ASAP As Simple As Possible

營業中

休息中

海之戀商場來說是好選擇，因為這商場的餐廳除了少選擇，都是比較貴的。雖然坐落海景也沒海景位，但食物也是可以接受。雖然這類商場是貴了少少，但坐得舒服唔迫人，朋友聚會都合適。

荃灣海之戀部分餐廳享有海景，今天特意來到這間餐廳，已經過了中午食客高峰期，人流不算多 ，可惜還是坐不到近窗邊的位置，望到部分也算吧～ 入座時唯有要求坐較近窗邊位置，惜前食客枱面仍未清潔，只有等待，侍應顯得懶懶閒，你有你等，他怠慢地清枱。終於坐下，叫了牛脷蛋包飯和漢堡包餐，食物水準一般，不過不失，但感覺似快餐店水平，薯條overcooked 油膩膩，真可惜。店舖已位於商場角落位置，雖有海景，而食物一般，卻有一班服務的員工～

昨晚在荃灣海之戀商場ASAP點了$130的牛扒，誰知送上的竟是全熟快餐店級水平牛扒，今日在錫蘭食的$60比它更好，店長拒絕更換並回應這是廚師喜好及習慣，全熟牛扒是因為食物安全，我隨即回應即其他問顧客牛扒幾成熟的餐廳是否全部不安全呢？店長之後更說從來沒有顧客在之前投訴過，我變成了第一個投訴的客人，真係中伏兼氣結，跟著隔離枱點菜時明明清楚說要少汁，但結果上菜時都係很多汁，客人氣結問侍應，答覆是可能廚師忘記，亦沒有更換新的，難怪昨晚星期日6:30餐廳入坐仍少於一半

行下donki，順便係個商場到食埋dinner。見到呢間ASAP有蛋包飯，又有意粉、扒等等既野食，都幾啱食，而且價錢算ok，就試一試。1️⃣牛肋肉蛋蓋飯（$86） 可以揀汁，我地就揀左咖喱汁，咖喱汁係平時日式咖喱果種，撈飯食一流，牛肋肉都有幾多粒，唔會韌，都幾好食。另外仲有滑蛋蓋係飯面，蛋味唔算好濃，不過都ok滑。整體都唔錯。  2⃣️香煎盲鰽野菌汁忌廉燴飯（$95） 佢比我想像中好食。始終唔係cafe或者西餐廳，但係呢度既risotto係做得唔錯wor。首先飯係仲有咬口既果種，混合左好多菇，食落係啖啖都有菇既存在😋盲鰽就冇特別，肉質有啲散，不過個飯係真係唔錯。  3⃣️七味墨魚仔（$30） 炸得好脆，不過炸粉偏厚，同埋食落炸皮同埋揀墨魚仔係會自動分離。不過味道係唔錯既，有七味粉既香同少少辣，墨魚仔都幾彈牙。  4⃣️柚子鹽味炸雞（$30） 炸雞係好脆，不過都係炸皮偏厚。味道係真係食得出果陣柚子鹽味，好食wor👍面頭仲有好多紫菜絲。  

人手極不足，服務極之差，唔理客人，但態度尚可，坐低環境一般，連要杯水都要三催四請但都冇，食物質素差，等候時間十分長，沖一杯咖啡要最少25-30分鐘，咖啡沖完都要攤凍先至攞俾你，早餐雞肉通粉啲雞肉係由酸臭味，通粉水汪汪，蛋治全部都係凍冰冰，麫包又凍，又要三番四次追order！有趣的地方係價錢比其他茶餐廳貴但係食物質素真係差最厲害係會食完或未完就立即埋你身搶碟搶碗收晒所有嘢，十分有效率，其他服務就真係冇，想要多一杯水你都係莽想。

之前已經嚟過兩次，最鍾意餐廳入面個環境，可以對住個海景，坐得舒舒服服咁食嘢隔咗一排，今次約咗朋友又再嚟呢度食lunch見佢最新有個優惠套餐，$58有主食又有飲品，其實比起佢其他餐都抵食。不過由於今次我唔想食意粉，所以揀咗牛脷蛋包飯。牛脷好淋同入味，成碟飯份量亦唔細，女士們食一定夠飽其實呢度嘅食物算係偏貴少少，不過呢個蛋包飯$7x包飲品我覺得都ok啦。平日下午2點後冇乜人，可以對住個海景，靜靜地同朋友傾下計，慢慢咁坐下食下都算唔錯嘅！

