Ent Restaurant and Bar

營業中

休息中

過年，忙碌左兩日，今日回歸平靜。想食得輕鬆寫意一啲。決定去大尾篤走一走，選擇了Ent Restaurant & Bar雖然天氣有點冷，但坐外面靜一點,方便傾喫既然係酒吧，當然有Cocktail 同Mocktail, 最後都係叫左生啤，啤啤佢Parma Ham Caesar Salad Garlic Shrimp with Lemon Grass and Sweet Chilly Sauce 濃濃泰式味道，十分惹味！like 餐廳有pasta, pizza, risotto嘅選擇，但墨西哥菜就少有啲，所以揀左兩款墨西哥菜Chicken Taco,薄薄脆餅包裹生菜，雞肉，幾得意，啱曬飲啤酒Pork Nachos : 想像同現實有好大距離，平時係酒吧吃Nachos一般係三角型配上不同醬。諗住pork nachoes 應該係芝士免治豬肉係面，點知估錯曬。Nachoes 係大片，有橄欖，菇菇，蕃茄，豬肉係一絲絲似慢煮，但個人口味就鍾意Taco 多啲坐低飲杯野，吹吹水，的確寫意

週末梗係想悠悠閒閒咁食餐飯，搵間近近地但又叫小小遠既餐廳食啦我地係Open Rice 上book 有85折去到叫左3樣野1. Chicken Questadillas2. Prama Ham cheese and rocket pizza3. Lobster Risotto4. Classic Mocktail 俾小朋友飲5. Creamy Rose 都係俾小飲其實大致上味道都好食！但potion 細左小小，尤其是個Lobster Risotto, 我地4人每人一啖都食完埋單$580到！不過不失啦

Had a very cosy lunch break, with three of the successful personalities from our office, in this modest Mediterranean-inspired outdoor place. The restaurant is covered in blue and orange. Location-wise it’s quiet and inconspicuous, you’ll just need to bear with some mozzies buzzies. Instead of a Mediterranean menu, it offers western set lunches. Had the tomato carrot soup and I like the fresh seedy bread toast- still soft on the inside! We tried the burger and steak. Mine was ribeye served medi

間餐廳幾就腳，裝修唔錯，有室外同內。室內有d暗，睇野有d濛查查👀同埋天氣熱就唔夠冷氣，食到出汗。但係野食好食同唔貴啊！嗌左件new Zealand 西冷$98. 包餐湯。個presentation 幾靚，扒又有牛味。揀左medium個熟度剛好。可惜無跟d薯仔，唔夠飽啊！加18蚊食個new York cheesecake! 都好值得，個cheese 好滑😋野飲要再另加18，我就無加了。服務上，得2個waiter, 一個後生既勤力但好似乜都唔識，老果個就踢哂腳。睇黎要揾個熟手d。總括呢間野食lunch係好ok ge! 幾chill! 天氣涼d應該會再舒服d!

大尾篤墨西哥菜。細細間餐廳，有分室內室外，我哋選擇咗室內位置，有冷氣舒服啲嘛。星期一夜晚8:00到餐廳，入到室內淨係見到一台客人，加埋我哋只有兩台客。坐咗兩個鐘慢慢傾計，冇人追你埋單Pull pork poutine好搞笑喎，豬肉薯條chicken taco類似係薯片包住啲沙律Scallops RisottoSirloin Steakmedium well ... 個扒都幾好味，只係略嫌佢熟咗少少Fuego Pizza素食者適合，我就麻麻地整體來講一般般啦，如果唔想等位，又想搵個靜靜地嘅地方都係一個選擇。食完飯可以去大尾篤行一陣睇星星

一個開始熱的下午來到這裡, 這店優點是"慢活"無壓力, 價位唔會離地, 廚藝方面有返咁上下,份量就係依家時下嗰隻- 食唔飽但唔僧會餓親, 午餐價不包飲品, 加普通凍熱茶/啡都係$18, 由於有身戶外位置適合一家大細坐得舒適, 當日叫咗三個餐: Duck Breast $78, Peperoni Pizza $88, Pork Ribs $78 , 其中豬排骨最好食不過肉特別少, 而這份餐出嘅份量大約係整條排骨的3支骨, 肉質似慢煮過嘅口感, 另外的鴨胸主要係個醬汁做得出色, 四片厚切鴨胸, 你都可以話最中間部份即係最精華的部份啦, Pizza 就3無須多講啦因為係買返來的貨, 那天下午我們座了差不多四個鍾, 他們也懶理我們了,

