616牛肉火鍋專門店 (翠怡花園)

營業中

休息中

個日星期四平日去食 ， 預先訂左 留左靠內位置的枱有個特價套餐 好啱2人食加埋滑尾龍好有牛味加埋菊花茶醬料都係加10$任點😹😹男朋友飲埋d湯底可能夠清 叫左牛骨湯底 正😻

天氣凍凍地最啱打邊爐，616 不二之選牛滑清湯，打完邊爐最後食埋牛骨既肉，仲係好鬆軟，一啲都唔un 係等位時睇到 ‘77折必食牛組合優惠’，$164 有4碟牛肉(澳洲五花趾、安格斯橫隔肌、匙柄、牛駝峰)，怎能錯過😂炸魚皮仲好脆，同都好大舊油趣魚皮，食落口幾得意，可能少地方有，所以覺得得意，咬落口都幾爽打邊爐邊少得響鈴，老公不小心落咗一條落地下，店員仲好好，特登拎返一條俾我哋💛最後埋單 $436，已經食到倆公婆好飽！

最近天氣開始涼咗，同朋友想食下打邊爐，大家都係食牛愛好者，就嚟到呢間試吓，湯底揀咗牛雜湯底，牛味香濃，裏面都有唔少牛雜料食都幾正食物方面揀咗牛肉套餐有五花趾、牛駝峰、匙柄同安格斯橫隔肌，一次食到幾款口味，價錢抵食，我較為鍾意五花趾較有咬口牛味濃郁，匙柄少脂肪入口鮮嫩，牛駝峰脂肪分佈平衡，肉感平均，安格斯橫隔肌最有咬口，另外配料叫咗肩胛翼板肉質嫩滑，蝦滑彈牙，豆腐好滑，油麥菜清甜，烏冬吸哂湯底味道好彈牙整體方面上菜速度快，員工有禮貌，食物質素都唔錯會再回訪

Always a big fan of hot pot. The boyfriend introduced me to this hot pot place that specializes in beef. Wow. They have over two dozens of various parts of beef to choose from! Also several soup bases to choose from as well. Super recommend the green pepper chili soup, broth was amazingly good. 青花椒辣湯🌶🫑🌶🫑Highly recommended to reserve via OpenRice as the queues get very long during dinner time.We will definitely revisit especially since its close to home.🤍

616呢間火鍋店 出名食唔同牛唔同部位係一間不斷𝖤𝗇𝖼𝗈𝗋𝖾既火鍋店 食物有一定質素 毋庸置疑湯底有辣有唔辣胡麻湯底 我每次都叫 愈食愈麻 好過癮佢清得黎唔會太油 另外個牛湯底 本身都好多牛腩係入面另外火鍋醬油配料係自助 我每次都拎青檸 感覺清新同牛肉都好配呢到牛唔會好大碟 大家可以一次試唔同牛部位過下口癮配料方面，我自己好鐘意叫索晒湯既蜂巢豆腐同響鈴。咁樣打個邊爐好寫意、慢活🙈🙈🙈為疲累一天工作減下壓☺️☺️

本身念緊幾間野去邊度打邊爐好，因為想食鮮牛同埋之前d friend去過都話好食，所以最後都係揀左去616食，點知好失望，冇鮮牛，同埋d野好唔新鮮，個油趣魚皮好似唔知擺左幾耐咁，有d偏硬，之後想試下牛肉餃子，點知d皮就好似融左咁，d牛肉餡又變左未，本身仲滿心期待咁來食好野但係成台野真係好失望，當時冇影低相，第一次打邊爐係用左半個鐘未食完(係冇曬mood)兼埋單走人，同行嘅朋友都話覺得好失望，我個人就唔會再翻轉頭食了

第一間舖已經開始食由大埔開到去上水 到上水結業我都仲經常食不過4人去平均消費都300up因為佢地啲牛真係好好味尤其係佢哋嘅胸口膀 好好食每次都叫3碟以上其他牛就還可以 都係比較貴到最後都要叫返碗白飯或者烏冬先夠飽

288蚊 2人餐已經好多野食有幾碟牛 有菜有魚皮有芋絲有蜂巢豆腐又有兩支嘢飲自己加多個牛胸磅2個人食到好飽好食 lunch仲抵食因為有折最後2個人飲埋啤酒都唔洗400

呢日黎到好多分店、專食牛肉嘅616牛肉火鍋。好多人打邊爐都會即刻諗到食放題，因為其他單點邊爐實在太貴，不過其實616個價錢都幾合理，平均＄4x-＄6x就有一碟牛肉。作為牛肉專門店，牛肉部位選擇超多，整體都好好食，唔只係普通嘅肥牛，仲有好多特別嘅部位，特別推介匙柄同滑尾龍，匙柄係牛上肩胛肉，入口好有牛味，又唔會鞋，滑尾龍就係有蛋跟果碟，係牛臀部，點滑蛋再淥，口感似平時食嘅滑牛，好有彈性！不過佢非牛肉嘅選擇會比較少，如果唔係食牛獸可能會唔滿足。不過牛肉嘅質素好好食～ 未食過嘅朋友記得去try try

