度唔做野)起碼見到冇水會斟水,食完啲碗碟會收返,而且好有禮貌,所以我對服務態度唔好嘅食評有啲不解🤣🤣🤣🤣🤣🤣🤣1)餐包老實啲講句,佢哋嘅麵包係出色過銅鑼灣店,夠熱,而且係烤得好鬆軟,但重點在於牛油,留返啲懸念,大家親身去食先知有幾好食2)米蘭式炸牛肚雖然牛肚係港式嘅食品,但係用意識嘅方法去整,估唔到有幾好食,幾夾,炸粉好薄身,牛肚香口,配埋檸檬汁,係真係好夾,雖則我唔鍾意食熱氣嘢,但都覺得好食3)昆布蜆湯我每次嚟,一定會叫嚟飲,因為真係好鮮甜,而且佢哋係用新鮮蜆去整,正到我每次嚟都會叫4)紅蝦意粉咀尖嘅我最鍾意西班牙紅蝦,無他,因為真係好好食,呢度嘅紅蝦意粉絕對冇令我失望,識整紅蝦嘅廚師都知道,一定唔可以將佢哋整到全熟,如果唔係啲蝦會霉,Jep都唔例外,紅蝦好食,但我覺得個重點係喺蝦汁同埋個意粉身上,蝦汁係鮮甜到令我覺得好似飲咗一啖

我們包場8至10點。部份客人8:00到達，侍應要求即刻上餐包同埋前菜，但係部份客人其實仲未到。即係要我啲食物放喺枱度吹到凍晒？客人一到張枱就已經有食物？前菜食到一半，侍應要求上主菜。1份四至五人量的牛扒，只提供一把扒刀。而每個位置並沒有提供餐刀。大家要share 一把扒刀。或者用口咬開塊牛扒。沒有提供足夠白酒杯。佢哋話唔夠杯。主菜食到一半，侍應要求上甜品。叫咗三個甜品，全部擺埋一碟，當中有咖啡有cream有甜漿，幾樣野，唔知邊樣夾邊樣。完全冇講，冇介紹。最後9:40分，拎個食物垃圾盆過嚟，瘋狂收嘢，部份客人仲食緊，問都冇問收晒啲餐具。拉開晒啲枱。同我哋講話佢地要收工。從來未食過一間餐廳咁嘅服務態度。我哋包左埸至10點未夠鐘就以惡劣嘅態度趕人走。

好開心, 朋友一早訂左位, 喺屯門試呢間米芝蓮餐廳, 位置都唔近屯市中心, 係比較入啲嘅區域, 良德街都係食街嚟, 附近好多餐廳包括我好鐘意嘅Canadian Pizza一坐低食嘅牛油餐包好鬆軟蜜瓜火腿忌廉湯香濃龍蝦意粉超超超好味, 龍蝦好大隻新鮮, 蝦頭都有膏醬汁好濃郁比意粉索曬甲羅燒意大利飯牛扒就反而有D失望, 好多筋, 有少少過熟, 個沙津菜冇特別, 值得讚係焗蒜~最尾叫左Tiramisu好好味, 係完美嘅句號.想walkin撞吓運氣最好打去問左先, 果日大年初七JEP收早, 有幾個客2點嚟話喺澳門嚟想食摸左門釘

一直都好想食Involtini 嘅紅蝦意粉！平日晏就遠道屯門姊妹店，無book枱都入到！室內採光十足，有吧枱位可以欣賞到廚師嘅手藝，亦設室外位置。店員介紹得好詳細，亦會定期換下碟。不過午市得90分鐘用餐時間 真係趕左啲，食沙律食到一半就上咗意粉，少扣分。不過意粉實在太岀色，價錢又相宜，所以幾趕都好都會encore(夜晚有2個鐘用餐時間 應該會食得舒服啲~)⚠️Cash only𝘼𝙥𝙥𝙚𝙩𝙞𝙯𝙚𝙧𝙨酸種麵包及法式牛油麵包、自家製黑醋牛油🥔Daily Soup +$25是日餐湯 薯仔湯~ 店員知道係for share就主動分左做2碗上。餐湯creamy滑溜，忌廉味唔會太搶，薯仔味好岀，兩者幾balanced。略嫌佢清淡左啲，鹹少少就更好🥗新鮮水牛芝士番茄青醬麵包沙律 +$25青瓜爽脆，番茄多汁，加上黑醋相當清新。麵包糠好脆，仲有我最鍾意嘅水牛芝士𝙃𝙤𝙢𝙚𝙢𝙖𝙙𝙚 𝙋𝙖𝙨𝙩𝙖 / 𝙍𝙞𝙨𝙤𝙩𝙩𝙤🧀傳統卡邦尼手造意大利麵 $168傳統卡邦尼不加忌廉，醬汁同樣creamy，入口好濃芝士味！手造意大利麵麵質偏硬，幾有咬口，每一條都掛滿醬汁！風乾豬腩肉為carbonara增添鹹香，更帶焦香。不過真心少