幸得友人車我入黎大尾督食個quick lunch，先可以嘆到一個寧靜的午餐，真寫意，正因為太寫意，時間都忘了。點了Set lunch紐西蘭西冷牛扒吃，嘩佢肉質嫩口，一點都唔難咀嚼，配在海鹽或是芥末醬真是絕配，增添色彩的是牛扒底下墊了翠肉瓜，翠肉瓜都吸收了一點肉汁，格外鮮甜，又可以為整餐肉肉減輕了一點罪疚感。值得一提既係餐前既餐湯配上塊很有特色既麵包，上面滿了健康穀物，加上咬口，暖暖的，很開胃。下次真係要黎試下佢個豬仔脾先🤪

老媽子見天氣幾好，話入大尾督行下入到去，首先食個lunch先啦之前喺呢間已經食過dinner，記係幾好食架去睇下menu，lunch set大約80左右，不過飲品要加錢，但喺大尾督算係可以接受最終1人叫左位1個set, 分別係鴨胸、安格斯同baby ribs鴨胸有驚喜，佢並唔係煙鴨胸，而係煎嘅方式黎煮，雖然鴨胸油脂很重，但食落卻唔油膩，個炒飯都好好食，非常值得一試😋😋呢份安格斯以lunch黎講，一啲都唔細，生熟度同我地叫嘅5成非常接近，肉質十分稔滑，牛味頗重但不羶，好好食3個比較下，呢個係最平凡，但其實ribs整到啲肉好離骨，基本上唔需要用叉已經可以骨肉分離，事實都係好好食😋如果下次黎開大尾督，除左泰國菜，呢間絕對值得食呀😋😋😋😋

大年初一，行完大運唔知食乜好。咁岩搵到ENT有開，而且唔加價，行完個大運即刻入大尾督回味一番😋黎呢到交通都好方便，撘小巴20C會快過巴士十幾分鐘，撘到總站落就得架啦。黎到ENT已經七點，天都黑啦，但正中我下懷☺️最中意坐佢撘帳篷既半露天座位，感覺好chill上次黎只係記得食左西餐，睇真d先知原來呢間係墨西哥餐廳，哎呀😵記錯曬！不過仲好，下次想食墨西哥菜就知去邊！😋睇完menu，我地要左兩個set dinner。先上左兩杯白酒。然後再上餐湯，今晚係羅送湯，稍辣，但好開胃好正。平時食咖哩魚蛋都覺得辣既就應該接受唔到。再上凱薩沙律。唔，係我中意既味道，乾身脆卜卜既火腿配合烘麵包粒、生菜、比一般凱薩沙律醬再微酸一d既凱薩沙律醬，好開胃！份量幾大，係平時岀面跟餐沙律既一倍。嘩！上main course啦！我地要左香煎海鱸魚牛肝菌意大利飯同自家製辣肉腸薄餅。海鱸魚味道適中，鹹鹹地，略嫌塊皮煎得唔夠脆。意大利飯始終都係個心會有d實，咬落粉粉地既感覺。個辣肉腸pizza堅辣！好有墨西哥風味，啲辣肉腸好似係醃過墨西哥辣椒個種辣，但係可接受既。最後一道菜係甜品，係芝士蛋糕，同市面上一般嘅芝士蛋糕冇乜分別，唯

有時如果相對得閒啲既日子，興起lunch都會同事揸車去大尾督食，ENT係算我地比較多會光顧既餐廳，因為野食水準穩定而且冇隔離啲餐廳咁多人。呢到平日既lunch set manu基本每個月變動不大，都係西餐常有既選擇，好似牛排、意粉、豬仔骨等等，另外仲有pizza係即叫即整，但味道只係普普通通。今次叫左豬仔骨意粉，分量多但豬仔骨啲肉感覺太乾身，但味道幾好，同一般既配汁有啲唔同，意粉唔錯，係有番茄肉醬，都唔會痴埋一舊舊。比較推薦既反而係特別啲既鴨胸黃薑飯，鴨胸煎到好香口而且唔會好漏，黃薑飯食落比較乾身，仲有其他香料味，感覺有印度風。雖然呢間店set分量唔多，但仲有辣辣地好開胃既羅宋湯同埋好鬆軟既歐包，對女仔或者唔大食既人黎講應該絕對夠飽。

