麵屋一平安

營業中

休息中

去完附近的科學館心思思想食沾麵，貪就腳就黎試下呢間開咗多年嘅小店！位置都唔容易找，去到門口係好家庭和式的感覺，又有啲似日本的中華料理店haha叫左個特級叉燒沾麵，肉係Doubel up左🆙 先點評一下面條：係小麥做的，粗幼硬度都適中👍🏻 沾面湯係熱上的，可惜保溫做得唔好，食到一半已經開始涼🥲 同埋偏浠，以沾麵黎講係唔合格….紫菜唔夠脆身叉燒反而幾有肉味肥瘦恰到好處👍🏻但始終湯底真係成碗野的靈魂😳呢樣做唔好都唔會值得我回頭🤔 試一次就夠

3年前到過日本長崎，三五知己一同遊玩，好懷念在一起吃喝談心的日子。終於再聚了，估唔到搵到一家居酒屋好有當時旅行的感覺，一直點了幾回食物，由7點食到10點人地收鋪。沒有新鮮的裝潢，舊舊的和風味道真係以為自己去左日本。點好了幾款主食及小食，再來兩咋啤酒暢飲一番。五人點了以下菜式:明太子玉子燒: 玉子整得好香軟，明太子咸咸的味道豐富層次日式蝦餃子: 煎得外脆內軟，蝦都好彈牙辣味長崎拉麵: 辣得好過癮，長峪拉麵就係有好多配菜、什錦，食起來唔似平時食拉麵咁油，反而仲有唔少椰菜芽菜。豚肉魚介沾麵: 魚介濃湯偏咸少少，魚介鮮味都幾出，麵硬度都唔錯，反而幾片豚肉就有少許肥，食左一片都好滯了。大板炒麵: 好香大板燒汁醬的味道，以為色水好重好咸，實際上又唔係。唐揚炸雞: 即叫即炸，每件炸雞的烤炒都好薄，烤得好香口，蘸埋蛋黃醬係絕配。燒物 - 燒雞串、豬肉、牛舌，牛舌燒得好香同埋好軟腍!! 必食!!! 同埋都係即叫即燒

星期六食晏通常都會預先book定枱，但這店沒有open rice 訂枱服務，唯有walk in，又好喎，環境寧靜而又唔full. Waitress 很好人也很耐心地幫我們落單。我們點了3份假日午餐，另外在餐牌單點了一碗拉麵。假日午餐Step 1 可選拉麵，Step 2可點丼或小食，Step 3可加$8叫飲品，否則也有一杯熱茶奉送。簡單來講，湯&麵也很淡，跟我以前食過的有點分別，沒有以前的好味。

聽聞這是日本人開的食店，的確又好多日本人來光顧，質素一定有保證！如果是第一次來，店舖可能會較難搵，因為電梯去唔到，一定要搭Lift。中午時間，我哋較早到，即可入坐，後來開始見有人龍等位。午市拉麵套餐，包一杯飲品，抵食！豉油拉麵北海道花咲蟹湯拉麵好多蟹肉，能量十足星期一至四限定，辣味海鮮長崎拉麵齊心抗疫價，都有好多海鮮，絕不欺場。想食飯，仲有期間限定鰻魚牛肉虎蝦天婦羅飯真係應有盡有，樣樣都大大件，好美味！

N年前尖沙咀東部返工，今次N年後再到訪此幸福中心地庫食日本拉麵。充滿日式小店風格。咁多年都屹立不倒，質素要保持得好。。每次光顧「麵屋一平安」都是為了軟殼蟹拉麵，它的海鮮湯很濃，軟殼蟹很大隻，很滿足啊！這次和朋友來， 試了它的特製沾麵，麵是粗身的、很Q，沾湯也很濃郁，愛吃重口味的一定要試啊，配料有紫菜、半熟蛋和五花肉，最初很擔心五花肉很肥，但是一口咬下，嘩！肉和肥膏完全溶化了，完全沒有罪惡感。再配明太子煎蛋， 蛋香， 蛋餅甜中帶咸，味道特別。煎餃子。 味道ok炸八爪魚球鹽燒豬肉串燒 串燒和其他款式小食味道都幾好。個人評分味道：7/10環境：6・5/10《較偏》服務：7/10抵食：7/10