想食e間餐廳好耐，因為想試佢d手工意粉同意大利飯講真quantity黎講真係好少，成年男應該會唔夠飽，不過quality黎講真係幾高質紅蝦意粉好鮮味，蝦汁都算幾足夠，意粉掛到汁唔錯蟹膏意大利飯令人驚艷，真係每啖都食到濃濃ge蟹味，好食ar

屯門都可以吃個有心思嘅4-course lunchweekend高朋滿座好在快一步坐到最愛戶外位餐包無限任添😋亦有酸種同牛油包選擇配上自製醋牛油已可見誠意可加薯仔湯果然係我的至愛main course試了手造carbonara 意粉雖然份量不多汁醬creamy 口感煙韌🤤是日甜品只得一款紅酒梨配雪芭係超級好味！😱全部心機製作怪不得高朋滿座雖然限時還枱但上菜速度快店員亦用心介紹煮法、食材呷埋咖啡埋單都唔覺食得好急反而好似去咗趟食物深度遊🥰

📍 JEP by Involtini ______ JEP- 能令我一再願意花1.5小時車程去拜訪的餐廳。JEP是Involtini 的副線，餐廳位於屯門遠離市區,主打以大眾化價錢品嚐到優質自家手製意粉。去了數次，基本上把餐牌上感興趣的都點了一遍，招牌紅蝦意大利麵和松葉蟹甲羅燒蟹膏意大利飯令人驚艷，絕對必試！充滿蛋香的意粉剛煮到Al dente 程度再被香濃蝦膏醬汁完全包裹，再咬一啖鮮甜蝦肉，滿足非常。一般來說蝦膏醬汁處理不當會有苦澀味，JEP完全沒有這個問題。只能說同樣質素的意粉在中環售五百不足為奇。蟹膏意大利飯以同心圓形狀擺盤,由外至內分三層品嚐，第一口先試意大利飯，第二啖再嚐蟹膏配飯，最後一口加上中央的鵪鶉蛋黃，飽滿濃郁味道中感受每種層次。銀鱈魚烏魚子意大利飯和炸海鮮味道也不錯，只是珠玉在前，略顯平凡。期待下次再訪！P.S. 餐廳只收現金🤫______訪店時舊價： 西班牙紅蝦手造意大利幼麵 $380松葉蟹甲羅燒蟹膏意大利飯 $298西京燒黑鱈魚,意大利風乾烏魚子,魚湯意大利燴飯 $248意式炸海鮮 $120______📍 JEP by Involtini (屯門)屯門良德街8號珀

▫️ 蟹肉蟹子牛油果醬手作意大利粗麵👉🏻 蟹子好足料，蟹肉同牛油果鮮醬都好鮮味，醬汁沾滿左成個意粉，但係整體個味道係有啲淡🤔👉🏻意粉厚度適中，有蛋香同有咬落幾煙韌，但份量有d 小😢⭐️⭐️⭐️.▫️歌根蘇拿啤梨意大利飯👉🏻risotto質地好飽滿Creamy，醬汁好濃奶同芝士味，啤梨粒好清甜中和咗漏嘅感覺，呢個配搭唔錯⭐️⭐️⭐️⭐️.▫️DIY Tiramisu 第一次試呢個食法，店員教我將手指餅點Expresso，再𢳂d Tiramusu Cream 落我一齊食👉🏻Tiramusu 好濃味，質地好滑，唔會好甜，幾鍾意呢個食法因為有Espresso 嘅苦澀令到件事更加唔甜，同埋有餅乾提升咬落去嘅層次👉🏻手指餅甜甜地，本身有味，有啲無奈係唔係好夠脆😢⭐️⭐️⭐️.🔹跟餐頭盤🔹▫️新鮮水牛芝士蕃茄麵包沙律 👉🏻沙律有有蕃茄青瓜粒麵包糠粒同埋水牛芝士再配青汁，食落味道都幾夾，幾Fresh 幾開胃⭐️⭐️⭐️⭐️.▫️酸種&黑麥麵包配自家制黑醋牛油 👉🏻麵包新鮮軟熟，上檯嗰陣仲係微暖☺️黑醋微微甜甜地，牛油唔知點解冇陣時嘅牛油咁濃味🤔⭐️⭐️⭐️套餐本身包基本飲品， 或者加$15升級其他飲品❗️餐廳好細，最好預先喺inline訂位，我經驗