As simple as possible ASAP好似喺唔同地區開得越來越多分店，今次係因為住喺附近，所以收到佢哋嘅推廣單張， $80可以減$8 ， $150可以減$15，所以先至過嚟試吓，但係發現原來佢哋11:30至12:30期間其實係會有早鳥優惠，有八折，所以如果大家想嚟食嘅話都可以早少少過嚟👍🏻今次食嘅蛋包飯唔會太鹹，入邊唔係炒飯底，但係個蛋都算係唔會太老，而且佢牛舌嘅份量都幾多，而且食落去幾有咬口，加埋佢個蕃茄汁就啱啱好🫶🏻

故事起緣於上星期日姐姐🧍‍♀️放假爸爸👨🏻去ASAP買外賣，但ASAP三大錯誤：1.芝士漢堡冇芝士，2.粟米🌽湯變蕃茄湯同3.沙律🥗走醬但有醬。最後打俾ASAP經理話下次free番兩個餐俾我。所以今日就打俾ASAP order返兩個餐，安格斯牛芝士漢堡餐同鹽燒三文魚蛋蓋飯餐，真係免費🆓不過話15分鐘，落到去就等多10分鐘湯🥣揀咗黑松露忌廉湯，原本要加錢，經理free埋俾我。叫咗熱latte，原本要加錢，經理又free埋鹽燒三文魚扒蛋蓋飯+安格斯牛芝士漢堡免費🆓餐，一定俾好評。蛋夠滑，安格斯好juicy 大塊，芝士都差d細到睇唔到。黑松露忌廉湯正，仲有薯條🍟都唔錯，沙律🥗我今次漏咗叫佢走醬，latte夠大杯

我們於24/12（六）平安夜晚上約六時左右到達餐廳，客人不多，我們叫了一個dinner（$128）及聖誕節special（$238）。❶dinner烤焗帶子伴南瓜蘆筍雞肉燴飯：大大粒帶子，南瓜也是大大塊的👍🏻❷聖誕節special①前菜：芝士蕃茄煙肉焗大啡菇：大啡菇不是很大，味道👌🏻②湯：安格斯羅宋湯：比較濃的胡椒味③主菜：法式酥皮焗野菌鮮三文魚柳配日式醬油汁：酥皮包住野菌及三文魚，口感豐富，三文魚挺大的。④甜品：薑餅合桃蛋糕配雲呢拿雪糕：合桃蛋糕有很多合桃💖埋單要加一，餐廳的氛圍也很棒，餐廳不太多人，吃得十分悠閑

高質素嘅一餐日本咖哩沒有好辣, 適合我這種怕辣人士牛脷厚到一個點, 正正正!快炸魚扒超大,重要切開嘅時候件魚扒仲有煙出的,外脆內嫩滑唐揚雞也是外脆內軟唯一比較要投訴嘅係滑蛋下的飯唔夠熱整體味道非常好加四蚊而嚟嘅沙律味道亦都非常好,菜也新鮮餐茶配洋甘菊茶,味道都幾香凍檸茶唔使加三蚊,所以好正整體上坐得都舒服, 唔需要介意佢係大快活嘅分支,好味就得啦!下次等我pass by佢其他分店, 我都會再試! 七十幾蚊咁嘅質素去邊度搵. 本來都有啲興趣試佢五十幾蚊嗰個套餐,不過因為飲品一定要飲汽水, 同埋講明分量會細少少就作罷. 橫觀四周吃正價意粉的分量都很大.海之戀分店出名有靚海景, 但嗰日太曬落咗窗簾就睇唔到...