打邊爐之選💛💛💛有牛的不同部位，很多選擇。🥩《二人套餐》$288湯底為「理想點鮮」，是豬骨湯，大大舊豬骨，有些白蘿蔔，很鮮甜美味！🍲牛肉方面有：安格斯橫隔肌、澳洲五花趾、牛駝和匙柄，四種牛都好好味！匙柄很軟腍，橫隔肌牛味濃，配上特製的牛肉汁，相當好吃🥩此外，有炸魚皮、娃娃菜、金菇、蜂巢豆腐、芋絲、公仔麵、稻庭烏冬。🥦二人份量剛剛好！飲品方面，有洛神玫瑰茶和可樂。洛神玫瑰茶是自家製作的。✨總結：牛好吃！新鮮！湯底好香！

2021年廿九團年飯連續等二年新年禁堂食真心希望下年回復正常團年飯很多人叫套餐外賣 坐低見到陸陸續續好多人到鋪拎外賣親調醬汁打邊爐嘅靈魂之處。畢竟每個人口味唔同叫咗二人套餐 包兩支嘢飲 叫咗玫瑰洛神花茶同可樂有冇人同我一樣打邊爐一定飲可樂但真係好邪惡！飲完又後悔 好肥套餐入邊本身有芋絲凍豆腐炸魚皮 金菇菜娃娃菜有5碟吾同部位牛肉本身一個烏冬一個公仔麵🍜 我哋去食嘅時候烏冬賣完轉咗兩個公仔麵額外追加左 一碟牛肉 一份小食一份牛丸湯底叫咗最普通牛骨湯 可以加錢轉其他 例如麻辣牛油等如果唔係特別大食 2人套餐已經好足夠！OPENRICE 訂位有8折🤩埋單 414

鴛鴦鍋 一濃一淡岩岩好～沙嗲食肉類 淡啲果個牛湯食蔬菜 平衡番個味～麻辣牛肉餃偏辣 個皮唔厚~不過好易爛🤣每碟牛肉都係濃牛肉味 有油花 算係有質素既牛肉👍🏻一定會叫黃喉片 口感爽脆 個人好鐘意魚皮超級脆幾好食～牛骨髓都係必食 個人喜好～落係沙嗲湯度好好食～整體分數：7.76

天氣凍，最好就係打邊爐，一行4人夜晚去616，主打牛肉的火鍋店，因為知呢間好受歡迎一定要BOOK定位，THANKS YAN BOOK位呀>3<~!雖然BOOK左位，但仍然要等半個鐘....安排上出現左問題...算啦太想食照等wwww。店子面積頗大，木系裝潢明亮有空間感，座位闊絡，牆上的街市壁畫有地區特色。電子落單，方便，牛肉有好多款式，原來有咁多名，認識左唔少刁鑽部位wwwwww。繁忙時段用餐時間限時100分鐘，上菜都幾快手。有張圖教路推介食法(醬料)及建議各款牛肉淥幾耐時間。多款配料，每位$10。洛神玫瑰茶，$15，自家製的飲品，酸酸甜甜，開胃清爽。菊花桂圓露，$15，友人的。鴛鴦青花椒牛骨湯，$78，湯底都有好多款，要了鴛鴦湯底，青花椒湯底，微辣清香，唔太食得辣但有想食少少辣嘅人仕可挑機，牛骨湯，味道清甜，有白蘿蔔及牛肉等材料，用來配牛肉打邊爐似乎幾正。牛駝峰，$48，人氣之一，牛頸背間的部位，呢碟比較肥下...肉質軟嫩油香鮮味。匙柄，$48，匙仁下的部位，肉質柔軟帶點彈性。封門柳，$68，牛橫隔膜肌肉部位，油分比較少，牛肉味濃，口感較腍。牛朴肉，$48，人氣之一，

最近天氣凍番，就好想打邊爐，616真係長期都咁多人，等左1.5鐘架都。湯底簡左雙拼，一邊係清清地既牛骨湯，另一邊係沙嗲湯。呢到就冇得任食，散叫黎講其實都唔算貴，佢最出色就真係D牛肉，好嫩滑，而且又多選擇! 蝦滑個D都好彈牙，不過牛肉餃就冇乜特別。

朋友介紹616啱晒牛魔王嘅我，睇過食評大家都話大埔呢間品質最好，所以山長水遠入到黎，其實九龍入嚟都好快😝。湯底揀咗鴛鴦麻辣牛骨湯，想辣下過癮又得，想清清地試吓啲牛味又可以。用pad落單清楚又方便👍🏼講返重點牛肉先，呢度牛肉嘅部位多到數唔晒😍😍😍，鍾意食牛嘅你唔可以放過因為有啲部位唔係間間火鍋店都食到，牛肉價錢都係$48-$68，今次我哋兩個人都試咗好多唔同款：🐂牛駝峰🐂胸口膀🐂安格斯橫膈肌🐂美國天然肩胛翼板🐂澳洲五花紙趾🐂牛朴肉🐂牛舌🐂蘇格蘭雪花胸肋🐂俄羅斯牛側質胸肉🐂牛坑爪🐂手打牛滑試咗咁多款牛比較推薦牛舌夠晒牛味又爽口，牛扑肉半肥瘦啱晒我呢啲牛油控，當然之愛唔少得胸口膀，又脆又爽口如果怕好油嘅朋友夾多塊肉一齊食就好正。616牛肉好多選擇，啱晒鍾意食唔同口感牛肉嘅人，其他火鍋配料唔算多不過啱晒我呢啲牛魔王🤩