今日老婆生日，網上好多人話呢間pasta質素極高，所以抱住都幾高期望來一試究竟，畢竟定價喺屯門嚟講真係頗高。主菜點咗signature嘅handmade Carbonara同Red prawn taglionili, 下面係個人評語：Carbonara: 睇到食材用料應該算上乘嘅，但問題係個汁味道太鹹太搶，所以好大程度咁掩蓋咗麵條原本應該有嘅鮮蛋味道。亦因為麵條嘅蛋味冇咗，即使手工麵條火喉控制得唔錯，但令人食唔出成個手工意粉貴喺邊。如果用一句總結，就係將一手靚牌打壞咗，非常可惜。Red prawn taglionili: 紅蝦本身貨源不錯，所以食落感覺好好。餐廳原本建議將紅蝦蝦膏撈埋落意粉醬汁度令個汁嘅整體昇華，但如果大家學我咁曳一開始淨係齋試一啖醬汁，食出來嘅感覺會似只係將above average嘅罐頭龍蝦湯(e.g. Baxters)開濃啲，所以後來我終於明點解侍應建議要將紅蝦蝦膏一齊撈...另外之後睇番舊文對比先知原來近年紅蝦數量減少(好似由4隻變2隻)，而價錢就跳咗唔少...用2個字總括2個pasta: 唔值。第一，如果餐廳地點係中環，呢個價錢acceptable, 但喺屯門

要訂位，原因係室內只係得幾張枱度，沒有訂位要坐外面。 服務態度非常差，侍應有少許不肖態度，要客人叫才懂得開暖爐不會主動開旁邊heater, 不懂執枱，用呢種高級餐廳的價錢，咁差服務真係極度強差人意！食物一般並不是非常出眾，其實有些比較便宜的餐廳也吃到。另一個重點而係竟然要俾現金，要數一張張紙幣，千幾蚊，Oh my god ! 電子世界啦，外國人都會用電子貨幣，已經唔會現金數俾你，好似去咗很久以前的大陸咁數銀紙，真係核突啊！仲有你請個侍應有藐視態度，真係過份啦！食的過程是享受，而並不是限住你90分鐘內食完嘅西餐，西餐唔係一齊送上枱，仲使食物烹調得好，但不能亨受食物的感覺，已經破壞一大截了！雖然餐廳在我樓下，我已經決定不會再幫襯你了，寧願去中環、銅鑼灣都唔會去你嘅餐廳，真心失望啊！

初四25號打去問有冇位，叫我上佢網book, 上到網，只能book 26號。咁再打去問，果位小姐串過馬乜。話咩網上book 呢就咁咁咁咁咁（下刪500 字），我問一句，其實我都上網睇咗book 唔到，而家係電話中落booking 得唔得？（有就有，冇就冇，唔好同我講咩網上面我唔識book) 之後仲話book 唔到因為可能已經full, d 人30 日前book. 仲好串咁話冇啦bye bye la. 其實咁串學咩人打開門做生意？

之前已經聽聞呢間手工意粉好出名，所以專程過嚟試，唔知係咪因為星期六嘅關係，啲枱都幾full我同朋友點左一個卡邦尼意粉同埋紅蝦意粉，份量係真係幾少，不過每次侍應喺上菜前都會介紹菜式特色，呢一點值得一讚👍卡邦尼手工意粉點樣同我哋講卡邦尼意粉係用意大利傳統做法，所以蛋汁會香濃啲。而食落蛋汁真係好香濃，不過我覺得味道偏鹹咗少少。紅蝦手工意粉侍應亦都係上菜前特別同我哋提及，呢一款紅蝦蝦膏比較香濃，食嘅時候可以撈埋蝦膏嚟食而家嘅一款意粉我覺得幾有特色，蝦味道香濃，但係唯一一個缺點就係兩款意粉温度都唔太夠而最後佢哋嘅飲品都唔錯，味道幾好。最後埋單兩位$700，價錢算偏貴，食完唔係太飽，因此性價比唔算太高，所以試過今次都未必會再二訪🥲不過睇得出店員，同埋老闆都親自落手落腳去做，服務係真係好好！