今天約了好友去荃灣西吃午餐，我們走着走着就搵找到這一間看似比較合我們口味的西餐廳🤤，所以我們最終便決定吃這間餐廳。走進這間餐廳後，美麗嘅海景就一下子映入我們的眼中，感到實在太美了！😍我們看完餐牌後，便分別點了香草蘑菇意粉、特濃咖喱牛肋肉滑蛋蓋和法式牛扒配蔬菜。🙌下單號不到五分鐘就上菜了，香草蘑菇意粉的意粉偏乾，整體感覺一般🙏🏻特濃咖喱牛肋骨滑蛋飯的咖喱很香，蛋也很滑，可惜感覺份量太少了🫡這個牛扒的肉很嫩，配菜也挺多，但是牛扒份量很少，很快就被我們吃完了。而是日餐湯是粟米忌廉湯，忌廉味很濃湯，也有很香的粟米味。😋整體而言，整個用餐過程也很好，味道不差，環境不錯，價錢不貴，所以是值得品嚐的餐廳❣️

🌟望住海景食lunch好正🌟港鐵荃灣西站海之戀想有一個chill lunch 咁啱去開荃灣西 梗係揀海之戀🫣有好幾間餐廳都可以望海食嘢望到個menu 有好多選擇呀🤩🌼特濃咖喱牛肋肉滑蛋蓋飯-咖喱汁香濃 牛肋肉炆到好稔-滑蛋厚度均勻 擺係白飯上-撈埋咖喱汁好正🌼香辣鮮茄牛脷意粉-鮮茄蓉帶酸 加埋香辣汁 起到提味作用-牛脷份量多大大舊 都算稔🌼+$4柚子醋沙律-柚子醋好百搭-沙律好開胃飲品 叫左即磨咖啡&涷咖啡-兩杯都好大杯🤩最驚喜就係埋單果陣先知原來 11:30-12:29期間落單 有8折🤣望住個海景食野心情都好d❣️

ASAP ASAP 不是As soon as possible 而是 As Simple as possible ❤️簡簡單單望住過海，食一個餐，好好咁照顧自己嘅身心靈健康❤️今次去咗位於荃灣海之戀嘅ASAP風景超級靚，可以一邊嘆住冷氣一邊望住個海食個靚靚餐，打個卡😍佢喺銅鑼灣同埋沙田都仲有分店今次叫咗兩個餐1️⃣煙三文魚野菌青醬忌廉意粉🍝$99個意粉唔係好入味，如果係重口味嘅朋友就可能覺得太淡唔係好推介大家嗌但係整體來講個意粉質地唔錯2️⃣吉列豬扒漢堡 +薯條🍔$97比起想像中有驚喜！個肉煎得超脆口，但係入邊都可以鎖住個肉汁👍🏼3️⃣套餐🥗🫕加$4可以加個沙律-個醬汁幾特別，食落去好清新另外再加$8可以加個黑松露湯-黑松露湯真材實料，入邊有好多料，食落去淡淡薯仔，都幾飽肚人均大約$120 ，就可以喺室內望住個靚景慢慢食星期六去餐廳都唔算多人，可以慢慢坐，餐廳都唔會趕住要你走👍🏼食完嘢仲可以喺荃灣海邊度散吓步，過吓寫意嘅一日#foodie #hkfoodie #夏日搵食推介 #香港好去處 #cafe #海景 #海景餐廳 #海之戀

諗住可以坐窗邊，但等左好耐都無位唯有放棄😂都係專心食野唔好望海😂·🍔安格斯牛肉芝士漢堡（$85）好抵食～足料漢堡，雖然麵包扁左😂不過都好味. 最鍾意佢既薯條！！超香脆，好食過麥當勞🍟·🍚日式鰻魚甜蛋青瓜粒炒飯（$95）呢個價錢呢個份量很可以👍🏻不過鰻魚汁加甜蛋成件事好甜膩·🍫熱朱古力（+$5）好香濃👍🏻👍🏻雖然無拉花，味道取勝🍵熱玫瑰綠茶（+$5）👦🏻養生之選😂·📍ASAP As Simple As Possible荃灣大河道100號海之戀商場3樓3001號鋪

以前成日都會去asap 食lunch，因為覺得佢哋價錢算係合理，而食物嘅味道都好唔錯！隔咗一排今日再去，見到個menu唔同哂，價錢貴咗起碼20蚊，反而用料少咗，連杯凍咖啡都無埋咖啡味。以前最鍾意叫佢哋嘅蛋包飯，70幾蚊包埋野飲，講真味道係幾好食，所以都覺得值得嘅。今日90幾蚊叫個牛肋肉蛋包飯，得嗰6粒牛肉。。。味道都偏咸咗，成個感覺都覺得好唔抵食。因為價錢貴咗咁多，食物質素反而跌咗，所以應該短期內都唔會再支持。