😌都唔錯雞皮餃子🐣味道係唔錯，不過偏肥，肉唔多顯得皮下脂肪係多啲牛舌🐮我比較鍾意厚切既，呢款薄但都有口感同惹味，份量都唔係少炸雞軟骨👍呢個小食最滿意，真係脆又唔厚粉，唔錯特製博多豬骨湯拉麵拉麵有大中細的份量揀，呢點好細心，兩個人揀碗大或者兩碗細，就岩岩好。湯底唔會太咸，面量亦足夠。🌝大部分食物都係夜先有，想試多啲，就夜啲黎啦

想食拉麵，見到呢間有位又未食過試下. 呢間麵店位於幸福中心地庫，位置比較隱閉.經過好長的走廊先找到.内裏環境有D舊。兩個人叫左個蝦餃子，黑蒜油豬骨湯拉麵及特製沾麵沾麵的麵質係粗麵並有9片叉燒.湯係普通魚介湯，不太咸。份量足但味道比較普通。黑蒜油豬骨湯拉麵碗內只得一片日式义燒、而麵質是幼麵，豬骨湯是淡淡的，好在有黑蒜油.味道平衡返.蝦餃子味道ok,内有原隻蝦肉，但略為單調。總括黎講.不妨一試，但沾麵如果同尖東南洋中心地下個間沾麵店比較就遜色好多。

窮遊香港-尖沙咀長崎風格拉麵 立志要食勻全日本拉麵嘅我 去唔到日本 唯有喺香港食住先 見到蘋果有介紹 再見到app有半價 勁有興趣 去咗試試 睇番新聞原來係全香港第一間拉麵店 .⭐️長崎拉麵$88做法幾特別 有小小中式既元素先加將蔬菜 肉同海鮮加入鑊 炒香再加入豬骨湯 最尾加小小麻油😋所以一上台 已經聞到好香👍🏻賣相方面 拉麵好大碗 表面有大量蔬菜👌🏻海鮮有蝦仁 蜆肉 魷魚小量👌🏻湯底味道清清地 蔬菜海鮮味豬骨湯👌🏻拉麵小小似油麵 都軟硬適中整體幾特別 同主流嘅博多拉麵好唔同.⭐️麻婆豆腐拉麵$80呢個係好奇怪嘅配合 所以試試麻婆豆腐量同樣超多 👍🏻多豆腐 👍🏻超多肉碎底下拉麵麵質 相對軟過長崎拉麵👍🏻第一啖幾好味 勁重鑊氣 豆腐唔鬆散😋調味方面都落得好重手 第一啖好好食😫但食下食下就覺得好鹹🤮食下食下好口渴 飲兩杯水都唔掂 負評👎🏻重口味嘅麻婆豆腐 配軟身嘅拉麵👎🏻感覺唔係太夾 唔推介‼️但如果拎嚟送飯 感覺會好好多因為如果太重口味 可以用白飯調節一下.⭐️蝦餃子$65👌🏻煎得幾脆身 係韭菜蔥既餡料味道👌🏻每隻入面都原隻有爽口嘅蝦🤔因為餃子留咗個位比蝦尾 凸咗出嚟👎🏻所以包得唔夠實淨 咬

同事曾經同我講過香港嘅拉麵，佢最鍾意食就係麵屋一平安，至於我係對拉麵興趣不大，有得揀我一定唔會食拉麵，所以我今次係分享拉麵以外嘅食評。🍴鐵板炒麵$78⭐️⭐️⭐️叫咗呢一個主食同媽咪share，鐵板上到枱仲＂吱吱聲＂，醬汁味道剛好唔會過咸，配料椰菜同豬肉多到每啖都食到，不過太油膩我哋食剩咗少少🍴鐵板豆腐$55⭐️⭐️⭐️⭐️豆腐底面已經煎香過，加埋木魚一齊食又幾好味，豆腐本身幾香滑有豆味，一客有4大件都幾抵食🍴蔥花牛舌$70⭐️⭐️⭐️牛舌煮得熟咗dd，有少少韌口感，同埋如果齋食比較咸同油膩，但夾埋菜一齊食又會變得好好食🍴日式煎蛋$48⭐️⭐️⭐️呢個玉子燒雖然唔係滑溜，但又未至於鞋，口感都唔錯，而且蛋味香濃🍴炸雞軟骨$48⭐️炸漿唔錯，但雞軟骨本身太硬身同太乾，感覺似咬緊石頭咁，食咗d就放棄咗了二人共消費：$170 (app半價優惠)