生日飯局第七回 - 💃🏻🕺🏻今晚又係我最快樂時光，一班相識微時老友為我慶生，今晚場地我好鍾意在大埔汀角路一間墨西哥餐廳，郊外地方寬敞舒適不用說，近日踏入秋涼微風徐徐吹來手裡拿著杯紅酒捨意同快樂就是這樣簡單。墨西哥風味雜菜湯味道比較甜我喜歡，多喝幾口帶點微辣認真開胃。小食是「特色墨西哥豬肉夾餅」香脆可口豬肉同醬汁份量混合得剛好令人食得過癮。雜菜沙律清新爽脆，有清洗味蕾之用！主菜 「燒美國豬仔肋骨」甜中帶微微酸，味道甚佳！主菜 「鮮茄海鮮意大利粉」這個一般沒有蕃茄味，芝士味重意粉比較淋身。主菜 「自家製辣肉腸芝士薄餅」厚厚一層芝士香脆熱辣頗開胃。主菜 「墨西哥雜菜薄餅」熱辣辣剛上碟塗上牛油果🥑醬正👍主菜 「紐西蘭肉眼扒配炒雜菜」肉眼扒有點過熟但都有牛味。套餐仲有甜品及餐茶甜品 - 芝士蛋糕香滑柔軟啖啖甜在心追加小食 「芝士蔬菜焗墨西哥脆片」 $128充滿著墨西哥風情💃🏻餐牌我們一行六人用了 HoKoBuy 團購每位都只是 $110認真抵，我們自攜二支紅酒開瓶費每支 $100。

星期日揸車入大尾督吸收下新鮮空氣 順便食過lunch 慢活下由於當時都兩三點 餐廳完全無人 好靜寧！有outdoor揀 但我地怕熱就坐indoor我地一人order左一杯mocktail~紅菜頭mocktail真係第一次見 作為紅菜頭fans真係必叫 好好味 好似食緊紅菜頭沙冰咁男朋友叫左呢杯signature 唔記得左名！都幾好飲！我地叫左一個set lunch跟salad再加一個小食一個main跟餐送既salad 用蜜糖芥末汁 甜甜酸酸開胃 有一兩款沙律菜 都幾新鮮Set lunch~鮮茄濃汁大蝦意大利粉幾好食 簡簡單單既配搭加上彈牙既意粉 very good 加埋tabasco好惹味炸薯角 $58無乜特別 一定好食 份量好夠墨西哥牛肉薄餅真材實料 餡料好豐富 每人兩件非常飽 有三款墨西哥成日出現既醬都不用多講！最後送上大尾督的美景☺️

之前慶祝父親節，爸爸係openrice搵到呢間墨西哥菜想試，就係父親節前一日帶爸爸黎食。咁book位個陣記得用英文溝通。咁係openrice上有一個優惠，就係晚市2人套餐，$278咋，好抵食。咁因為我地3個人到，所以去到我地另外多叫一個dinner set。西班牙香橙沙律幾freshSet dinner嘅餐湯同沙律都唔錯自家製辣肉腸芝士薄餅好好食，d芝士非常多，好濃味。特式墨西哥豬肉夾餅辣辣地，好特別。海鮮意大利粉配鮮茄汁，海鮮味好濃，有魷魚同硯等嘅海鮮。我地另外叫左燒羊鞍，煮得好香，肉質好嫩滑。而紐西蘭肉眼扒配炒雜菜塊扒好大塊，肉味濃。$278真係好抵食呀。

很久之前已經想到這間餐廳，但由於它位置偏遠，沒有朋友肯和我到這裡來，所以一直未能如願。幸好有住大埔嘅好朋友肯賞面和我來這間餐廳吃晚餐，終於如願以償。更好的是Openrice 有特惠晚餐😄套餐加錢就可飲特色飲品，要了碧波蕩漾，即菠蘿汁，很濃菠蘿味，不太甜，不錯👍🏻朋友叫了奇異新天地，有奇異果加蘋果汁，但味道太甜。第一道餸菜是特色墨西哥豬肉夾餅，初初以為會好辣，實際就唔辣的。個餅非常脆口及充滿粟米味，豬肉加上醬汁又好吃，這個Taco非常好吃😋西班牙香橙沙律很普通，唯一特別的是加了一些石榴。自家製辣肉腸薄餅餅底好脆，辣肉腸都係唔辣的，好普通的薄餅。紐西蘭肉眼扒要了五成熟，肉質鬆軟，很有牛肉味，不需點鹽已夠味👍🏻👍🏻還有一碟海鮮意大利粉配鮮茄汁，忘記影相，意粉味道很普通，海鮮不多。寫這個食評時才發現他們沒有比甜品我們吃，套餐應該有甜品的😭這套餐非常抵食，份量很足夠，埋單只需$383，雖然路程遠，但值得來吃的。

The chicken Satay has a lot of taste. Very nicely prepared Salomon spaghetti. Environment is clean and cosy. Good place to cool down after a good hike in HK hot summer.The manager finally smile when I complement the good food. Will come back and recommend for others