-{尖沙咀平價叉燒沾麵🍜}早排見到有app優惠有半價食拉麵或者沾麵 平時沾麵都80起跳 今次58蚊咋😍🤤特製沾麵🤤 ($58原價102)係有9片普通叉燒🥩不過太肥了😂麵質係偏粗嗰種 湯都正常小小魚介湯 唔太特別 但好大碗同好多麵🤪最失望係隻蛋冇乜味😭👖褲評: 6.5/10喺度食嘅原因都係因為有半價 但冇半價嘅話我就唔建議去食啦 平平哋想食餐沾麵嘅話都可以嚟🙆‍♀️性價比: 8/10服務: 7.6/10環境: 8/10🔔小tips: app book定lunch有半價優惠架🤩只限尖東舖 mira mall嗰間冇半價架！🚩麵屋一平安🚩地址: 尖沙咀加連威老道92號幸福中心地庫B1號舖#fuudjai #fuudjai尖沙咀 #fuudjai日本菜 #fuudjai拉麵

經網站訂位有折扣, 有折扣 之下價錢絕對可接受 連埋加一 五十幾蚊一個麵, size一般, 叫埋餃子同煎蛋餅 質素好一般, 拉麵食嘅時候感覺非常好, 連湯夠熱 啲麵都好食 好食到我將所有嘅麵湯飲曬 之後就大件事 下午不停飲水 飲咗超過一公升仍然覺得口渴, 以後都唔會再幫襯.

非常普通的拉麵，麵質煮得有啲硬，唔值得$100一碗。會選擇其他拉麵店。感覺質素差過味千拉麵，應該都唔會再光臨。環境正正常常。沒有試過小食，只有試過拉麵。唔好期望太高。　

事源用左優惠app book左美麗華分店，但發現原來幾日前有確診患者曾去過，所以改book 幸福中心總店...原本滿心期待....原來總店在地庫，好隱世feel, 一入去同店員講用app book左有優惠，坐低望下menus 有咩食，姐姐即刻話: 果份無平架! 好，我明白的，我都book過好多次優惠，淨點主餐牌食品...到點菜後，發現主餐牌燒烤品無，軟殼蟹拉麵又無，比你殺個昔手不及，心情一再打擊下點左:1. 辣沾麵: 麵質唔錯的，夠彈夠咬口，沾麵汁夠魚介味又不會太咸，但不夠熱...因為豬肉片太肥，每片有8至9成脂肪，的確有油香才好食，前提要夠熱2. 特製熊本豬骨湯拉麵: 一般比普通貨式更一般，麵質不錯，有特別簡選，但...就係無特別3. 炸雞軟骨: 普通，我諗好難整得唔好食總括而言，原價不會去食

人流：是日星期六中午一點，冇咩人，我諗坐左一半人左右，可能位置比較隱蔽，其實唔係入，不過你未必會兜過黎環境：有多人嘅枱，係兩位兩位座可以移動，我諗如果枱枱都二人可能有少少迫，但我地六個人就坐得好舒服服務：冇咩特別，不過姐姐見我地睇唔到有口罩袋提供見我地用紙巾包，好心提一提我地，加分食物：拉麵，因為一陣立即有下一餐，我同妹妹share一個麵，佢餐牌入面拉麵大概70-90蚊不等，份量唔多唔少，湯底一定唔夠龍頭大佬咁香濃架啦，但都不過不失，叉燒如果可以再煮耐多少少令肥肉溶化就好鰻魚飯，唔係我食，細嘅都唔少，冇必要叫大，成$168，我寧願叫多個小食啦。在座有兩位叫呢個，都說好，我見都夠鰻魚汁送飯（我口味係要仲見到有少少白飯存在，我食得淡口），試左一啖，鰻魚肥美嘅另外兩位個拉麵我唔介紹，老人家唔識食，冇評價，不過我老豆大食嘅，一個碟頭飯唔夠食果款，我見佢食完一碗唔太飽咁雞皮餃子，我冇食到，各自評價係好食，皮脆香口，有個人仲食左兩件囉，佢話有機會可以encore呢間因為雞皮餃子，我忘記左價錢，大概三四十掛小丸子，粉醬溝得幾好似日本，但好好好細粒，睇下我手指對比（我隻手偏細），所以都冇咩料，價錢都忘

This is my second time dining in this restaurant! Love their service and food.Very authentic Japanese flavour and the owner is the first person that operates a ramen place in Hong Kong.They are currently doing a buy1 get 1 free beer promotion and 1 HKD for 1 chicken karaage (fried chicken cube).Please stop by this restaurant for some good food if you are in Tsim Sha Tsui.